維基百科

全身游水裝

  呢篇文講冚唪唥由上身扱到腳嘅游水裝品種。想搵阿拉伯地區類似嘅游水裝嘅話，請睇布堅尼。
  提示：呢篇文講嘅唔係一件頭。

 全身游水裝（粵拼：cyun4 san1 jau4 seoi2 zong1） （英文：Body-length swimsuit／Bodyskin），又嗌全身游水衫cyun4 san1 jau4 seoi2 saam1、全身泳裝（cyun4 san1 wing6 zong1）、全身泳衣（cyun4 san1 wing6 ji1），係游水時或部分海灘活動用嘅一種裝，特色係又薄又貼身兼由上身或手臂扱到髀，佢有連體版同分體版兩種。

兩種全身游水裝，左邊嗰種曾經喺2000、2004年奧運會出現過。

發展史

編輯

初期引起各界關注

編輯
睇埋：伊恩科比

全身游水裝面世之前，類似嘅泳裝係多數喺熱天時，用喺潛水方面比較多嘅潛水衫；泳場同海灘嗰啲泳客多數都係着游水褲、一件頭、比堅尼落去游水。1990年代中葉後期，游水裝嘅設計雖然又返到19世紀嘅風格，就係借鑒咗以前潛水裝嘅風格，整咗種由上身扱到腳嘅游水裝出嚟，但縫合方式同埋調節體態嘅方式、使用材料都變咗好多，但嗰時重未面世，直到1999年底，由於澳洲游水選手伊恩科比同體育品牌adidas簽約，話要整件唔俾外人知有幾多嘥士嘅游水裝去比賽[1][2]。嗰時澳洲代表團同游水品牌SPEEDO簽約而設計呢種全身游水裝，當年年底俾奧組委批准入奧運會比賽[3]。

2000年奧運會喺悉尼開幕後，由於伊恩科比喺游水大賽着咗全身游水裝而攞咗好多個冠軍同埋打破幾次世界紀錄，從而一夜成名，甚至連佢着嗰種游水衫成為關注焦點[4]。相比嗰時游水大賽其它賽道選手，男子比賽着嘅唔係平腳游水褲、長髀游水褲就係三角游水褲；女子比賽着嘅係清一色一件頭。由於伊恩科比嗰時嘅表現令人O嗮嘴，令全身游水裝影響到全球各地，所以引起其它例如SPEEDO、美津濃、arena等好多游水或體育廠商出其它自己嘅同類產品。伊恩科比出道後無耐去咗adidas做嘢，重喺2003年出售咗佢嗰種同系列嘅游水裝而開始流行[5]。

由於呢種游水裝喺水入面有明顯提升速度嘅現象而猛咁流行，甚至出現有運動員同游水教練着全身游水裝去游水，但嗰時好少見。

出現衍生版

編輯
 
第三代全身游水裝。2009年世界游水錦標賽期間，試過有好多位泳手着噉嘅全身游水裝落去游水。

伊恩科比喺2004年奧運會閉幕後宣佈退役後，全身游水裝出現咗「水劍」、「快皮」、「鯊魚皮」等第二代產品，但嗰時重係扱住成條臂髀同成個身背。2008年2月13號，SPEEDO公司研發咗佢嘅第三代全身游水裝產品，重以「世界最快皮」嘅名義而發佈[6]，特色係比前代產品少咗兩個衫袖。2008年奧運會期間，由於米高菲比斯着咗呢種全身游水裝比賽，而完成一人獨攬8冠嘅姿態。嗰屆奧運會游水比賽，由於好多泳手着咗第三代全身游水裝比賽，令冠軍幾乎包攬嗮同出現大規模打破世界紀錄嘅現象[7]；2009年出現第四代產品之後，大規模打破世界紀錄連嗰年羅馬辦嘅世界游水錦標賽都唔例外[8]。

