中環消防總局[1]，香港舊時屋宇之一，曾經做香港消防局總部。一九二六年起喺中環德輔道中八十三號，另一邊為干諾道中，一九八二年拆咗起重建為恒生銀行總行大廈。英文寫做Central Fire Station。舊時人稱水車館。間館開正喺中環街市對面，而干諾道中以前為中環海旁。故此間館喺海邊望過去，高過周圍屋宇，然而日新月異，舊屋宇拆咗，就起返啲高樓，間館就畀高樓圍住。
