文華新村
渡船角一屋苑
(由八文樓跳轉過嚟)
文華新村係香港一個大屋苑，喺於九龍油麻地嘅渡船角。佢起喺佐敦道同渡船街交界。1963年香港年報講，係當時最大嘅私人屋苑。呢條村發展商係嘉年企業。
文華新村一共8棟樓，全部用「文」字開頭，因此又叫八文樓。文華新村前身係油蔴地碼頭倉庫，同埋中華煤氣公司舊煤氣廠。嘉年企業喺1955年購入，1961年發展成住宅大廈。而油蔴地小輪就將碼頭搬到渡船角，起咗佐敦道碼頭兼巴士總站。文華新村有呢個交通之便，吸引唔少中產階級人士居住。開售嗰陣，文華新村三千幾個單位，以接近1.6億賣出，令發展商賺到盤滿砵滿。
文華新村8棟樓之間，全部有街道間隔，大廈好似「田」字形咁，有四排，一排兩棟。文華新村原本三面環海，好多單位有全海景。之不過，1990年代，香港政府搞玫瑰園計劃，喺佢周圍填海，文華新村變成內陸地段。
2000年代，文華新村已經四十年，設計已經過時，內外陳舊。佢多幢大廈相連設計（但唔互通），幫咗罪犯匿埋同走佬，因為咁治安差咗。連賊王季炳雄都匿過喺度。2003年12月24號凌晨3點幾，香港警察飛虎隊破門入文景樓1229室，逮捕季炳雄，重喺屋裏面搵到大批槍械同手榴彈，成為當時大新聞。文華新村嘅獨特環境，引到唔少電影取景，好似杜琪峰執導嘅《大事件》，就喺呢度拍。
文華新村未來會喺三條鐵路中樞附近，文華樓南面，過小巴站同佐敦道，有柯士甸站、九龍站同埋佐敦站。
治安較舊時好，有夜市食肆林立，出夜街唔會靜英英，無有怕。當地新住戶夾雜南亞人，佢哋多數有宗教信仰，頗爲善良。
樓名
編輯
|
|
出名嘅住客
編輯出面網頁
編輯