加拿大唐人史
唐人移民加拿大，有史實嘅係始自清朝鴉片戰爭後。當年中國移民多數嚟自廣東省台山縣。重有廣東開平縣、新會縣呢些啲民間叫做五邑嘅地方。 而家，加拿大華人好多係廣東人，尤其係香港人。
1858年（即係咸豐8年），卑詩省嘅菲沙河谷（Fraser Valley）出現淘金熱，好多由美國舊金山嘅唐人移民嚟幫手開礦。嚮1871年（同治10年），加拿大聯邦為咗吸引卑詩加入，同意嚮10年之內，建成一條跨越加拿大東西部嘅鐵路（即係而家嘅加拿大太平洋鐵路）。為咗起鐵路，當局引入一批出名刻苦耐勞嘅華工，經過公司倒閉、嚴重工傷、大量死人等困難，終於10年內鐵路起好通車，沿線開發出房地產同埋市鎮直至今日。俗話有講「打完齋唔要和尚」，所以當年加拿大先後通過人頭稅同埋排華法等對待唐人移民潮。加拿大唐人嚮冇投票權嘅現實之下，經歷漫長嘅二等公民身份。
2006年4月4號，當時嘅加拿大總理哈帕好正式向加拿大唐人認錯，話加拿大以前向唐人收人頭稅係錯嘅。之後，加拿大政府賠償畀1000萬交過人頭稅嘅唐人同佢哋嘅後人，同時成立宣傳人頭稅罪惡嘅活動。