冰糖燉雪梨係一味中式甜品，將雪梨加冰糖去燉製，通常喺秋天食。當中雪梨喺中醫角度屬味甘性寒，加埋冰糖之後，有滋陰解燥、止咳潤肺嘅功效。
冰糖燉雪梨嘅做法一般係將雪梨批皮去芯，切開頂頭，入面放冰糖，再衾返埋個雪梨頂，慢火隔水燉一兩個鐘就得。
冰糖燉雪梨可以隨個人喜好落唔同配料一齊燉，譬如川貝、杞子、雪耳或者陳皮。
