劉康
想搵西漢宗室嘅話，請睇劉康 (定陶王)。劉康（英文：Honcques Laus，2001年10月10號—）係香港效益主義者，民主港獨派政治人物、社運人士、作家、時事評論員，同時係香港效益主義黨主席、「劉康出版社」創辦者同埋前《明報》校園記者。因為個樣同余澎杉相似，而且都係持不同政見者，所以有「香港余澎杉」之稱。劉康有時會就時事發表意見，佢嘅文章有刊登喺香港獨立媒體、立場新聞、本土新聞、眾新聞同埋其他媒體。劉康喺2017年同行政長官林鄭月娥合照嗰陣，展示「香港獨立」標語，抗議香港政府不斷打壓獨立運動同言論自由。同年，劉康喺金鐘連儂牆被警察拘捕，引發BB彈槍案。2019年，劉康出版書籍《輕論時政》。
| 劉康 | |
|---|---|
 | |
| 出生日 | 2001年10月10號  （23歲） |
| 出生地 | 香港 |
| 母校 | 葵涌循道中學、牛津大學 |
| 職業 | 新聞從業員、作家、政治人 |
[改維基數據] | |
生平
編輯2001年10月10號，劉康喺香港西營盤贊育醫院出世。佢中學讀葵涌循道中學。劉康係香港獨立支持者。2014年雨傘革命，令劉康開始關心公共事務，同埋支持喺香港實行民主制。2017年11月16號，劉康同行政長官林鄭月娥合照嗰陣，高舉「香港獨立」標語，抗議香港政府不斷打壓獨立運動同言論自由[1]。2019年6月29日，佢成立香港效益主義黨[2]。兩個月之後，佢出版書籍《輕論時政》[3]。
2020年，佢去咗英國，之後就畀港府以國安法通緝。2024年，劉康拎到獎學金，入牛津大學讀學士學位，專攻神學。[4]
十七歲出版書籍
編輯
2019年8月，劉康喺17歲成立「劉康出版社」，同埋出版新書《輕論時政》，收錄劉康刊登喺唔同媒體（包括本土新聞、香港獨立媒體、立場新聞、眾新聞）嘅時事評論文章。林榮基、黃之鋒、黃子悅、鄺頌晴同陳樂行，都有幫劉康寫推薦序[3][5][6][7]。
經歷
編輯同行政長官合照高舉香港獨立標語
編輯2017年11月16號，喺第21屆明報校園記者開學禮嘅合照環節度，葵涌循道中學學生劉康喺行政長官林鄭月娥後面，高舉「香港獨立」標語，抗議香港政府不斷打壓獨立運動同言論自由。[1][8]
事後，葵涌循道中學校方警告劉康，同要求見家長，又表明，如果再喺林鄭月娥後面，舉「香港獨立」標語，就會記過。[9][10]劉康覺得，示威係應有嘅表達權利，唔覺得當日抗議政府係有錯，又對校方不滿。劉康話，唔會驚受到打壓而放棄示威權，又計劃喺11月24號喺葵涌循道中學校外，派發宣傳香港獨立嘅單張。[8]
11月24號，香港民族陣綫同學生動源喺葵涌循道中學門口，聲援劉康，同埋批評校方政治打壓，干預言論自由。[9]同時，校方就以所謂安全理由，超過2小時禁止劉康離開學校。劉康批評，校方做法匪夷所思。[11]雖然受到校方阻攔，而劉康喺呢日依然有同一啲人喺學校門口，抗議校方。抗議完之後，校方就冇再打壓劉康嘅言論自由[12]。
2018年11月28號，佢發表文章，回顧呢件事，篇文章題目係〈面對不義校方就要反抗〉，鼓勵學生「面對不義校方就要反抗」[12][13]。
BB彈槍案
編輯
2017年12月，親中人士響立法會提出修改議事規則期間，劉康畀人發現響連儂牆有未組裝完成、又都未上匣嘅BB彈槍而畀人拉咗。2018年4月，佢被控告「藏有仿製火器罪」，劉康唔認，但最後法官響四個月之後判佢有罪，9月12號判佢18個月感化令，並且要參加心理輔導。旁聽嘅青年新政召集人梁頌恆話對判決好失望，話「一個中學生帶BB彈槍都畀人判感化，如果係咁，咁全香港嘅學生咪要坐監」[14]。2019年6月，劉康提出要上訴，同年7月高等法院裁定劉康上訴得直，罪名唔成立。劉康話呢個係啱嘅裁決，批評檢控係政治打壓[15]。
之後律政司曾經要求重審，劉康知道咗就批評律政司死纏爛打，覺得律政司係出於佢嘅政治立場而打壓佢。高等法院響8月拒絕咗律政司，高院覺得BB彈槍只不過係一支可以響普通玩具鋪以幾十蚊就買到嘅野，響公義上講唔通[16]。
成立香港效益主義黨
編輯
2019年6月29日，劉康成立香港效益主義黨，擔任黨主席。劉康主張效益主義為道德基礎：「效益就係受牽涉者嘅幸福。任何道德句子，都可以邏輯等值咁轉換成經驗句子。任何事，如果傾向於令受牽涉者幸福，就係啱。任何事，如果傾向於令受牽涉者痛苦，就係錯。」劉康指出，自由、民主同獨立都係符合效益。佢不滿政府政策違反效益，令香港人陷於痛苦。佢表示，成立效益主義黨係為咗弘揚效益主義[2]。
去英國
編輯2020年6月，因為國安法頒佈之後可能會畀人迫害，所以佢去英國尋求政治庇護。佢話，依家響英國有政府支持，三餐溫飽，唔使驚人身安全冇保障，雖然政治庇護未獲批，但係佢希望獲批之後可以響英國讀書，並且佢唔會放棄政治主張[17]。
響2020年7月，劉康同羅冠聰、鄭文杰、朱牧民、黃台仰、陳家駒六個人因為煽動分裂國家、勾結外國或者境外勢力危害國家安全，而畀香港政府以國安法通緝[18]。
著作
編輯- 《輕論時政》，香港：劉康出版社，2019年（ISBN 978-988-79954-0-1）[6]
- 〈流利翻譯原則〉，《劉康論刊》，1 (1): 15-58, ISSN 2755-1636。
