中環坪洲渡輪

中環坪洲渡輪係香港一條港外渡輪線，來往中環六號碼頭同埋坪洲碼頭，而家由港九小輪營運。

史

呢條航線喺1960年代開辦，當時係由中環到長洲（經坪洲同大嶼山梅窩）分拆出嚟，提供梅窩（經坪洲）嘅迴航提供服務，直到1974年先至全面分拆；後嚟喺1992年，梅窩同坪洲兩條航線再度分拆成獨立直航航線，過去係由油麻地小輪營辦，2000年初，油麻地小輪被政府收返專營權後，改由新渡輪接辦，之後喺2008年7月1號由港九小輪接辦到而家。

由於呢條航線係坪洲唯一能直接往返市區嘅航線，但坪洲島嶼面積細過大嶼山同長洲好多，客量只屬一般。每逢假日都會有大量遊客到坪洲旅遊，客量會比平日多。

由2013年8月16號起，由於珊瑚海船務旗下坪洲喜靈洲渡輪因專營權屆滿而放棄經營，所以由當日開始呢條航線提供來往坪洲到喜靈洲嘅特別班次，客源主要係喜靈洲懲教所返工或探訪嘅人士。