鑽石山站

鑽石山站（Zyun³sek⁶saan¹ Zaam⁶）（英文：Diamond Hill Station）係港鐵觀塘綫同屯馬綫嘅地下鐵站，喺香港黃大仙區大磡，係最近大老山隧道嘅鐵路站，同附近嘅荷里活廣場相連。全個站用黑色做主要色調，並用銀色石塊點綴，代表鑽石。

鑽石山
Diamond Hill

鑽石山站4號月台
站名
中文名	鑽石山站
英文名	Diamond Hill Station
站代碼	DIH
基本資訊
車站色	黑色+銀色
途經路線	觀塘綫
站服務時間	0549-0126 尾班車時間
接駁交通	巴士、小巴
車站結構
站類	地底
月台類	島式月台
月台數	4
出口數	5
其它設施	其它無障礙設施
地圖

車站大堂

鑽石山站A1出口

鑽石山站A2出口

荷里活廣場

車站結構

車站樓層

G 地面	龍翔道	出口、公共運輸交匯處
L2 大堂	大堂	客務中心、車站商店
		恒生銀行、自動售賣機、自動櫃員機
L3 觀塘綫月台		路軌
		往調景嶺
	島式月台，右邊嘅車門將會打開
		往黃埔
		路軌
L5 屯馬綫月台		路軌
		往烏溪沙
	島式月台，左邊嘅車門將會打開
		往屯門
		路軌

車站大堂

車站商店及自助服務

車站商店 7-Eleven 美心西餅 鴻福堂健康快線 零食物語 西龍傳香飯糰 香港十大書坊 老行家 聖安娜餅屋

自助服務 恒生銀行自動櫃員機 中銀香港自動櫃員機服務中心 自動售賣機

車站月台

東九龍綫預留結構

内文：東九龍綫 (舊)

1970年，喺《香港集體運輸系統》研究報告中，擬建嘅東九龍綫將會喺鑽石山站同觀塘綫交匯。而1975年，「修正早期系統」列明要鑽石山站預留結構用作東九龍綫擴建之用，因此出現咗預留大堂同月台。研究報告預期東九龍綫興建之後，客量會大增，到時舊有嘅鑽石山站大堂將不勝負荷，所以大堂東南面早已興建大堂嘅擴充部份。而預留大堂工程並未完成，基於安全同保安理由不作開放。

根據「修正早期系統」嘅資料東九龍綫有路軌直接前往九龍灣車廠，用嚟調度列車。因此鑽石山站除咗四條主綫路軌，亦有一條中央路軌，由東九龍綫同觀塘綫共用，為東九龍綫供應列車，亦有助列車轉綫之用。鑽石山站中央路軌同時亦連接彩虹站中央路軌，配合東九龍綫特殊軌道配置。

另外，因為中央路軌由東九龍綫同觀塘綫共用，亦有助兩綫開出聯合特別班次。當往油麻地方向嘅觀塘綫列車駛入鑽石山站中央路軌後，可掉頭駛入東九龍綫嘅主綫前往港島林士站。現時，有關中央路軌用作觀塘綫往黃埔方向路軌，而月台島亦闊過正常。

喺「修正早期系統」通車時，隧道牆壁出現預留月台嘅平台基座、行車隧道旁有機房嘅預留空間、月台及大堂東面亦設有扶手電梯預留空間，有關預留大堂初期只係用圍欄封閉，後來改用圍板封閉。2000年代，港鐵（當時為地鐵經營）為咗改善車站環境，為鑽石山站加設車站商店，預留大堂附近加設商店同廣告燈箱，但保留後面預留大堂。雖然舊有圍板被改做白色人造纖維板，但喺廣告燈箱下面嘅空隙亦能清楚見到有關預留大堂。

隨住港鐵沙中綫計劃作出修訂，預留結構將唔會用到。

出入口

• A - 龍蟠苑
  • A1 - 悅庭軒、鳳鑽苑、鳳禮苑、鳳德邨、鳳德社區中心、香港小童群益會、蒲崗村道體育館、龍蟠苑、禮賢會恩慈學校、聖博德天主教小學
    • 設有輪椅升降台及失明人士引導徑往返地面
  • A2 - 彩虹道、龍翔道南、新蒲崗、啟鑽苑
    • 設有失明人士引導徑往返地面
• B - 采頤花園
  • 龍翔道、東啟德公園、東啟德體育館、啟翔苑、采頣花園、景泰苑、嘉諾撒小學（新蒲崗）
• C - 荷里活廣場
  • C1 - 龍蟠街、大磡道
  • C2 - 公共運輸交匯處、志蓮淨苑、南蓮園池、荷里活廣場、斧山道、東九龍分科診所、斧山道運動場、斧山道游泳池、香港神託會培敦中學、星河明居、宏景花園、富山邨、新麗花園、瓊軒苑、嘉峰臺、佛教孔仙洲紀念中學、真鐸學校

