凱帆軒
凱帆軒（Hampton Place）係香港九龍大角咀奧運站嘅一個罕有臨海私人屋苑，總共設有3幢樓高54層嘅住宅大廈，提供880個單位，建築面積由587至到674平方呎，全部係兩房單位。另外，屋苑設有住客停車場，提供270個車位。住宅發展商係長江實業，而管理公司就係高衛物業管理有限公司，佢係長江實業嘅全資附屬機構。
凱帆軒喺港鐵奧運站海邊，係九龍市區近車站而起嘅樓，喺2003年12月入伙。凱帆軒喺奧運站地段海邊位置，喺浪澄灣北面，面向中環、港島西、同埋昂船洲維多利亞港海景，因為靠海邊而起，前面無遮擋，加上配合單位嘅設計，令到大部份單位坐享維多利亞港海景。
位置
編輯凱帆軒喺香港九龍奧運站海帆道11號。隔籬嘅樓有維港灣、奧海城一期、浪澄灣、一號銀海、大角嘴天主教小學（海帆道）、同埋官立嘉道理爵士中學（西九龍）等等。
設施
編輯戶外設有30米海景泳池、池畔曬台、燒烤區、釣魚區同埋兒童遊樂場。
另外，住客會所設有健身中心、蒸氣浴室、桑拿浴室、閱讀閣、桌球室、乒乓球室、美容護理室、舒閒按摩區、健康舞室、兒童遊戲組件、私人電影院同埋宴會廳。
交通
編輯- 住客穿梭巴士
- 屋苑設有住客穿梭巴士服務，來往奧海城二期，車程約莫要7分鐘，服務時間係每日朝頭早七點至到夜晚十點。
-
凱帆軒嘅正門喺海帆道，佢係一條好靜嘅道路 -
凱帆軒有住客車同埋停車場（圖中係咁） -
凱帆軒門牌
買嘢、消閒、娛樂
編輯由凱帆軒行去奧海城一期，約莫要5分鐘；如果行去奧海城二期，就約莫要8分鐘。此外，屋苑設有住客穿梭巴士服務，去奧海城二期。
特色
編輯- 凱帆軒設計嗰陣，因為建築師將大廈座向郁過，所以觀景角度更加闊。因為喺海邊，無論高、中同低層，海景前面都無樓宇遮住，令大約80%嘅單位有中環同埋昂船洲維多利亞港海景。
- 凱帆軒大廈公契沒有註明可養寵物，在住戶手冊上，則有列明不可飼養寵物。
連去
編輯
