人脧

顧名思義，人脧即係人條脧，係個只得男性有嘅器官，乃男性生殖系統同埋泌尿系統嘅一部份，繁殖同屙尿都靠佢。

人脧（剃咗陰毛、無割包皮、平時狀態）

名稱

「脧」嘅現代學名係陰莖，古粵語可能作「㞗」）。個「脧」字以前係童語，帶稚氣，冇冒犯，只用於細孥嘅——時而只計陰莖，時而包括全副性器官。而家作單字用時，齋指陰莖，大人之間傾談時都用到，唔指明所述成熟與否，語氣略為幽默同粗鄙。現時，疊字「脧脧」喺上述兩類情境，都會用到。

非科學用詞

粵話

• 㞗、𡳞：指成熟嘅陰莖／整個男陰。
• 𨳍：指成熟嘅陰莖／膥袋／整個男陰。
• 脧脧、賓周、㞗脧：指未成熟嘅陰莖／整個男陰。逐漸多咗人唔理發育狀態噉樣用第一、二個詞，第三個詞已經唔多人會講。
• 條、碌：條嘢同埋碌嘢都準確噉表示到「陰莖」嘅意思。以上三行所舉嘅任一字詞，必須配上「條」、「碌」或者類似量詞，先至會消除到歧義。
• 茨菰蔕（粵拼：ci⁴ gu¹ ding^6*3；俗寫：慈菇椗）：比喻男嬰陰莖／整個男嬰，量詞為「粒」或者「個」。

官話白話文

• 玉莖、𣬠𣬶（俗寫：雞巴）：準確代表「陰莖」。
• 粵語人口唔用嘅新詞同多義詞無數，在此不贅。

解剖

特寫圖之中凸出來，條狀嘅係人脧，包狀嘅叫膥袋

每個男人都有條脧，喺軀幹下面正中央凸出。一條人脧分為根、主體同埋上皮三部分；脧根藏喺軀幹裏面，脧體即係由身體凸出嗰條，包含住連貫嘅海綿體同尿道等條狀軟組織，而上皮部分就係包住條脧主體嘅皮膚，當中喺最前面𢫏住龜頭嗰截叫包皮。

功用

屙尿

男人用條脧屙尿

男人條脧係泌尿系統嘅一部份，用來屙尿。

生殖

由青春期開始，男人條脧會扯旗然後射精，令女人大肚。

睇埋

• 人膥
• 閹
• 屄

外拎

• 台灣男性學醫學會