鄰接車站

	觀塘綫
黃埔 - 何文田 - 油麻地 - 旺角 - 太子 - 石硤尾 - 九龍塘 - 樂富 - 黃大仙 - 鑽石山 - 彩虹 - 九龍灣 - 牛頭角 - 觀塘 - 藍田 - 油塘 - 調景嶺

	屯馬綫
屯門南 - 第16區 - 屯門 - 兆康 - 洪水橋 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙

接駁交通

• 九巴：
  • 11 - 鑽石山站 ↔ 九龍站
  • 82P - 碩門邨 ↔ 鑽石山站
  • 91 - 鑽石山站 ↔ 清水灣
  • 91A - 鑽石山站 → 清水灣 （只限泳季假日，回程以彩虹邨作總站）
  • 91M - 寶林 ↔ 鑽石山站
  • 91P - 鑽石山站 → 香港科技大學（北）（平日繁忙時間服務，回程以坪石作總站）
  • 92 - 鑽石山站 ↔ 西貢
  • 96R - 鑽石山站 ↔ 黃石碼頭（假日服務）
  • 272S - 鑽石山站 ↔ 香港科學園（平日繁忙時間服務）
  • 286M - 馬鞍山市中心 ↺ 鑽石山站（平日繁忙時間服務）
  • 其他路線：3B、5、6D、6P、9、10、11C、15A、21、29M、38、40、40A、40P、42C、61X、62X、69C、74A、74B、74X、75X、80、82X、84M、85M、89、89B、92R、95、214、214P、234D、252X、258A、258D、258P、258S、259D、267X、268A、268C、269C、277P、X42C、N216
• 城巴：
  • 55、797、A23、A26、A28、A29、E22、E22A、E22C、E22P、E22S、E22X、N29、NA29
• 過海隧道巴士：
  • 111、111P、113、116、671、N121
• 九龍專線小巴：
  • 19 - 新蒲崗（彝倫街） ↔ 蒲崗村道／沙田坳邨
  • 19A - 宏景花園 ↺ 鑽石山站
  • 19M - 慈雲山（北）↔ 鑽石山站
  • 19S - 慈雲山中心 ↔ 鑽石山站
  • 33A - 海港花園 ↔ 鑽石山站
  • 70 - 鑽石山站 ↔ 維港灣
  • 其他路線：33M、54S、72

利用狀況

車站開幕初期，人流一直偏低，返工時間以外人流更冷清。大老山隧道啟用之後，部份沙田區同大埔區嘅公共巴士開始途經此站，人流開始有所增加。當此站上蓋物業星河明居同大型商場荷里活廣場開幕，使用情況已經大大改善。加上屯馬綫喺2020年2月14號通車後，新界東部及北部居民可以用此站轉觀塘綫往返九龍東部，預料本站客流量會進一步上升，並有助分流九龍塘站嘅轉車客流。

車站歷史

鑽石山本身只係一個石礦場，並唔係山名，更冇出產過鑽石。「鑽」本身係動詞，而「石」先至係名詞，代表呢度係個石礦場。一般人相信，係港英政府嘅錯譯。所以「鑽石山」英文畀人錯譯做「Diamond Hill」而唔係「Rock Digging Hill」。約定俗成之下，鑽石山站英文名叫做「Diamond Hill Station」。

沙田至中環綫

内文：沙田至中環綫

港鐵沙田至中環綫喺鑽石山設站同觀塘綫交匯。根據九廣鐵路公司2005年提交嘅沙中線最終方案擬稿，九鐵鑽石山站將會以一條轉乘通道接駁地鐵（觀塘綫）鑽石山站。隨住兩鐵合併，運輸及房屋局喺2007年7月提出將鑽石山站發展成綜合轉車站，擴建原有車站，容納觀塘綫同沙田至中環綫。

