俠盜獵車手V

《俠盜獵車手V》（英文全名Grand Theft Auto V，通稱GTA V）係開放世界動作冒險電子遊戲俠盜獵車手系列嘅第5個主線系列作品，亦係第一人稱或第三人稱遊戲，由Rockstar Games發行。場景模仿美國南加州地區，喺2013年9月17號出PlayStation 3同Xbox 360版，2014年11月18號出Xbox One同PlayStation 4版，而PC版2015年4月14號發售。

俠盜獵車手V
Grand Theft Auto V (GTA V)
File:V coverart 1024x768.jpg
類型	動作冒險 開放世界 沙盒式遊戲
平台	PlayStation 3 Xbox 360 PlayStation 4 Xbox One Microsoft Windows Linux PlayStation 5 Xbox Series X/S
整	Rockstar North
發行	Rockstar Games
系列	俠盜獵車手系列
引擎	RAGE Euphoria
模式	單人、網上多人遊戲
發行日期	PlayStation 3、Xbox 360 全球: 2013年9月17號 日本: 2013年10月10號 PlayStation 4、Xbox One 全球: 2014年11月18號 日本: 2014年12月11號 Windows 全球: 2015年4月14號 PlayStation 5、Xbox Series X/S 全球: 2022年3月15號
分級

內容係玩家喺「聖安地列斯州」入面嗌「洛聖都」嘅城市玩，呢個世界其實係按家下嘅洛杉磯做遊戲背景藍本。故事模式有3個主角，玩家可以自由噉轉（某啲任務唔得），三位角色夾埋要搞6次搶劫任務。佢亦包括喺同年10月1號發放嘅線上多人模式，每次玩家玩時會隨機加入戰局（最多入到30位玩家），大家可以互相攻擊。

《俠盜獵車手V》喺商業上極大成功，上市後喺短短24個鐘內，有8億美金收入，3日內賺咗10億美金收入，成為銷售量最快嘅動作冒險遊戲。

遊戲內容

遊戲入面有四個角色欄（羅盤樣），分別係：

	富蘭克林·克林頓 Franklin Clinton
米高·迪·聖達 Michael De Santa		崔佛·菲臘 Trevor Phillips
	多人模式嘅自創角色

故事模式嘅故仔會按情節發展而逐漸重疊，一開始淨得一個，之後三個都有份。任務入面，主角血量得返好少會眨紅燈，有利位置時會眨白燈。隨住時間越長，搶劫任務同埋難度會增加，玩家必須揀某啲NPC嚟完成任務，技術越高嘅NPC，要求嘅分紅就越高，玩家要諗清楚。

遊戲中亦有唔少策略，例如智取定強奪。每位角色體力、射擊、力量、潛行、飛行、駕駛、肺活量及特殊能力等8個能力，需要做相應活動嚟提升。不過，特殊能力喺三個角色都唔同：

• 崔佛——增加1倍戰鬥力兼大幅減少傷害
• 富蘭克林——駕駛時畀慢動作
• 米高——射擊時畀慢動作

角色有特殊能力條，用時會減少，可以通過逆行、超速駕駛、高速穿插等嚟恢復。

喺故事模式入面，靠完成各種目標嚟推動遊戲進度發展。除咗做任務，唔理係鄉下地區到虚構城市，玩家都喺世界入面自由穿梭。佢嘅地圖大過其它公司嘅任何先前嘅遊戲，玩家可以由一開始就冇限制噉探索地圖，隨著故事情節發展，會有好多嘢解鎖。除咗探索世界，戰鬥方面——玩家可以用拳腳近身攻擊、槍、炸彈嚟同敵人打，重可以跑步或跳、游水同揸邊種交通工具嚟睇地圖。佢亦配備咗輔助瞄準同埋避開系統。若果主角受傷，一段時間內冇繼續受傷時，血量會自動恢復至一半。

玩家可以揀主線同支線任務。若果玩家出啲違法行為，就有可能俾差佬通緝，遊戲右上角可以睇到通緝級數。若果繼續做，會加通緝級數。喺線上逃離模式，越高嘅通緝級數成功取消，會拎得越多經驗。重可以喺遊戲世界入面做各種活動（例如游水或跳傘）。雖然遊戲入面可以用iFruit手機嚟打電話報警，嗌的士，打畀其他角色嚟聚會，但係有時因為地理關係而打唔通。另外，iFruit手機同電腦可以搞投資股票、買車等活動，而買樓喺線上模式先至有。

