八一一港島東集會

有啲八一一港島東集會嘅示威者去到銅鑼灣怡和街

八一一港島東集會,係2019年8月11號由香港民間人士發起嘅一次反逃犯條例修訂集會。呢次集會本嚟係八一一港島東遊行,由銅鑼灣維多利亞公園行到鰂魚涌渣華道遊樂場,但警方發咗「反對通知書」,只係批准集會,最後主辦單位將喺維園搞集會(雖則維園唔屬東區而係屬灣仔區)。呢次集會主辦單位宣稱有幾千人參加。

集會結束後,有啲參加者走出集會範圍向西沿軒尼詩道遊行,行到灣仔分域街嗰頭畀警方驅散,之後一啲示威者退返去銅鑼灣佔領道路,再同警方爆發衝突,期間多位喬裝成示威者嘅警員突然郁手制服同拘捕前線封路嘅示威者,引起爭議。

同日示威活動