冰球，又叫做冰上曲棍球，係一項喺冰上進行嘅團體運動，溜冰者以將冰球打入對手個龍門為得分目的。
冰球主要盛行於北美洲北部（加拿大同埋美國北部）同埋歐洲部分地區（俄羅斯、芬蘭、瑞典、捷克同埋斯洛伐克），亦係冬季奧林匹克運動會比賽項目之一。目前水準最高嘅職業冰球聯賽包括北美洲嘅國家冰球聯賽同歐洲嘅大陸冰球聯賽。