通緝級數

正常情況下有5個通緝星級。一般嚟講，級數越高，警察會採取更激進嘅行動。有啲玩家可以通過改MOD嚟升級到大於等於六星嘅通緝。

若果離開咗警察視線，地圖會有扇形藍色搜索範圍，同時星星會眨。若果玩家喺一段時間內成功冇俾差佬望到，就係成功取消通緝；期間若果俾差佬望到，又會恢復返顯示狀態。

第一級通緝（★）

警察會拘捕玩家

若果玩家俾差佬拉咗就要繳交保釋費用同沒收犯罪時嘅武器，其它冚唪唥武器都冇晒彈藥。

第二級通緝（★★）

差佬會射殺玩家。

出現條件

• 第一級通緝時，玩家拒捕或走佬。
• 破壞差佬調查嘅作案現場（直接兩星）。

第三級通緝（★★★）

差佬會出配備兩個射手同埋搜索範圍更大嘅警用直升機，路上有警用貨車放釘去銡爆玩家揸緊部車嘅車肽。

出現條件

• 第二級通緝時，玩家拒捕或走佬或實施繼續犯罪時。
• 殺死是但邊隻差人（直接三星）
• 經授權入軍事基地後，喺軍事基地入面殺死邊隻軍佬或擅自揸走坦克或戰鬥機（直接三星）。

第四級通緝（★★★★）

會出現着住重型裝甲，配備卡賓自動步槍嘅FIB（影射現實FBI）——坐喺公務車射殺玩家（探頭射擊）同埋喺直升機垂降。

出現條件

• 第三級通緝時，玩家繼續實施未停過嘅犯罪行為。
• 未經授權而擅自入軍事基地（直接四星）
• 擅自跨越邊界而入第國領土（直接四星）

第五級通緝（★★★★★）

進入最高通緝狀態。FIB比例明顯多咗好多，道路上幾乎冇平民，追擊嘅車同直升機都會多好多，但直升機最多唔超過三部。連街上都有軍隊同坦克車嘅影。

完成度

遊戲入面有好多活動，呢度淨包括自由模式嘅活動。

• 水上競賽
• 陸地競賽
• 三項全能
• 靶場競技
• 定點跳傘

劇情

起因

2004年，銀行專業綁匪米高湯利（Michael Townley）同埋佢個死黨——崔佛·菲臘（Trevor Phillip）、布拉德·史奈德喺北洋克頓魯登道夫策劃咗場打劫，結果布拉德被殺；米高受咗重傷；崔佛消失咗；米高·湯利改名做米高·迪·聖達（Michael De Santa）同屋企人洛聖都生活，期間加入咗FIB證人保護計劃。不過成日同老婆阿曼達嗌交。

