【金錢龜】

【金錢龜】遊戲係一個同投資有關嘅中文iapp遊戲（用喺iPod、iPhone 及iPad），設計本地化，引用咁多年嚟嘅亞洲經濟事例，貼近生活。遊戲中玩家化身做基金經理，投入模擬嘅金融市場，管理自己嘅投資組合，親身感受市場變幻莫測，同埋吓點樣累積財富。

誕生

【金錢龜】遊戲係由一位基金經理，喺2009年得到靈感而創造。一次西藏之旅，呢位基金經理喺青藏列車上諗番2008年金融海嘯，深深感受到金融業同大眾生活係息息相關。但而家基本金融同投資理論重未普及，所以希望藉住【金錢龜】遊戲，通過輕鬆有趣嘅遊戲，嚟提高大眾對金融市場嘅認知。

原名金錢歸，寓意金錢「歸」誰家，但食字潮流易來易去，最後決定改名做【金錢龜】。

開始時每人隨機攞到7張牌但無現金。遊戲由玩家開始，每次參賽者可以揀：

抽牌：抽咗一張牌之後，如果手揸7張或以下紙牌，玩家可以揀唔出牌（每人最多只可以手揸7張牌）。選擇出牌嘅話，玩家可打出一張或以上嘅功能牌（資產牌只可以買賣，唔可以打出）。每次打出功能牌後，玩家一定要轉動輪盤決定受影響資產嘅最新價值。
買賣資產：揀賣出手上資產嘅話，交易以當時市價作準（除非玩家已經用咗超級金錢龜牌去凍結手上資產價值），被賣出嘅資產將會流通市面而且可以被收購；揀買入市面上流通資產嘅話，參加者一定要有足夠現金進行交易。參加者唔可以互相買賣資產。

當所有牌抽晒之後，遊戲結束。擁有最多財富者就係遊戲大贏家。

全副【金錢龜】紙牌共有100張，分為資產牌同功能牌。資產牌代表市場內嘅資產，功能牌代表影響資產價格嘅唔同事件。

功能牌	代表事件
銀行盈利增長	利潤
科網熱潮	互聯網泡沫
水電煤加價
住宅交投活躍	住宅
商廈租市活躍
倫敦樓市回暖
貨幣貶值	貶值
石油危機	能源危機
中國四萬億救市
政府需求增加	供給和需求
盈利看好	利潤
牛市	市場趨勢
銀行擠提	2008年東亞銀行擠提事件
科網泡沫爆破	互聯網泡沫
水電煤價格管制收緊
「八萬五」	八萬五建屋計劃
外資撤出
倫敦樓市大跌
印度黃金需求減少
石油供應過剩
美國大型基建暫停	基礎設施
中日減持美債	國債
公司評級下降	信用評等
公司清盤	清盤
「大奇跡日」	大奇跡日
樓市小陽春
美元疲弱	美元
利息低企	利息
「丁蟹效應」	丁蟹效應
沙士	沙士
美元造好	美元
雷曼迷債事件	迷你債券
戰爭
戰後復蘇
經濟起飛	景氣循環
經濟蕭條	2008年環球股災
銀行加息	利息
銀行減息	利息
金融海嘯	金融海嘯
經濟復蘇	景氣循環
超級金錢龜	使出後玩家手中嘅資產價格將會凍結一個圈（近似現實中嘅認股證）。