九廣鐵路公司亦曾經建議用旅客捷運系統連接鑽石山站同埋慈雲山，但喺合併方案下，慈雲山同鐵路嘅連接將改以其它方式。2008年2月，政府亦建議用升降機塔同自動步行通道連接車站同慈雲山。此外，政府同埋鐵路公司亦正研究喺鑽石山站附近嘅前大磡村用地起沙中綫車廠。

綜合轉車站設計

兩鐵合併初期方案

G 地面	-	出口
L2 大堂	大堂	客務中心、車站商店
		恒生銀行、自動售賣機、自動櫃員機
L3 月台	新建號月台	屯馬綫往屯門（右邊車門開啟）
	新建島式月台
	現有號月台	觀塘綫往調景嶺（兩邊車門開啟）
	現有島式月台
	現有號月台	觀塘綫往何文田／黃埔（兩邊車門開啟）
	新建島式月台
	新建號月台	屯馬綫往烏溪沙（右邊車門開啟）

根據兩鐵合併初期嘅方案，鑽石山站大堂會用東九龍綫預留部份嘅大堂進行擴建，月台部份亦會用東九龍綫預留結構，包括而家行車綫兩側嘅預留月台，向南北方向起兩個島式月台。東西綫列車會用第一同第三條軌道，而觀塘綫列車會用第二同第四條軌道。到時觀塘綫往調景嶺方向，列車兩面車門都會打開，可同時轉乘東西綫兩個方向嘅列車；而東西綫往烏溪沙方向亦可以轉觀塘綫兩個方向嘅列車。鑽石山站將會係香港首個可以喺同一層轉兩個方向列車嘅車站。然而，東西綫去屯門方向轉觀塘綫往何文田/黃埔方向，或以相反方向轉乘嘅話，將要用扶手電梯經大堂轉車（又或者捐中間嘅列車去到對面月台）。

原本往油麻地方向月台會改建畀東西綫列車往烏溪沙方向用，觀塘綫往黃埔方向嘅列車會用新起嘅隧道，由彩虹站駛往新起嘅月台，再返返現時嘅行車綫往黃大仙站。東西綫列車喺鑽石山站嘅行駛方向以左上右落排列，即係同香港大多數鐵路路綫一致，但有別於而家嘅馬鞍山綫，亦唔符合馬鞍山綫原先嘅設計。

修訂方案

G 地面	-	出口
L1 行人隧道通道	行人隧道通道 前往大堂	A2出口、通道往返車站大堂
L2 大堂	現有大堂 同埋新大堂	轉乘通道、客務中心、車站商店
		恒生銀行、自動售賣機、自動櫃員機
L3 觀塘綫月台		觀塘綫往調景嶺
	現有島式月台，右邊車門將會打開
		觀塘綫往何文田／黃埔
L4	轉乘新通道	連接沙中綫（屯馬綫）月台同東九龍綫新嘅大堂
L5 沙中綫／屯馬線月台		屯馬綫往烏溪沙
	新建島式月台，左邊車門將會打開
		屯馬綫往屯門

港鐵響2009年12月1號喺黃大仙區議會交通及運輸事務委員會中決定採用九龍塘站嘅轉乘方法，並放棄跨月台轉乘，以便減低工程風險同埋對地區嘅滋擾，需要實施嘅交通改道措施嘅規模會比較細。東西綫列車喺鑽石山站嘅行駛方向會以而家馬鞍山綫嘅左落右上排列，直至宋皇臺站同土瓜灣站兩個車站嘅雙層側式月台後，喺何文田站回復以左上右落排列。而大堂會喺前大磡村地底進行擴建以應付人流同轉車所需。

上一站‧下一站

上一站		港鐵		下一站
黃大仙 往黃埔站|黃埔站 (香港)|黃埔		觀塘綫		彩虹 往調景嶺
啟德 往屯門		屯馬綫		顯徑 往烏溪沙

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
	往調景嶺	2.1	2.3	2.5		4-5.3	3.1-5.9	0626	0056
	往觀塘							0626	0116
	往黃埔							0559	0037
	往屯門	2.7-3	3.5	4.7-7.3			6.8-7.3	0605	0021
	往紅磡							0605	0041
	往烏溪沙							0614	0058

出面網頁

• 港鐵公司－鑽石山站街道圖
• 港鐵公司－鑽石山站位置圖
• 港鐵公司－鑽石山站列車服務時間