黑人富蘭克林·克林頓住喺洛聖都紅燈區，佢同拉瑪一直喺亞美尼亞裔汽車商幫斯蒙（Simon）收返差車貸唔還嘅人。2013年因為米高個仔——占美（Jimmy）未還錢，令富蘭克林同米高開咗段關係。咁啱米高推斷到個仔就快俾人收數而逼富蘭克林開車打爛斯蒙間舖頭，之後米高打斯蒙，但冇打死佢，跟住富蘭克林同拉瑪劈炮唔撈，令富蘭克林見到米高咁把炮而決定做朋友嚟一齊打劫賺錢。占美突然打電話嚟話佢諗住靜鷄鷄噉賣咗米高部遊艇，不過俾人呃咗，自己亦有危險，米高同富蘭克林就揸阿曼達架車去救占美，雖然架車壞咗而救唔返遊艇，但係占美冇事。整好架車後，富蘭克林車返占美返屋企；阿曼達同米高成日大家唔妥大家，米高有一日發現佢老婆同位網球教練出軌，而同富蘭克林拖爛咗佢間屋，點知間屋企根本就唔係網球教練，而係墨西哥毒梟——馬田·馬德拉索（Martin Madrazo），阿三向佢告狀，馬田嗌米高還返二百幾萬美金，令米高重操舊業。為咗完成打劫任務，佢聯絡咗間專業黑客——李斯特（Lester），話願意幫佢搶間珠寶檔。另一邊，富蘭克林、拉瑪同位啱啱出獄嘅基佬——哈勞德·祖些夫（Harold Joseph）去到回收工廠傾生意，點知係個局，幫派嘅人殺緊上嚟，哈勞德即刻將幫派啲人殺咗，從而米高、富蘭克林、李斯特個打劫任務大獲成功而結束。李斯特喺度處理緊批珠寶同米高、富蘭克林喺屋企傾緊計時，FIB探員地夫諾頓（Dave Norton）問珠寶單嘢係咪佢做嘅，米高唔認。地夫撳着電視畀米高睇，不過俾米高順手撳熄咗。崔佛·菲臘聽到米高喺北楊克頓搶劫講到嘅名言「你每日都唔記得成千單嘢，點解你認爲係呢樣？」時，發現原嚟米高未死，所以一口指明呢單劫案係佢嘅傑作，結果崔佛成功搵到兼去咗米高嘅屋企。米高同佢屋企人又嗌緊交時，崔佛突然出先喺大家面前，望到崔絲（Tracy）唔喺度，崔佛隨口問下佢喺邊，占美即刻講漏口，話佢去咗參加《出名或出醜》（Frame or Shame）節目拍攝。崔佛同米高去到體育場時，發現原嚟崔絲喺度跳鹹濕舞，崔佛已經睇唔過眼兼諗住打主持人拉斯洛（László），於是佢哋一路追到河邊，崔佛鬧完拉斯洛一餐後就放走咗。同崔佛離開之後，米高接到李斯特嘅電話話錢已經還曬，戴夫同米高傾咗，話有事要米高幫手，米高要幫地夫入CAA內部查下，结果俾地夫揼暈。米高喺CAA入面疑似歌舞廳之地「死過翻生」，重睇到費迪南·克里莫夫（Фердинанд Керимов）個名牌，咁啱CAA啲探員衝緊上嚟，令米高成功走甩。無耐地夫打電話嚟，話有計可以綁走FIB同IAA啲警匪，要嗌米高幫手先至得，佢約咗富蘭克林喺油井高地傾。富蘭克林見到佢咁嚴肅，都知米高有啲大事要準備話畀佢知。米高同佢簡單講返崔佛同佢啲故仔重嗌富蘭克林幫手，富蘭克林都唔客氣噉話願意幫手。

發展

故事嘅發展都講返每位角色嘅私生活。崔佛成日出現盲縱行為，令米高嘅行為越嚟越旖旎，使家人一度離開。米高自己白手起家，重成日同攞咗億萬身家嘅風險投資家——迪雲韋斯頓（Devin Weston）有牙齒印，最後爆發咗場衝突。富蘭克林亦因拉瑪受到幫派份子——哈勞德嘅影響，最近啲行為開始心掛掛，原嚟哈勞德坐監時入咗敵對幫派，爲咗諗住兄弟證明自己，一直打算暗殺拉瑪，但每次都肥佬咗。崔佛亦唔多好，佢用咗盲縱縱嘅方法同敵對幫派「打仗」，而佢嘅對手就係販賣冰毒分銷商、政府僱傭兵，三合會首領陳偉同埋丹尼爾。開戰前，莊尼·克列比茨（Johnny Klebitz）俾崔佛踩爆個腦死咗。

