凱撒拉丁文Gaius Julius Caesar前100年7月13號前44年3月15號),後世尊稱凱撒大帝古羅馬軍事家政治人文學家

凱撒
姓名原文GAIVS IVLIVS CAESAR、Divus Julius
出生日100年7月 BC 喺Wikidata改呢個
出生地羅馬 喺Wikidata改呢個
死亡日44年3月15號 BC 喺Wikidata改呢個表達錯: 未預料嘅 < 運算符歲)
死亡地Theatre of Pompey (羅馬共和國喺Wikidata改呢個
死因出血 喺Wikidata改呢個
國籍古羅馬 喺Wikidata改呢個
母語拉丁文 喺Wikidata改呢個
識嘅語言拉丁文古希臘文 喺Wikidata改呢個
信奉ancient Roman religion 喺Wikidata改呢個
職業orator、memoirist、ruler、Ancient Roman historian、詩人、Ancient Roman priest、Ancient Roman politician、Ancient Roman military personnel、政治人、military leader、作家史學家 喺Wikidata改呢個
政黨populares 喺Wikidata改呢個
名作Commentarii de Bello Gallico、Commentarii de Bello Civili 喺Wikidata改呢個
配偶Cornelia、Pompeia、Calpurnia 喺Wikidata改呢個
仔女Julia、Caesarion、奧古斯都 喺Wikidata改呢個
家族Julii Caesares、Julio-Claudian dynasty 喺Wikidata改呢個
阿爸Gaius Julius Caesar 喺Wikidata改呢個
阿媽Aurelia 喺Wikidata改呢個
兄弟姊妹Julia Major、Julia Minor 喺Wikidata改呢個
凱撒胸像,喺拿玻里國家考古博物館

跟拉丁文名,Gaius就係佢鄉下,即係高盧,大概係家下法國地方。

凱撒出身貴族,歷任財務官大祭司大法官執政官監察官獨裁官等。前60年同龐培(拉丁文:Pompeius;英文:Pompey)、克拉蘇(Crassus)秘密結成前三頭同盟,之後出任高盧總督,用咗8年時間征服高盧全境,襲擊咗日耳曼同埋不列顛。前49年,佢率軍佔領羅馬,打敗龐培,集大權於一身,實行獨裁統治,制定咗《儒略曆》。

前44年,佢俾布魯圖所領導嘅元老院成員暗殺身亡。佢甥孫同養子屋大維擊敗安東尼開創羅馬帝國,做咗第一位皇帝(拉丁文:Imperator)。

凱撒係啤牌之中嘅階磚K。

家世背景 編輯

凱撒公元前100年7月喺羅馬出世,佢喺父系同母系兩方面都出身於純貴族嘅家庭環境中,由此獲得好好嘅蔭庇。

老豆血緣 編輯

老母血緣 編輯

家譜 編輯

凱撒好努力咁幫自己整個神聖嘅家譜:喺神話裏面,起羅馬嘅人羅穆盧斯祖先特洛伊英雄安喀塞斯女神維納斯希臘人阿芙蘿黛蒂)所生嘅特洛伊王子埃涅阿斯。而埃涅阿斯個仔阿斯卡尼又叫尤爾(Julus),夾硬當係自己氏族(Julius)嘅祖先,話自己係維納斯嘅後裔。

生平 編輯

早期教育 編輯

同嗰個時代任何一個年青嘅羅馬貴族一樣,按傳統,喺學完字母數字拉丁文嘅入門知識之後,凱撒跟著雄辯術老師演講辯論,另外又學咗哲學法律等嘅基礎知識;最後,接受軍事教育,睇歷史攻城術戰術等方面嘅著作,參加各樣嘅軍事體育訓練。

7歲嗰時,凱撒俾人送咗入專門培養貴族子弟嘅學校。凱撒嘅文學、歷史、地理等嘅科目成日俾老師嘅誇獎。佢活潑開朗,頭靈敏,令老師驚奇嘅係有問唔完嘅問題,成日打爛沙盤問到篤。凱撒細個最崇拜嘅就係佢姑丈—馬略,佢成日纏住姑丈同佢講佢出征打仗故仔。凱撒嘅老母相信自己個仔唔係凡夫俗子,就加強咗對佢嘅教育。凱撒並冇辜負佢老母嘅期望,博覽群書,學業日益長進,文章寫得好好,十幾歲就發表咗《赫庫力斯的功勳》同悲劇[[《俄狄浦斯》。佢好鍾意古希臘文化,尤其係古希臘嘅古典文學。除咗文學,凱撒重鍾意體育運動,佢精通騎馬劍術等,肌肉發達,體魄好強健。

按照羅馬習俗,凱撒15歲開始著成人嘅白長袍

初出茅廬 編輯

同蘇拉嘅衝突 編輯

公元前86年同前84年,元老院嘅民眾派領袖馬略秦納先後死咗,秦納提名過凱撒做朱庇特祭司。雖然凱撒一次過冇咗兩個保護人,但亦同時得到從事某種職業並得到巨大成就嘅自由。前84年,凱撒娶咗秦納個女科涅莉亞做老婆。呢場婚姻唔單止令佢有一個女—尤莉婭,亦令佢得到元老院嘅民眾派成員嘅支持。

