劉歡
呢篇文講中國歌唱家劉歡。想搵其他名叫「劉歡」嘅人嘅話，請睇劉歡 (搞清楚)。劉歡（粵拼：lau4 fun1；簡化字：刘欢；英文：Liu Huan；1963年8月26號—），天津人，對外經濟貿易大學教授、歌手、作曲家。佢喺1985年參加唱歌比賽開始音樂事業，1988年因為唱咗中國中央電視台兩首電視劇主題曲《便衣警察》同《雪城》而出名[1]。
| 劉歡 | |
|---|---|
 | |
| 男歌手 | |
| 羅馬拼音 | Liu Huan |
| 國籍 |  中華人民共和國 |
| 民族 | 漢族 |
| 籍貫 | 青島 |
| 出世 | 1963年8月26號 中國天津 |
| 職業 | 歌手、作曲家、大學教授 |
| 教育程度 | 國際關系學院法語專業 |
| 音樂類 | 流行 |
| 出道日期 | 1987年 |
| 出道作品 | 《心中的太陽》 |
| 代表作品 | 《好漢歌》、《彎彎的月亮》、《鳳凰于飛》、《夜》、《帶着地球去流浪》 |
| 活躍年代 | 1985年－依家 |
| 網路電影資料庫（IMDb）資訊 | |
生涯 編輯
早年 編輯
佢喺天津嘅一個教師家庭出世。1981年喺天津耀華中學畢業，1985年喺國際關係學院法語專業畢業，大學期間因參加法語歌曲創作大賽攞獎，拎咗法國政府獎勵去巴黎旅遊。
出名 編輯
佢喺1985年攞到北京首屆高校英語、法語歌曲比賽雙料冠軍，之後就開始咗佢嘅音樂生涯。令佢出名嘅係1988年頭中央電視台熱播嘅兩部電視劇：一三五播《便衣警察》、二四六播《雪城》[2]，兩部電視劇嘅主題曲《少年壯志不言愁》同《心中的太陽》都係佢唱並且同時大熱。
《心中的太陽》令佢同《便衣警察》結緣。當《心中的太陽》錄製完後，《便衣警察》嘅導演組聽到佢嘅歌聲後請佢唱《便衣警察》嘅主題曲《少年壯志不言愁》[3]。所以，佢出名歌應該係《心中的太陽》。
音樂會 編輯
2004年3月19號晚，喺北京首都體育館搞咗「歡歌2004北京個人演唱會」，係佢出道19年嚟第一次搞個人演唱會。
2006年6月9號，喺上海大舞台搞咗佢嘅藝術生涯入面第二場個人演唱會。
2007年7月3號，佢同廖昌永、莫華倫一齊喺北京人民大會堂搞咗「震撼」歌曲音樂會，成功咁將流行音樂同古典音樂融入同一場演出入面，並且喺國內首次引入「逍遙音樂會」嘅元素。
2013年1月1號，佢喺北京萬事達中心舉辦《傾聽我們的年代——留歡2012》大型演唱會，中國好聲音學員吉克雋逸、王乃恩、權振東、鄭虹、姚貝娜等都有演唱。
作品 編輯
原創作品非常多元，包括電視劇《後宮甄嬛傳》原聲音樂同《北京人在紐約》、《東邊日出西邊雨》、《胡雪巖》、《闖關東》、《去者》、《情怨》等電視劇嘅原聲音樂。電子方面代表作：《Far Away》。愛情代表作有《璐璐》。
唱過好多電視劇主題曲，代表作《少年壯志不言愁》、《彎彎的月亮》、《千萬次地問》、《得民心者得天下》、《好漢歌》、《鳳凰于飛》。另唱過動畫電影《寶蓮燈》插曲《天地在我心》，
喺1990年北京亞運會開幕式同韋唯合唱《亞洲雄風》，影響遠超過咗「內定」嘅會歌，被叫做1990年北京亞運會「不是會歌的會歌」。
2005年，同香港歌手方力申合作，佢作曲作詞唱國粵語歌。2008年，參加迎奧運歌曲《北京歡迎你》嘅錄製，同群星合作。2008年8月8號，佢同英國歌手莎拉·布萊曼一齊唱北京奧運會主題歌《我和你》。
2014年1月30號，喺馬年除夕夜央視春晚同法國演員蘇菲·瑪索合唱《玫瑰人生》。2019年，喺《歌手2019》第一輪踢館賽首唱佢嘅新原創作品《流浪地球》主題曲《帶着地球去流浪》。
工作經歷 編輯
畢業後喺國際關係學院教書。1985年、1986年跟住中央講師團去寧夏石嘴山支教一年，教音樂。1991年到依家喺對外經濟貿易大學教《西方音樂史》。
健康狀況 編輯
有網友發現，劉歡喺奧運會後並未高高在上；出門五帶墨鏡卻撑著拐杖嘅佢吸引公眾嘅視線。大家關心佢嘅健康狀況，同喺2003年盛傳佢去歐洲醫病係唔係有關[4]。 2009年，佢因患股骨頭缺血性壞死，暫停教書。2011年8月31號夜晚，好返後就重返講台[5]。2019年3月，佢接受心臟支架手術。
《歌手2019》 編輯
2019年1月，加盟湖南衛視《歌手2019》、為首發歌手，喺4月12號總決賽攞咗歌王。
歌手2019 劉歡競演排名
| |||||||||
| 期數 | 輪數 | 播出日期 | 演唱歌曲 | 原唱 | 歌曲介紹 | 排名 | 得票率 | 出場序 | 備註 |
