世界文化理事會

世界文化理事會（英文：World Cultural Council；簡稱：WCC）係一個國際組織，1981年成立，總部喺墨西哥墨西哥城。目標係促進人類之間嘅文化價值、友好同博愛精神。自1984年起，世界文化理事會每年都會舉辦頒獎典禮，頒發愛因斯坦世界科學獎、華斯孔賽洛斯（José Vasconcelos）世界教育獎以及達文西世界藝術獎，以表揚傑出嘅科學家、教育家同埋藝術家對人類文化所作出嘅積極貢獻。理事會成員包括幾位諾貝爾獎得主。

世界文化理事會 World Cultural Council
簡稱	WCC
創立時間	1981
官方語言	英文
網站	World Cultural Council

創立成員

世界文化理事會嘅創立成員來自124位不同範疇嘅傑出人士，當中包括有藝術、生物、化學、物理、醫學、心理學、神經科學、天文學、海洋學、天體物理學、人類學同動物學等。當中唔少成員更攞過享負盛名嘅國際獎項，包括有諾貝爾獎、美國國家科學獎章、科普利獎章、英國皇家獎章、愛因斯坦獎、拉斯克獎同費米獎等。另外，有啲始創成員係英國皇家學會嘅院士或外籍院士、美國物理學會院士同瑞典皇家科學院院士。

出面網頁

• 世界文化理事會