前82年,喺內戰中取勝,並得到元老院精英派成員支持嘅獨裁官蘇拉要求凱撒同科涅莉亞離婚,不過佢拒絕並謹慎噉離開羅馬。喺親友幫助下,凱撒避過放逐死亡嘅威脅。雖然後來蘇拉屈服於對後生嘅凱撒嘅各種有利嘅強大壓力而寬恕咗佢(傳說,蘇拉喺同意寬恕凱撒嗰時,向為凱撒求情嘅屬下講過:「你哋要知,呢個後生仔會比馬略可怕百倍!」),但凱撒都係覺得遠離羅馬更為審慎。

第一次去東方 編輯

公元前82年至前79年,凱撒旅居東面,喺前81年跟馬爾庫斯·泰爾穆斯(Marcus Terentius Varro Lucullus)去小亞細亞。佢去到小亞細亞之後,好快就接受咗一個使命:去比提尼亞搵船。比提尼亞國王尼科美德應承咗畀船羅馬,但係唔肯履約。凱撒完成咗呢個任務。或者係完成得太完美,佢嘅對手開始傳言呢個羅馬使者唔尋常嘅魅力,先至搞到狡猾嘅國王聽話。雖然淨係一個插曲,就令人留低佢係嘅印象,而且呢個影響係長遠嘅,佢嘅士兵(根據蘇維托尼烏斯嘅講法)喺好耐之後嘅一次凱旋式入面話佢統帥係「所有女人男人,所有男人嘅女人」。

前80年,凱撒跟住軍隊去咗米蒂萊,喺戰鬥入面顯示咗佢嘅軍事同外交才能,因為表現英勇攞咗桂冠。前79年至前78年,佢重參與清剿奇里乞亞海盜嘅戰鬥。

返番羅馬 編輯

前78年,蘇拉死咗之後,凱撒返番羅馬。喺幾年間並冇乜大作為,好少關心政治,淨係以辯護人身份喺法庭幫自己或者擁護者辯護同起訴。例如:前78年喺執政官萊皮德叛亂失敗之後,要求赦免自己嘅擁護者;前77年起訴政敵多拉貝拉貪污;前76年幫希臘人辯護,同該尤斯·安東尼烏斯對抗。

第二次去東方 編輯

但係,凱撒冇堅持落去,前76年,再次踏上去東方嘅旅程。公元前75年,佢喺羅德島,拜米隆個仔-雄辯大師阿波羅尼奧斯為師。

佢喺旅途中,俾奇里乞亞海盜綁架過。海盜要求用二十蚊塔蘭特嘅大額贖金。凱撒笑佢哋唔知道自己嘅身價,要求佢哋至少要攞五十蚊塔蘭特。喺等贖金嘅8日之中,佢俾海盜控制,但係佢對佢哋講,獲釋之後一定會將佢哋釘十字架,海盜以為佢講笑,依然對凱撒好好。

凱撒獲釋之後做嘅第一件事-實踐承諾,組織隊艦隊,捉嗮劫持佢嘅海盜。或者係嗰啲海盜對凱撒好好,凱撒為咗減輕佢哋嘅痛苦,喺釘佢哋十字架之前,就刎佢哋頸。

政治經歷 編輯

 
C. Iulii Caesaris quae extant, 1678

早期職位 編輯

  • 前74年,凱撒返番羅馬,好快就繼承舅父奧萊利烏斯·科塔嘅職位-祭司
  • 前72年,佢攞咗第一個選舉嘅低級職位-軍事保民官古羅馬官職體系中最低一級)
  • 前70年,凱撒又參選,做咗前69年嘅財務官(羅馬官職體系第一個正式官職,只有30歲以上先可以參選,任期一年,獲勝者自動獲得元老院議員嘅資格)
  • 喺前69年去西班牙總督嘅副手,主管省嘅財政
  • 佢喺西班牙各城審案嗰陣,喺赫庫利斯神廟見到亞歷山大大帝塑像,諗到亞歷山大大帝喺自己呢個年紀已經征服世界,自己重乜都冇,就辭職,離開咗西班牙
  • 前66年,凱撒返番羅馬之後被委任做「阿庇亞大道管理人」嘅頭銜,維護呢條連接羅馬同布林迪西烏姆(大概家下布林迪西)嘅路
  • 佢自薦做新市政官嘅職位同當選(古羅馬嘅市政官類似宜家嘅市長,主要係負責城市嘅公共設施(特別係神廟)嘅建設同維護,管理市場同其他羅馬日常生活嘅事務。而且呢個職務係勁困難嘅,因為市政官重要組織最受羅馬人歡迎嘅競技項目之一-大賽馬嘅。呢個活動經費好有限,但係市政官想喺佢嘅政治事業好啲,佢一定要搞場盛大嘅競技活動,咁即係話市政官要自己出錢搞)
  • 為咗取悅平民,凱撒為公眾提供咗好多好正嘅競技比賽,起好多好正嘅公共建築,完咗一年嘅市政官任期,但係自己就破產(爭人幾百塔蘭特,以宜家嘅貨幣嚟計,差唔多係幾百萬歐元),嚴重咁威脅到佢未來嘅政治生涯
  • 前63年係著名演說家西塞羅嘅執政官任期年,佢選擇同元老院金精英派合作而同羅馬返平民階層決裂,結果佢喺任期中顯得無所作為。相反,凱撒此時節節勝利。

出面網頁 編輯