屌你老母粵拼diu2 nei5 lou5 mou5*2,俗寫做𨳒你老母)係句廣東話粗口,字面解係「我同你阿媽扑嘢」,實際用嚟空泛咒罵。

鬧人喺中國各方算係種共同文化,魯迅就話如果代表中國嘅花牡丹叫做國花,咁鬧人法就係中國「國罵1[1][1][2][3][4][5][6]

旁白話指話某某「屌人(哋)老母」,多數係代表某人用「屌你老母」呢句嘢鬧人。

好耐之前,流行嘅版本係屌那媽diu2 naa5*3 maa1/diu2 naa5 maa1),往往俗寫作丢那媽[7][8]

其他話

喺第啲話入面,有對等粗口,例如普通話就叫「肏你媽」、「他媽的」、「幹你娘」,喺網絡上便隱晦啲會寫成「草泥馬」。閩南話就話「駛恁娘」、「姦恁娘」、「姦恁娘膣屄」、「幹恁娘老膣屄」。除咗「幹」同「」,其他形容重有「」、「」、「日」、「直」、「弄」。

意思種類

鬧人老母分三種,一種係無意義嘅粗口,純粹只係自己發洩情緒,甚至係口頭禪,叫做「穢語」,另一種就用嚟鬧人,比較具攻擊性,叫做「詈語」。

文化意義

屌你老母屬於同性有關嘅粗口,呢個類別,係基於男尊女卑嘅觀念而嚟嘅。中國文化傳統以來,提及對象家人嘅惡言,就只有「屌」人老母,咒人絶後,或者鬧人全家,好少單單數人老豆。有人認為其中一個原因,係由於中國儒家文化重視「宗」,如果某人唔係由已結婚夫婦生出嚟嘅,就無名份,地位會低啲,俾人叫雜種或者野種。若然阿甲「屌」阿乙老母,而阿甲又唔係阿乙老頭,即係話阿乙係雜種,低等人。另一個講法又係同儒家文化有關,儒家觀念入面好重視「孝」,而鬧人老母就觸犯對方重視嘅「孝」,同時又貶低對方老豆,令對方受到極大侮辱[9]。不過近年好多人都認為噉樣屌人老母係屬於一種性語言暴力,所以都唔係好鼓勵。「屌你老母」一早已成諺語,啲人講呢句,又或者係佢嘅變種版本時,腦海唔會浮現任何字面意思。

變種

本罵辭變種無數,將原版委婉化或者激烈化,譬如「delay no more(『屌你老母』嘅英文擬音;簡寫:dnlm/dlnm)、「(屌)佢老母(簡寫:(d)klm)」、「(你/佢)老味」、「(你/佢)老頭」、「你(/佢)老板」、「(屌)(你/佢)老母臭屄」、「頂你個肺(『屌你個屄』嘅擬音,有時加長作順口溜『~,塞你個胃打到你花開又富貴。』或『~,插你個胃㩒你個肚臍機關掣。』」、「屌你冚家」(字面意思:我同你全家人扑嘢)……

軼事

民間傳説,明朝將軍袁崇煥帶兵打仗時,會用口頭禪「掉哪媽!頂硬上!」激勵士氣。喺東莞石碣鎮水南村袁崇煥紀念園,入面一個袁公嘅雕像個基座道,以前刻咗呢句嘢,配上英文翻譯「FUCK HIS MOM! HIT THE HARD!」;後來鏟走咗,引來爭議。[10]

  • 註 1: 魯迅《論他媽的》:無論是誰,只要在中國過活,便總得常聽到「她媽的」或其相類的口頭禪。即使依或人聽說,牡丹是中國的「國花」,那麼,這就可以算是中國的「國罵」了。

參考

  1. 1.0 1.1 "隨地吐痰 打尖 吸煙 國罵". 蘋果日報 (香港). 原著喺2007年3月15號歸檔. 喺2008年4月15號搵到.
  2. 杜絕國罵是枉費心機
  3. 北京奧運會倒計時500天將開展拒絕「國罵」活動[失咗效嘅鏈]
  4. 「國罵」不應成為一種生活方式
  5. 人民網-如何拒絕"國罵"[失咗效嘅鏈]
  6. 拒絕國罵:行政力量挑戰「生理權力」
  7. apps.itsc.cuhk.edu.hk https://apps.itsc.cuhk.edu.hk/hanyu/Page/Search.aspx?id=4207. 喺2021-06-06搵到. Missing or empty |title= (help)
  8. apps.itsc.cuhk.edu.hk https://apps.itsc.cuhk.edu.hk/hanyu/Page/Search.aspx?id=13108. 喺2021-06-06搵到. Missing or empty |title= (help)
  9. 《民俗文化中的語言奇趣》P 145-151 沈錫倫者 ISBN 9570516984 (802)
  10. ""掉哪妈!顶硬上!" 袁崇焕金句东莞惹争议(图) 经济滚动 南方网". economy.southcn.com. 喺2021-06-09搵到.