利比亞

利比亞共和國國旗，係反對派全國過渡委員會用嘅國旗，係用番利比亞王國嘅國旗

卡達菲時期嘅利比亞（大阿拉伯利比亞人民社會主義民眾國）國旗

利比亞嘅位置

利比亞，官名利比亞共和國，係北非一國，位於地中海南岸，同埃及、蘇丹、乍得、尼日爾、阿爾及利亞、突尼西亞相鄰。除咗沿海地區同南部嘅山區外，利比亞大部分地方都係沙漠。

利比亞之地，因地中海岸之故，早年有腓利基人嘅殖民地。當中以迦太基最爲聞名，個城後尾畀羅馬共和國所滅，之後羅馬帝國亦喺利比亞之地起城，亦曾興盛一時。

利比亞戰略位置重要，重係石油輸出國，歐洲各國都往來貿易。中間因為利比亞政府，同恐怖份子有關，外交受西方各國排斥兼聯合國制裁。自二零零三年起，利比亞積極同歐美各國改善關係，亦都達成咗好多重大協議，目前聯合國已解除制裁利比亞。喺二零一一年，反卡達菲獨裁嘅反政府軍民，示威攻佔首都的黎波里，卡達菲落荒而逃，同年被殺；反對者政府，即係利比亞全國過渡委員會，取代卡達菲政府，聯合國承認佢代表利比亞。