- "Applicability of the Laws of Thought", Honcques Laus's Review, 1 (1): 4-14, ISSN 2755-1636。
譯作
編輯- John Stuart Mill，《講自由》（倫敦：劉康出版社，2022年），ISBN 978-1-7397285-6-4。
相
編輯-
劉康響葵芳連儂隧道展示新書《輕論時政》 -
劉康響金鐘高等法院噴水池前面
參考
編輯- ↑ 1.0 1.1 〈【政壇諸事町】「突襲」林鄭成功 中五生合照時展示「港獨」標語〉。《《[[香港01]]》》。2017-11-16。喺2018-09-24搵到。
- ↑ 2.0 2.1 〈17歲中學生劉康成立效益主義黨 批政府令港人陷於痛苦〉。《《[[香港獨立媒體]]》》。2019-06-29。原著喺2019-06-30歸檔。喺2019-06-30搵到。
- ↑ 3.0 3.1 〈「效益黨」劉康出書 歡迎畀美金〉。《《[[明報]]》》。2019-08-31。喺2019-08-31搵到。
- ↑ "Oxford University place for exiled Hong Kong activist". Oxford Mail. 14 October 2024. 喺14 October 2024搵到.
- ↑ 〈十七歲劉康出版新書思考時政哲學 紀錄黑獄見聞〉。《《[[本土新聞]]》》。2019-08-30。原著喺2020-03-15歸檔。喺2019-08-31搵到。
- ↑ 6.0 6.1 劉康 (2019年8月)。《《輕論時政》》。香港：劉康出版社。ISBN 978-988-79954-0-1。喺2019-09-10搵到。 via Google Books
- ↑ 〈輕論時政＆蕭邦＜雨滴＞〉。中央廣播電臺。2019-10-12。喺2019-12-02搵到。
{{cite web}}: Cite has empty unknown parameter:|1=(help) - ↑ 8.0 8.1 〈撐港獨中五生遭校方警告〉。《《[[蘋果日報_(香港)|蘋果日報]]》》。2017-11-24。原著喺2018-08-08歸檔。喺2018-09-24搵到。
- ↑ 9.0 9.1 〈突襲示威學生遭校方警告 團體到校聲援 批校方政治打〉。《《[[香港01]]》》。2017-11-24。喺2018-09-24搵到。
- ↑ 〈學生校外派港獨傳單 遭教局嚴厲譴責 親中團體踩場對罵〉。《《[[蘋果日報_(香港)|蘋果日報]]》》。2017-11-24。原著喺2018-11-06歸檔。喺2018-09-24搵到。
- ↑ 〈撐港獨中五生一度被禁放學〉。《《[[蘋果日報_(香港)|蘋果日報]]》》。2017-11-25。原著喺2018-11-06歸檔。喺2018-09-24搵到。
- ↑ 12.0 12.1 劉康 (2018-11-28)。〈面對不義校方就要反抗〉。香港獨立媒體網。喺2019-07-08搵到。
{{cite web}}: Cite has empty unknown parameter:|1=(help) - ↑ 劉康 (2019)。《《輕論時政》》。《〈面對不義校方就要反抗〉》。香港：劉康出版社。頁 33-42。ISBN 978-988-79954-0-1。
- ↑ 星島日報。〈「學生動源」前成員立會外藏氣槍罪成候判 梁頌恆：中學生帶「BB彈槍」竟被告仿製火器罪〉。std.stheadline.com (中文)。原著喺2020-08-26歸檔。喺2020-11-01搵到。
- ↑ 〈原審官「加入盤問」 藏氣槍少年撤定罪 高院指或致不公平審訊 劉康上訴得直 - 20190705 - 港聞 - 每日明報 - 明報新聞網〉。web.archive.org。2020-08-26。歸檔時間2020-08-26。喺2020-11-01搵到。
{{cite web}}: CS1 maint: bot: original URL status unknown (link) - ↑ 〈劉康涉藏氣槍上訴得直 律政司求重審 官指該槍玩具店有售拒受理｜香港01｜社會新聞〉。web.archive.org。2020-08-26。歸檔時間2020-08-26。喺2020-11-01搵到。
{{cite web}}: CS1 maint: bot: original URL status unknown (link) - ↑ 〈【國安法】「效益黨」主席劉康抵英尋政治庇護 稱預計遭迫害 | 頭條日報〉。web.archive.org。2020-08-26。歸檔時間2020-08-26。喺2020-11-01搵到。
{{cite web}}: CS1 maint: bot: original URL status unknown (link) - ↑ 〈港區國安法｜消息﹕羅冠聰等6名流亡海外人士 涉違國安法被通緝｜香港01｜突發〉。web.archive.org。2020-08-26。歸檔時間2020-08-26。喺2020-11-01搵到。
{{cite web}}: CS1 maint: bot: original URL status unknown (link)