增四度

三全音（tritone；拉丁文：diabolus in musica，「音樂當中嘅魔鬼」噉解），又叫增四度或者減五度，係一個相隔三個全音嘅音程。例如 F 音同 B 音之間（F-G、G-A 同 A-B 三個全音）就係一個三全音。

增四度嘅例子

三全音喺古典樂出名撞音，聽落唔舒服，花名叫「音樂當中嘅魔鬼」，所以成日俾人喺恐怖嘅音樂（例如係恐怖遊戲嘅配樂）嗰度用，但係喺和弦度用增四度，亦都可以用來突顯下一個和弦嘅協和，而今有用喺和弦進行，間中有喺流行曲嘅旋律入面用，更加係藍調音階嘅重要構成部份。

名

增四度係指純四度升半音，而減五度就係指純五度降半音；喺十二平均律之下，增四度、減五度同三全音都只係同音異名，係同一個音程，但係如果唔係用十二平均律，呢三個其實係唔同嘅音程。