米高喺威能街FIB總部留低嘅咖啡廳同行動長官——史提夫·海尼斯（Steve Haines）見面，海尼斯要挾米高打擊CAA。喺海尼斯指導下，佢同崔佛、富蘭克林傾咗下，三位仁兄做打劫載有政府黑錢嘅運鈔車。馬田嘅弟弟——夏維爾·馬德拉索（Javier Madrazo）諗住要指控馬田兼有埋對馬田有害嘅嘢，咁啱佢搭緊飛機返自由城。馬田諗住射冧部飛機拎返資料，點知俾米高知道計劃而激嬲咗馬田，崔佛因冇拿到應有嘅報酬而綁架左馬田個老婆——派翠莎·瑪德拉索（Patricia Madrazo）兼咬爛咗馬田嘅左耳。馬田向全家族成員下達封殺崔佛同米高嘅通緝令，點知米高、崔佛同派翠莎唯有喺沙漠間爛屋消聲匿跡。富蘭克林發現米高間屋得個吉，就問米高發生咩事，米高話佢自己喺崔佛屋企，要跟住佢，費事崔佛亂嚟。無耐，FIB探員地夫等人搵到佢哋，因為話要買裝備，所以要求佢哋去打劫帕勒托灣（Paleto Bay）一間銀行。結果米高聯絡咗富蘭克林同埋李斯特而搶咗軍方嘅重型裝備，成功打劫兼全身而退，三人亦搵到唔少錢。另一邊，海尼斯嘅做嘢方法俾上司質疑而嗌咗米高同富蘭克林滲透入FIB內部，兼消除冚唪唥同海恩斯有關嘅負面資料。米高亦順便剷埋自己嘅資料，令海尼斯冇得再威脅自己。崔佛送返派翠莎馬田後返去弗萊（Floyd）間屋企，因為弗萊個女友——狄波拉（Deborah）喺屋企，所以佢根本唔想崔佛入屋。崔佛夾硬入屋後同狄波拉發生衝突，之後佢摱槍指住崔佛同弗萊，威脅佢哋離開，同時鬧「弗萊根本唔係男仔」，弗萊亦拎起把刀警告狄波拉唔好同波比（Bob）接觸。出事後，崔佛成身血而出返嚟，咁啱撞返要上樓嘅韋德而帶咗去除衫褲舞會。而米高突然受到李斯特嘅電話，話有個「聯合儲蓄」嘅打劫任務，而聯絡咗崔佛同富蘭克林，最後佢哋決定做有史以嚟最大單搶劫任務——打劫聯合儲蓄。

返到洛聖都後，崔佛發現原先布賴特（Bright）根本冇坐監，起喺北揚克頓嘅「米高之墓」係流嘢。米高俾崔佛嘅對頭敵人——陳偉叉住兼要挾崔佛救佢，富蘭克林都覺得唔多妥，所以嗌李斯特追查返米高喺邊度，但一無所獲。唯一在場嘅崔佛因太憎米高而唔理佢，最後富蘭克林用追蹤器成功搵返米高。米高俾地夫約咗喺山後面座露天商場見面，之後發現係個局。關鍵時刻，崔佛出場兼射落咗部直升機，重講：「若果有人可以殺咗你嘅，噉嗰個人一定係我。」但係佢冇殺兼唔原得諒米高，淨掛住打完尾劫後散兵。

雖然打劫任務順利完成，但係崔佛同米高嘅關係正式玩完。同時，地夫、海恩斯認為崔佛因十分唔穩定而覺得應該被剷除，迪雲諗住報復返米高嘅背叛而將最後決定交畀富蘭克林。一係：

• A——爲咗地夫同海尼斯而殺死崔佛。
• B——為咗迪雲而殺死崔佛。
• C——兩邊都唔揀，寧死不屈，將大家夾手夾腳，一齊殺返佢哋。

結局

揀A——「明智」嘅選擇

結局鬧緊崔佛係隻癲狗。因為富蘭克林同米高為咗誘殺崔佛而引到油田嚟殺佢，崔佛死咗之後，雖然搶劫分紅由富蘭克林同米高平分，但係富蘭克林同米高兩人唔會再見面。

揀B——因果循環

結局鬧緊米高當初反轉豬肚就係屎，最後都俾人反叛死咗。因為富蘭克林唔理崔佛嘅反對而殺死米高，從而富蘭克林同崔佛兩人既唔會再見面，又唔會拎到任何分紅。因爲李斯特將錢過晒數畀佢屋企人。

揀C——寧死不屈

結局係殺晒冚唪唥敵人。富蘭克林嗌李斯特組合返米高同崔佛，重放流料畀FIB、CAA同埋Merryweather，話「佢哋會喺間工廠熔咗打劫搵到啲金條」。富蘭克林同埋拉瑪先趕到現場化解返崔佛同米高嘅衝突而達成三人合作後，殺晒冚唪唥收到料到咗嘅傭兵同各自嘅波士。其中：

• 米高殺死富蘭克林嘅敵人——哈勞德·祖些夫同埋佢班手下；
• 富蘭克林殺死崔佛嘅敵人——陳偉同埋佢班手下；
• 崔佛殺死FIB嘅海尼斯重入埋Tongva山，重拉走兼綁咗迪雲（Devin）喺懸崖邊，隨後三人集合兼鬧佢兼一齊推裝住迪雲嘅車落海爆炸而死，而成功拎到各自分紅兼保持良好嘅關係。而地夫因幫過米高而留返條命仔。

註同攷

註

攷

出面網頁

• 俠盜獵車手V嘅官方網站