余達之

  提示：呢篇文講嘅唔係余達志。

余達之，OBE，JP（—1969年5月15號）係香港生意人同政治人物，做過市政局議員，有「糖薑大王」之稱，亦係九龍塘又一村嘅主要開發者。又一村最長嗰條馬路達之路就係以佢命名，紀念佢對香港工業嘅貢獻。

余達之喺香港出世，1928年喺馬來亞返香港，出任江利洋行董事長。

余達之從南洋引入當地有名嘅糖薑，令佢發達。1937年佢接辦濟隆糖薑公司，成為董事長兼總經理。

1969年5月15號，余達之過身。5月17號喺九龍殯儀館出殯，各界人士到場致祭者千幾人。港九18個社團喺6月8號下晝3點喺九龍舉辦追悼會，由中華廠商聯合會會長莊重文主持。