伍淑怡抄牌案
伍淑怡抄牌案，或者叫伍淑怡被警察騷擾事件，係關於2018年6月香港一單警察醜聞。女模特兒伍淑怡（YoYo）當時29歲，佢向香港警察投訴課報稱，同月21號下晝路過旺角街頭時被一名軍裝男警截查身份證，過程中俾對方無理收集個人資料同埋事後電話騷擾。投訴課接受投訴，同埋已處分有關警員。事件驚動香港媒體、網民進行熱論同批評[1]。
經過 編輯
最先由伍淑怡上社交平台公開事件，指被一名香港警務人員涉嫌濫用職權，向自己「抄牌」（追女仔），信息被轉發同埋本土媒體報導。其後，2018年6月22號佢正式向「投訴科」求助。
案情指，2018年6月21號約17點伍淑怡喺港鐵旺角站附近行過，一名軍裝男警上前截查，除要求伍小姐出示身份證外，重要求提供職業、電話同埋地址等個人私隱內容，並表明非法意圖，即懷疑約炮，話係「做朋友」。初時，伍表示：「唔明」，而男警續稱：「你明㗎啦」。
當晚，伍一返到屋企就接獲對方滋擾性電話。該男警打電話同WhatsApp留言可見，包含追求、性暗示等「唔理想」內容，當佢得知伍明確拒絕隨即示意「唔好告我」。由於YoYo質疑對方涉反私隱條例同埋濫權，利用特權方便溝女，並擔心被「揾上門」同埋其他「受害者」，所以用facebook呼籲「各位姊妹小心」，同埋去旺角警署備案，到投訴警察課投訴。
處理 編輯
2018年6月22號，據報涉案警員守西九龍警區，相關警區接手調查並初步簡略落口供。個男警原來係戴有婚戒，結咗婚，同埋WhatsApp個頭像都有張同老婆親暱相片[2]。
同年6月27號上晝11點，投訴警察課約見伍淑怡真正筆錄口供[3]。
2019年3月27號，伍淑怡被「抄牌」一事已立案處分。由警署回信得知有關指控獲「證明屬實」，警方已處分有關男警。Yoyo留言：「我伍淑怡從來都唔會誣告人，多謝認真調查，令我得到清白！」[4]警方指，投訴警察課認為閉路電視影到、電話錄音、WhatsApp訊息等多項證據，都確切支持有關指控，重發現涉案警員再三講大話，同埋撕毀警員記錄簿等證據，係各種「公職人員行為失當」問題。另外，獨立監察警方處理投訴委員會（監警會）推出第25期《監警會通訊》，監警會同意投訴警察課「獲證明屬實」分類，有關警員受到「紀律覆檢」。同類情況會罰辭職，甚至革職，但考慮案情嚴重性同埋對體制影響，處罰未至要曾蔭權涉貪案或者朱經緯打人案[5][6]。
另外，佢過程中被好多撐警人士恐嚇。當中包括疑有藍絲帶等激進建制派撐警支持者用正義聯盟、「正義」人士等匿名署名寄出帶血紅字「警告信」，而社交平台同樣受到洗版同埋粗口攻擊。警方接報後，已一度到佢工作地方加強巡邏[7]。
睇埋 編輯
參考 編輯
- ↑ 女模伍淑怡疑遭警員「抄牌」 調情對話曝光 互聯網檔案館嘅歸檔，歸檔日期2019年11月11號，. 2018年06月22號
- ↑ 【阿sir「抄牌」】軍裝查𡃁模伍淑怡攞電話 致電約飲酒對話曝光 互聯網檔案館嘅歸檔，歸檔日期2019年11月11號，. HK01 2018-06-22
- ↑ 投訴警察課聯絡 伍淑怡爆6.27正式落口供 互聯網檔案館嘅歸檔，歸檔日期2019年11月11號，. 東方日報 2018年06月25號
- ↑ 警員抄牌事件獲跟進 伍淑怡：我唔會誣告人 互聯網檔案館嘅歸檔，歸檔日期2019年11月11號，. 東方日報 2019年03月27號
- ↑ 【阿sir「抄牌」】伍淑怡投訴警員「證明屬實」 須接受紀律覆檢 互聯網檔案館嘅歸檔，歸檔日期2019年11月11號，. HK01 2019-04-03
- ↑ 伍淑怡被抄牌事件有進展 揭男警3度講大話 互聯網檔案館嘅歸檔，歸檔日期2019年11月11號，. 東網 2019年04月03號
- ↑ YoYo收恐嚇信被迫搬屋 互聯網檔案館嘅歸檔，歸檔日期2019年11月11號，. AppleDaily 2019年04月04號