雖然2009年7月12號喺意大利皮斯卡拉舉辦嘅地中海運動會（法文：Jeux Méditerranéens）及同年12月8號喺香港舉辦嘅東亞運動會先後喺游水比賽半佬出現全身游水裝爆裂嘅醜聞[9][10]，及2010年國際泳協出臺一系列政策嚟打擊「大規模打破世界紀錄」同埋「冠軍幾乎包攬」嘅現象兼喺2012年5月開始收緊咗咁高科技嘅全身游水裝喺大賽嘅使用限制[11]。但佢嘅產品並未出現動搖跡象，重出咗第五代產品兼衍生咗類似「背心+短褲」、「短衫+短褲」、「長衫+短褲」、「長衫+底褲」同埋類似一件頭噉嘅「背心+中褲」嘅連體版，而伊恩科比同米高菲比斯用過嘅類似版重一直留到而家有發售。重有廠商為咗照顧部分泳客話去廁所麻煩或着佢唔方便嘅問題而出現咗分體版。

全身游水裝同氼水裝嘅對比

編輯

雖然全身游水裝嘅樣睇落去同氼水裝差唔多，但睇深啲，其實都唔同。

分類 全身游水裝 氼水裝
樣    
性別限制 男女都啱用
拉鏈位置 有時前拉鏈，有時後拉鏈，分體版好少見到有拉鏈，但多數都係後拉鏈。
材質厚度 薄 厚
彈性 勁 渣
係咪貼身 係 唔係
防水要求 求其，多數唔啋。 嚴格嘅防水密封處理
抗水壓性 唔使理 好嚴格
設計方式 多數為氨綸、鯊魚皮、
快皮，水劍皮等品種。		 多數分開濕同乾兩種，
睇專門氼水環境而定。
色彩 ≥2種色 純黑
重量 0.1～0.4kg 1.3～2.1kg
浮力 細 大
着咗之後
嘅活動性		 好靈活 唔方便
使用範圍 局限喺＜3m嘅水域 可以喺幾十、幾百到幾
千米深嘅水域用都得。

而家全身游水裝嘅品種

編輯

全身游水裝從面世到而家，出現過好多種唔同嘅版。多數嚟講男女都啱着。除咗2000年代中葉猛咁出現嘅「長衫+長褲」連體版外，2000年代尾重出現過「背心+短褲」、「短衫+短褲」、「長衫+短褲」、「背心+中褲」嘅連體版，有啲為照顧穿著同埋去廁所方便而整咗分體版。女仔品種重出現「長衫+底褲」同埋「短衫+底褲」連體或分體等呢啲類似一件頭版。

其中喺帶長褲嘅連體全身游水裝重可以細分成有摦手摦腳同冇摦手摦腳兩隻版。

睇埋

編輯

攷

編輯
 
維基同享有多媒體嘅嘢：
Body-length swimsuit
  1. ↑ Ian Thorpe Revolvy
  2. ↑   YouTube上面嘅Ian Thorpe adidas advertisement (since 1999)
  3. ↑ Womens Speedo 'Fastskin' swimsuit, 2000 互聯網檔案館嘅歸檔，歸檔日期2020年3月15號，. Powerhouse Museum
  4. ↑ "Klim relives the night we smashed them like guitars". Australian Breaking News Headlines & World News Online. 2010-09-08. 喺2016-09-05搵到.
  5. ↑ "adidas presents new bodysuit: the JETCONCEPT". EurekAlert!. 2003-07-19. 喺2016-09-05搵到.
  6. ↑ Engineering the world's fastest swimsuit 互聯網檔案館嘅歸檔，歸檔日期2008年9月19號，.. Physorg.com. 28 February 2008.
  7. ↑ "No LZR Racer? You're Done". With Malice. 11 June 2008. 原著喺2008年10月11號歸檔. 喺11 August 2008搵到. {{cite news}}: Italic or bold markup not allowed in: |work= (help)
  8. ↑ "Fast Times: Speedo, Like Michael Phelps, Goes For World Domination in an LZR Suit". The Wall Street Journal. 14 August 2008. p. A14. 原著喺2008年9月15號歸檔. 喺8 November 2010搵到.
  9. ↑ "Swimmer's wardrobe malfunction". The Daily Telegraph. 2009-07-12.
  10. ↑ 〈16岁女孩泳衣破裂退赛 刘京受影响夺金不满(图)〉。《新华网》。搜狐。2009-12-08。
  11. ↑ "Hi-tech suits banned from January". BBC Sport. 31 July 2009. 喺7 May 2012搵到.
由「https://zh-yue.wikipedia.org/w/index.php?title=全身游水裝&oldid=2071588」收