三字經係香港以前流傳嘅一首打油詩，除咗第一句「人之初」同正牌三字經一樣之外，就無乜特別關係。佢嘅特色係每句最後一個字都會同下一句頭一個字同音，所以好順口。
香港電視節目獎門人嘅「馬拉松」文字接龍遊戲，亦都啟發自呢篇打油詩。
有好多版本，最常見嘅版本如下：
人之初，搓老泥，泥鯭魚，魚肝油，油麻地，地中海，海龍王，黃大仙，仙人掌，掌你兩巴掌！
其他流傳版本如下：
人之初，搓老泥，泥鯭魚，魚肝油，油麻地，地中海，海龍王，黃大仙，仙人掌，掌上壓，壓屎餅，餅乾碎，稅務局，焗豬扒，扒龍舟，周星馳，慈雲山，生BB，BB死左無得醫！
