主語

主語zyu2 jyu5（英文：subject）係語言文法入面一個句入面嘅主體部份，同謂語相對。主語多數係名詞，譬如一個人或者一樣嘢，但其他種類嘅詞都可以做主語。例如「小明去廣州」，「小明」就係主語。

唔係所有語言入面所有句子都一定有主語。例如喺芬蘭文，如果句子講嘅係人人都普遍做嘅一般情況，又或者講天氣等等，句子都唔會有主格嘅主語，唔使好似英文咁夾硬塞個主語入去楔位。又例如喺日文，一般講都話用｢は｣（wa）嘅主體部份都唔係主語，而係｢主題｣^[暫譯]（topic），主題如果唔變，之後嘅句子可以省略主題；中文其實都有啲類似。