仆街粵拼puk1 gaai1[註 1]廣東話入面一個好常見嘅俗語。喺香港同埋廣東等地區經常有人掛喺口邊,亦都有喺塗鴉度出現。喺中學入面、男人之間傾計、MK人對話之中,「仆街」呢句俗語嘅出現率係特別高嘅。相比起「」之類嘅粗口,「仆街」其實唔算係粗俗,最多只有死傷意思,亦冇性暗示。

仆街

意思

喺廣東話之中,「仆街」原本係黑社會嘅用語,係指仆臥喺上,喺路邊冇人收,暗指眾叛親離或者親信俾人誅晒。現今都好少人知道佢嘅原意,於是「仆街」一詞開始降級,變為強調情感之用,更有人按字面就噉解為跌倒、仆親[1]

寫法

有指正寫係扑街,其中「扑」唔係「撲」簡化字[2];亦有考證話寫成踣街至啱[3];兩個嘅發音同意義都啱路數,不過極少人採用;正寫存疑。另外有粵語「曲街」、「福佳」、扒街及國語「不該」及英文「PK」、「HiHiHi Hi」同「poor guy」等避諱代稱[4][5][6]

文法及應用範例

而家嚟講,仆街一詞喺實際應用嗰陣主要會有四種意義:

  1. 指陷入絕境:今次仆街啦!(呢鑊麻煩囉!)
  2. 狠狠咁鬧仆街啦你!(去死啦!)
  3. 作名詞用,指特定嘅人:你係一條仆街。(你係一個衰人)
  4. 作形容詞:佢好仆街囉!(佢好賤)
  5. 發洩用:仆你/佢個街!(等同「豈有此理」、「頂你/佢個肺」、「你去死啦」)

以下進一步介紹下唔同詞型嘅運用:

  • 作為名詞,多數係指一啲品德好差或者做咗壞事嘅人。例句:
  1. 你個仆街吖!重爭我十蚊幾時還呀?(直頭用仆街當咗係對方個名,用嚟強烈咁表現出唔還呢種品行係唔要得嘅)
  • 作為動詞,多數會係啲黑心狠毒嘅咒罵。例句:
  1. 叫你做少少嘢都唔掂,哎你去仆街啦!(呢句說話強烈咁表達對某人做嘢嘅效率唔滿意,直頭想佢快啲去死)
  • 作為形容詞,多數係指單嘢好麻煩好難處理,或者形容好衰嘅人。例句:
  1. 嗰個仆街老細成日喺度指東指西!我唔撈啦!(帶出呢個人認為有個咁衰嘅老細咁樣對自己,已經唔想再幫佢打工)
  2. 單嘢搞到咁仆街,點收科呀?(即係件事搞到咁複雜麻煩,點樣去收拾殘局好呢?)

其他用法

仆親/跌倒

仆街可以泛指跌倒,例如:

唔好運

仆街可以指自己或者其他人嘅運氣唔好。例如:

  • 我今次仆街啦!
等於「我呢鑊衰咗啦!」
  • 仆佢個臭街仆佢個臭花街
等於「頂佢個肺」、「豈有此理!」。「佢」字可以泛指任何,包括運氣。「」字同「臭花」係助語詞

諧音詞

諧音

PK

英文「PK」原本嘅意思係決戰或者互相毆鬥,亦都係指足球十二碼(Penalty Kick)。

不過因為有時為咗唔想咁粗俗,就搵仆街英文拼音-"POOK GAI" 嘅縮寫:「PK」來代替,用法其實同仆街係一樣。例子:

  • 今次個計劃P咗K啦!(又可以咁樣講:今次個計劃PK咗啦!
即係話:今次呢個計劃衰咗囉。
  • 你條PK仔終於捨得返嚟啦咩?
即係「你個衰仔終於捨得返嚟啦咩?」。因為係取代用嘅詞語,聽落比較溫和,可以用喺比較熟嘅朋友身上,口中雖然好唔滿意,但又帶出少少親切同掛念嘅味道。
  • 今次PK啦!
即係「今次仆街啦!」

Poor Guy

英文「Poor Guy」照譯就係窮人,但有時因場合唔方便講仆街或PK,或會用「Poor Guy」代替。好似:嗰條Poor Guy好狗呀!

不該

用國語讀不該,聽落似用粵語講嘅「仆街」,黃毓民做香港立法會議員時,曾經喺開會時用國語講好多次「不該」,疑似有此意味[7]

曲街

以「曲街」代替「仆街」原本係佛山一帶嘅粵語南番順方言嘅避諱講法[8],後嚟開始喺香港嘅網上討論區廣泛咁用,通常係用嚟做避開俾討論區過濾河蟹嘅替代詞[9]

福佳

改編歌《福佳始終有你》令諧音詞「福佳」廣為人知。

扒街

將「仆街」讀歪些少就係扒街paa4*1 gaai1),字面意思差唔多。

  1. 發音只得一種;本字眾説紛紜,此乃普及寫法。

  1. "上海仔借病潛逃 返港被捕". hk.on.cc. 喺2021-06-18搵到.
  2. 谁语争锋 顺德话“曲街”不能随便使用 广东广播电视台官方频道 (英文), 喺2021-06-03搵到
  3. "次文化堂|香港人口既出版社". www.subculture.com.hk. 喺2021-06-03搵到.
  4. 癲狗編輯室 | 0, 2020-Jan-17 | (2020-01-17). "梁錦祥:PK鄧係一條仆街". 癲狗日報 (英文). 喺2021-06-02搵到.
  5. "Sun奇古怪:Sun潮語:HiHi". 太陽報 (中文). 喺2021-06-02搵到.
  6. 沈洛嘉 (2018-11-08). "【龍咁威3】鄭中基率原班人馬親自執導 又有得睇《警訊》騙案?". 香港01 (中文). 喺2021-06-03搵到.
  7. 黃毓民-國語激辯!怒批特衰正苦〝不該的仆街〞九宗罪(1/2)2009年4月2日 (英文), 喺2021-06-03搵到
  8. 《誰語爭鋒》第二季第六集 All About the Dialects S02E06 (英文), 喺2021-06-03搵到
  9. 聽講最近有班仆街哩係曲街推人出街 (英文), 喺2021-06-03搵到

睇埋

  • 屌你老母
  • 冚家剷
  • 仆奇(Poke或Poké,一種據說源於夏威夷嘅日式熟食。喺北美洲嘅連鎖快餐店Poké Guy就係賣呢種嘢食)

出面網頁