喜靈洲

喜靈洲（英文：Hei Ling Chau或者Hayling Chau），原名尼姑洲（Niku Chau），係香港一島。今日島上多數係監獄同戒毒所。

史

尼姑洲原有三族人，分別係林氏、曾氏同吳氏，都係19世紀末搬入。

1950年，香港政府想將佢個島變成專收留痲瘋病人，所以將原本十個屋企，成百人村民搬到大白、拾塱同長洲。因為無咗村民，只留低遺蹟。

1951年，國際痲瘋救濟會香港分會，會醫Neil Duncan Fraser喺島上開咗痲瘋病院，起石磚屋。重將個島改名叫喜靈洲，所個病院叫喜靈洲痲瘋病院。1960年代，最多收過540人。因為大家都怕痲瘋病，無乜其他人會上島。

1974年，痲瘋經已受到控制，唔係流行病，所以執咗痲瘋病院，將病人搬晒去荔枝角醫院。無耐個島就畀懲敎署接手。

1980年代，香港唔少島，包括尼姑洲，都用來收留來自越南嘅非法入境者，等佢遺返越南。

1987年，有位叫鮑嘉天嘅神父喺島上面發現新品種蜥蜴，之後命名做鮑氏雙足蜥。

2004年，香港政府想喺島度起座超級監獄，因涉及填海計劃，畀人反對而擱置。

家下島只用來監獄同戒毒所，分別係喜靈洲懲教所、勵新懲教所同喜靈洲戒毒所。而島外有避風塘，畀漁民避打風。

由鳳凰徑第十二段眺望喜靈洲，左邊係萬角咀，右邊係梅窩至水井灣一帶嘅山丘。