佛堂門係香港一個海峽，響新界西貢區東南面，北佛堂（大廟灣）同南佛堂（東龍洲，又叫南堂島）之間。
佛堂門古時係廣東水上交通要道之一。南宋慶元六年（1200年），佛堂門起咗個海關，而家重有古稅關遺址。
明朝中葉，廣東沿海有三路巡海備倭官軍，其中嘅中路「自東莞縣南頭城，出佛堂門、十字門、冷水角諸海澳」，佛堂門係其中一個防禦範圍。天啟二年（1622年），荷蘭東印度公司軍艦闖入佛堂門，當時嘅新安縣知縣陶學修帶住軍民將荷蘭人擊退。
北佛堂嘅佛堂門大廟主奉天后，係香港最古老嘅天后廟。
