坪洲喜靈洲渡輪

坪洲喜靈洲渡輪係香港一條已經無做嘅渡輪線，來往喜靈洲同埋坪洲碼頭，本嚟由珊瑚海船務營運，2013年8月16號開始唔做，由港九小輪嘅中環坪洲渡輪提供特別班次取代。

史

呢條航線喺1990年代開辦，當時係方便喺喜靈洲懲教所同戒毒所做嘢嘅員工同探訪人士而設嘅航線，另設喜靈洲到大嶼山梅窩特別班次，方便轉搭新大嶼山巴士嘅乘客。

由於呢條航線受到政府私下「包船」接載喜靈洲懲教所同戒毒所做嘢嘅員工影響，導致呢條航線長期蝕錢，喺2013年8月16號專營權屆滿後放棄經營，由港九小輪嘅中環坪洲渡輪提供特別班次坪洲到喜靈洲取代。