五聲音階

五聲音階（英文：pentatonic scale）指得五個音嘅音階；不過所謂五個音可以係上去嘅上行形 同落返嚟嘅下行形 唔同都得，例如日本嘅陰旋法就係上行形同下行形唔同，但係都算係五聲音階；除咗呢個之外，其他例子有中樂傳統嘅五音同現代西樂一般講嘅五聲音階。

西樂嘅五聲音階

C 五聲大調。

C 五聲小調。

如果用西樂嘅大調音階做基礎，理論上可以是但拎走兩個音，都會得出個五聲音階，但係現代西樂講嘅五聲音階通常係指拎走咗 fa 同 ti 兩個音嘅所謂大調同小調兩種，所謂大調係指全音、全音、半音三度、全音、半音三度五個音程，而所謂小調就係指半音三度、全音、全音、半音三度、全音五個音程，兩種都可以喺鋼琴淨係撳黑色琴指彈出嚟。

用呢五個音整出嚟嘅五聲音階有一個特點，就係任何兩個音之間嘅音程都唔會係半音，亦唔會係三全音，即係是但彈都冇撞音嘅可能，喺即興音樂好有用。

書目

• Chi, Kennedy (2017年10月15號)。〈日本五聲音階〉。喺2024年10月28號搵到。