中華民國地理極點

呢個表列出唨中華民國實際統治地區同憲法宣稱國土嘅東西南北極點。

實際統治地區嘅東西南北極

中華民國實際統治地區、主權要求地區嘅東西南北極

最北端

• 西引島北固礁（福建省連江縣馬祖東引鄉中柳村）：北緯26度22分58.8秒，東經120度28分34.0秒。

宜家中華民國實際統治範圍嘅最北端，難以用普通嘅交通方法抵達，但就係臺灣主張領土範圍嘅東西南北端當中唯一一個普通人都去得到嘅地方。佢係一個著名漁場，可以搭乘漁船前往垂釣。

• 西引島國之北疆碑（福建省連江縣馬祖東引鄉中柳村）

普通人通常到達嘅最北端。

最南端

• 南沙群島立地暗沙（高雄市旗津區中興里）：北緯3度58分。

中華民國對邇個島有主權要求，但實質上屬印尼海軍勢力範圍。

• 南沙群島太平島（高雄市旗津區中興里）

宜家中華民國實際統治嘅最南端，由臺灣海岸巡防署直接管理同劃入軍事管制區，普通人難以抵達。

最東端

• 釣魚台列嶼赤尾嶼（台湾省宜蘭縣頭城鎮大溪里），東經124度34分9秒。

中華民國對邇個島有主權要求，但實際由中华人民共和国同日本交替控制。

• 棉花嶼（台湾省基隆市中正區）：東經122度6分25秒。

宜家中華民國實際統治嘅最東端，因劃入軍事管制區而冇人居住緊。係「棉花嶼、花瓶嶼野生動物保護區」，島上最東端係屏風岩，普通人透過一般嘅交通方法難以抵達。

最西端

• 南沙群島萬安灘（高雄市旗津區中興里）：東經109度36分。

中華民國對邇個島有主權要求，但實質上係越南海軍勢力範圍。

• 南沙群島太平島（高雄市旗津區中興里）

宜家中華民國實際統治嘅最西端，由海巡署直接管理並劃入軍事管制區，普通人難以抵達。

實際統治地區東西南北極點嘅行政區劃

鄉鎮市

最北端

• 福建省連江縣東引鄉

最南端

• 臺灣省屏東縣恆春鎮

最東端

• 新北市貢寮區

最西端

• 福建省金門縣烈嶼鄉

台灣本島同附屬島嶼嘅東西南北極點

最北端

• 富貴角（新北市石門區富基里）
• 彭佳嶼（臺灣省基隆市中正區）

若從台灣地域來睇，最北端係喺基隆外海約60公里嘅「彭佳嶼」。

最南端

• 鵝鑾鼻（臺灣省屏東縣恆春鎮鵝鑾里）
• 七星岩 (屏東)

若從台灣地域來睇，最南端係距離鵝鑾鼻8.6海浬嘅「七星岩」。

最東端

• 三貂角（新北市貢寮區福連里）
• 棉花嶼（台湾省基隆市中正區）

若從台灣地域來睇，最東端係喺基隆外海約42公里嘅「棉花嶼」。

最西端

• 尖仔尾（喺頂頭額汕，臺南市七股區十份里）
• 外傘頂洲（台湾省雲林縣口湖鄉）

若從台灣地域來睇，最西端係喺台湾省嘉義縣東石鄉外海10幾公里嘅「外傘頂洲」西端。

主要三外島嘅東西南北極點

		最北端	最南端	最東端	最西端
澎湖群島		大磽礁（大磽嶼）	七美嶼	查某嶼	花嶼
金門群島	金門本島	馬山	料羅	復國墩	塔山 青山（如包含烈嶼鄉）
	金門離島	大坵村 (烏坵鄉)（如考慮金門縣整體）	東碇島	北碇島 小坵村 (烏坵鄉)（如考慮金門縣整體）	五擔島
馬祖列島		東引鄉西引島北固礁	林坳嶼（林頭）	東引島	西莒蛇島

臺澎金馬嘅東西南北端

總合臺灣島同其附屬島嶼、澎湖群島、金門群島、馬祖列島嘅東西南北端。

最北端

• 北固礁（福建省連江縣東引鄉）

最南端

• 七星岩（台湾省屏東縣恆春鎮）

最東端

• 赤尾嶼（台湾省宜蘭縣頭城鎮）

最西端

• 五擔島（福建省金門縣烈嶼鄉）

中華民國曾宣稱嘅國土地理極點

此四極，宜家已極為罕用或棄用。

原中華民國法理行政區域

原中華民國法理行政區域

中華民國的行政區劃同領土糾紛

最北端

• 薩彥嶺，北緯53°57'。

最南端

• 曾母暗沙立地暗沙海域，北緯3°10'。

最東端

• 黑瞎子島東端，東經135°4'。

最西端

• 噴赤河，東經71°。

睇埋

• 中華民國疆域
• 台灣之最一覽
• 中華民國自由地區
• 臺灣地理
• 台灣地理中心碑
• 中華民國島嶼一覽

參考

• 2008，中華民國內政部《內政統計年報》。
• 2005，〈戰後中學地理課程疆域內容之探討〉，《人文及社會學科教學通訊》。
• 地圖會說話: 臺灣四極演變史