第4屆香港立法會地方選區補選

2010年香港立法會地方選區補選（又叫立法會五區總辭、五區總辭、五區公投）係香港特別行政區成立後第6次進行嘅香港立法會議席補選，響2010年5月16號舉行。填番響同年1月26號因參與五區總辭而辭職嘅陳淑莊、梁家傑、黃毓民、梁國雄、陳偉業分別響香港島、九龍東、九龍西、新界東、新界西嘅5個民選議席空缺，係香港立法會（局）史上頭一次同時為多過一個遺缺議席搞補選。

第4屆香港立法會地方選區補選
香港選舉政治專題
‹ 2008 •  • 2012 ›
2010年5月16號
選舉類型				立法會
選舉制度				單議席單票制
議席數目				60
選舉席次				5
選舉統計
總投票數						579,795
‎總投票百分比
							17.19% ▼ 28.01%
			五區總辭
			投票數				464,561
			獲得議席						5 ▬ 0
									82.96%
			大專2012
			投票數				36,226
			獲得議席						0 ▬ 0
									6.47%

香港島選區喺投票日嘅競選活動進行情況

背景

2009年底，泛民主派嘅公民黨同社民連兩個政黨聯合搞五區總辭運動，透過派立法會議員辭職搞補選，兩黨用爭取「儘快實現真普選、廢除功能組別」做唯一選舉議題，希望將補選當做「變相公投」畀市民投票2012雙普選。2010年1月26號，港島區陳淑莊、九龍東梁家傑、九龍西黃毓民、新界東梁國雄、新界西陳偉業正式向立法會秘書處遞辭職信，政府響2月5號刊登憲報宣佈議席空缺。全港五個選區各有一席出缺，所以補選一如以往用單議席單票制搞，但同以往補選唔同，今次補選全香港所有已登記選民都有得投票。最终五個辭職議員全部當選，但投票率得17.1%，未達目標。造成今次運動主要原因係香港冇法定嘅公投法。

進程

2009年11月22號，蘋果日報呼籲香港民主黨發憤參與。不過，民主黨冇打算參與。長毛認為民主黨噉樣唔肯辭職，會俾親中陣營同政府笑。

有唔少上次選舉意外落咗車嘅前立法會議員話，若果有補選佢哋都考慮參選。當然等成事就會表態。

2009年12月13號，民主黨大會投票8成反對，決定唔參加五區總辭，但係黨員可以用個人名義助選。

2010年1月21號，社民連同公民黨宣布辭職名單，重話喺1月26號辭職。

1月24號，五子想嚮立法會時間朗讀辭職宣言，而立法會主席曾鈺成話要審查佢哋份稿，之後重話要修改小小內容字眼先得，而長毛就唔鍾意噉，拒絕畀曾鈺成審查份稿。

辭職個日，五子打算依時宣讀辭職。點知建制派睇過份稿，決定拉隊離場。不過，個個走，而陳鑑林就唔走，留嚮會議室要求主席點「出席人數」。

1月21號，公社兩黨宣傳今次變相公投係變相起義。重指出今次補選規矩，係正邪對決。

1月23號，自由黨自己開會後，宣告唔會參加呢次起義式補選。黨主席田北俊話，呢個變相公投等於踢足球，俾人改咗遊戲規則，話手球都得，所以田北俊認為犯規遊戲，自由黨一定拒絕參與。

2月3號，民建聯主席譚耀宗都宣佈，民建聯唔會參加呢次咁嘅「正邪對決」。

2月8號，政制及內地事務局林瑞麟宣佈，呢個補選最早會嚮2010年5月舉行。同日，南華早報有個專訪，香港特首曾蔭權話，呢次補選佢可能唔去投票。

2月9號，《文匯報》社論提出三不，對付「變相起義」。

5月16號，陳淑莊、梁家傑、黃毓民、梁國雄、陳偉業喺呢場補選勝出，重返立法會。