| 1 | 第一輪排位賽 | 1月11號 | 《夜》 | 劉 歡 | 詞／曲：劉 歡 編曲：谷 粟、劉 歡、撈 仔 |
1 | 28.37% | 7 | 個人最高排名 |
| 2 | 第一輪淘汰賽 | 1月18號 | 《愛的一生》 | Charles Aznavour | 詞：Charles Aznavour 曲：Georges Garvarentz 編曲：趙 兆 國語填詞：劉 歡 |
3 | 18.89% | 6 | 兩場總成績第1名 法文同國語相間演唱 |
| 3 | 第一輪踢館賽 | 1月25號 | 《帶着地球去流浪》 | 劉 歡 | 詞／曲：劉 歡 編曲：趙 兆 童聲演唱：鄭楚馨 |
3 | 17.64% | 6 | 前奏、間奏同尾聲部分加入童聲演繹嘅曹操詩作《觀滄海》 |
| 4 | 第二輪排位賽 | 2月1號 | 《Far Away》 | 劉 歡 | 詞／曲：劉 歡 編曲：劉 歡、陳 迪 |
5 | 13.720% | 1 | 個人最低排名 上半部分係原版編曲，下半部分係新版編曲 |
| 5 | 第二輪淘汰賽 | 2月8號 | 編曲：谷 粟 | 1 | 26.965% | 7 | 個人最高排名 兩場總成績第1名 | ||
| 《滄海一聲笑》 | 羅大佑、黃 霑、徐 克 | 詞／曲：黃 霑 | |||||||
| 《好漢歌》 | 劉 歡 | 詞：易 茗 曲：趙季平 Rap填詞／演唱：那吾克熱 | |||||||
| 6 | 第二輪踢館賽 | 2月15號 | 《秋語》 | 馬 條 | 詞：紫 青、馬 條 曲：馬 條 編曲：彭 飛 |
5 | 12.490% | 4 | 個人最低排名 |
| 7 | 第三輪排位賽 | 2月22號 | 編曲：陳 迪 | 5 | 13.860% | 3 | 個人最低排名 | ||
| 《巴黎晴空下》 | Jean Bretonnière | 詞：Jean Dréjac 曲：Hubert Giraud | |||||||
| 《Norwegian Wood》 | The Beatles | 詞／曲：Lennon–McCartney | |||||||
| 8 | 第三輪淘汰賽 | 3月1號 | 《去者》 | 劉 歡 | 詞／曲：劉 歡 編曲：谷 粟 |
3 | 13.905% | 3 | 兩場總成績第6名 |
| 《情怨》 | |||||||||
| 9 | 第三輪踢館賽 | 3月8號 | 《璐璐》 | 劉 歡 | 詞／曲：劉 歡 編曲：陳 迪 |
5 | 11.900% | 5 | 個人最低排名同得票率 樂手投票第4名（17票） |
| 10 | 第四輪排位賽 | 3月15號 | 《彎彎的月亮》 | 陳汝佳 | 詞／曲：李海鷹 編曲：梁翹柏、李海鷹 |
2 | 16.175% | 5 | — |
| 11 | 第四輪踢館賽 | 3月22號 | 《從前慢》 | 劉胡軼 | 詞：木 心 曲：劉胡軼 編曲：劉胡軼、彭 飛 |
3 | 15.925% | 6 | 晉級總決賽 |
| 12 | 突圍賽 | 3月29號 | 首發歌手進入總決賽 | ||||||
| 13 | 金典歌王衝刺夜 | 4月5號 | 《City of Stars》 | Ryan Gosling、Emma Stone | 詞：Benj Pasek、Justin Paul 曲：Justin Hurwitz 編曲：陳 迪 |
— | 6 | 幫唱嘉賓：袁婭維 | |
| 14 | 總決賽第一輪 | 4月12號 | 《我要去哪裏》 | 范曉萱 | 詞：徐熙媛 曲：范曉萱 編曲：谷 粟 |
— | 7 | 幫唱嘉賓：譚維維 晉級第二輪 | |
| 總決賽第二輪 | 《甄嬛》組曲 | 編曲：陳 迪 曲：劉 歡 |
1 | 62.22% | 4 | 個人最高排名同得票率 首歌保留姚貝娜嘅原聲錄音 | |||
| 《金縷衣》 | 姚貝娜 | 詞：佚 名 | |||||||
| 《菩薩蠻》 | 詞：温庭筠 | ||||||||
| 《鳳凰于飛》 | 劉 歡 | 詞：劉 歡 | |||||||
參考 編輯
- ↑ 三十年光影弦歌中我们的共同记忆 互聯網檔案館嘅歸檔，歸檔日期2014-03-25.
- ↑ 三十年光影弦歌中我們的共同記憶 互聯網檔案館嘅歸檔，歸檔日期2014-03-25.
- ↑ 《心中的太陽》：那是一代知青人的拷問
- ↑ 北青MSN：劉歡拄拐杖過馬路被疑患病 互聯網檔案館嘅歸檔，歸檔日期2009-06-16.
- ↑ 劉歡病愈重返大學講台 立規矩課堂不唱歌(圖)