上環追究開槍集會

上環追究開槍集會，係2019年7月28號由香港民間人士發起嘅一次集會，主要係回應7月21號嘅七二一遊行後上環嘅清場行動，追究警方開槍責任，但亦夾雜反逃犯條例修訂運動嘅訴求。

上環追究開槍集會

呢次集會本嚟係上環追究開槍大遊行，由中環遮打花園行到西營盤中山紀念公園，但警方發咗「反對通知書」，只批准喺遮打花園集會。集會嗰日，好多參加者走出集會範圍遊行，主要目的地係銅鑼灣怡和街同西營盤近正街，當中西營盤嗰邊，示威者同警方出現對峙同爆發衝突，入夜後衝突轉移到上環。