達之路

達之路，香港一路，喺九龍又一村，行政上歸深水埗區。條路大致弧形，南起大坑東道，去到歌和老街同達康路交界為止。

達之路

路以香港富商余達之命名。佢出錢起又一村，而達之路亦為貫通又一村嘅主路 。

路除咗經又一村，亦經過商場又一城，以及又一居、香港城市大學同德智苑。到歌和老街一段，東有歌和老街公園，西有石硤尾公園。而南面近大坑東嗰邊，有花墟公園。

中間路口，由南向北數，有丹桂路、石竹街、花圃街、牡丹街、雀橋街、海棠路、瑰麗路、又一居道、桃源街等。

文

英文寫Tat Chee Avenue。