元朗站 (輕鐵)

元朗站（粵拼：jyun4 long5 zaam6；英文：Yuen Long Stop）係香港輕鐵喺東北面嘅終點站，響新界元朗區嘅形點II地面，喺元朗站 (屯馬綫)附近。

元朗
Yuen Long

元朗站三號月台

街道圖

車站結構

元朗站係一個地面車站，喺西鐵綫元朗站同埋元朗（東）巴士總站之間，屬於單程車票第5收費區。西鐵綫元朗站喺呢個站嘅北面，乘客可以轉西鐵綫往返市區同埋屯門。

車站嘅上蓋物業係新元朗中心，總共有1個商場同5棟住宅。車站南面係元朗（東）巴士總站、青山公路元朗段同埋新時代廣場。

月台 (地面)	出口	屯馬綫元朗站、元朗站公共運輸交匯處、元朗（東）巴士總站、新元朗中心、輕鐵客務中心
	➊	備用月台
	➋	614綫往屯門碼頭
	➌	610綫往屯門碼頭
	➍	615綫往屯門碼頭
	➎	761P綫往天逸

	輕鐵 610綫

屯門碼頭 - 美樂 - 蝴蝶 - 輕鐵車廠 - 龍門 - 青山村 - 青雲 - 鳴琴 - 石排 - 大興（北） - 大興（南） - 銀圍 - 澤豐 - 屯門醫院 - 兆康 - 藍地 - 泥圍 - 鍾屋村 - 洪水橋 - 塘坊村 - 屏山 - 水邊圍 - 豐年路 - 康樂路 - 大棠路 - 元朗

	輕鐵 614綫

屯門碼頭 - 兆禧 - 屯門泳池 - 豐景園 - 兆麟 - 安定 - 市中心 - 杯渡 - 何福堂 - 新墟 - 景峰 - 鳳地 - 兆康 - 藍地 -泥圍 - 鍾屋村 - 洪水橋 - 塘坊村 - 屏山 - 水邊圍 - 豐年路 - 康樂路 - 大棠路 - 元朗

	輕鐵 615綫

屯門碼頭 - 美樂 - 蝴蝶 - 輕鐵車廠 - 龍門 - 青山村 - 青雲 - 鳴琴 - 石排 - 新圍 - 良景 - 田景 - 建生 - 青松 - 兆康 - 藍地 - 泥圍 - 鍾屋村 - 洪水橋 - 塘坊村 - 屏山 - 水邊圍 - 豐年路 - 康樂路 - 大棠路 - 元朗

	輕鐵 761P綫

天逸 - 天富 - 頌富 - 天瑞 - 樂湖 - 天耀 - 坑尾村 - 塘坊村 - 屏山 - 水邊圍 - 豐年路 - 康樂路 - 大棠路 - 元朗

元朗總站之前叫「元朗站」，車站係喺輕鐵初初起嗰時同步興建，喺1988年 9月18日啟用。

1988年 9月18日，輕鐵嘅第1期通車、響元朗東巴士總站南端嘅露天元朗站同時啟用。當時呢個站只設有3個月台。列車進入總站月台之前，需先圍繞新元朗中心地盤以北同東嘅一段朗日路（該段路軌跟路面汽車共用），然後先進入月台。

1993年隨住新元朗中心落成，位於新元朗中心樓底嘅地面車站啟用。原本位於元朗東巴士總站南端嘅露天車站亦隨之停用並拆卸。舊站現址為元朗（東）巴士總站附近。

2010年 6月13日，元朗總站又改翻名做元朗站。

本站喺1988年輕鐵啟用以來都係東北面嘅終點站，經過本站嘅路線可以去到屯門。但由於本站離元朗市中心較遠，用本站嘅人唔多，主要係新元朗中心嘅居民同埋去商場嘅人流。

但係自2003年西鐵啟用之後，因為本站係元朗市中心接駁西鐵嘅主要車站，人流迅速增加。