勇武派

  提示：呢篇文講嘅唔係金州勇士。

勇武派，又叫勇武主義，簡稱勇武（The valiant, Valiantism），係一個2010年代香港特區政府管治下香港社會出現全新政治術語，指用激進手段去爭取民主嘅派別。

意義

「勇武」對應英文即係「VALIANT」，意思近似「勇敢」，而指人即係「勇敢而英勇嘅戰士」，同勇士。佢會自感做「勇者」係一種社會責任、正確同埋會自豪。排除唔理智手段，佢重識得工具理性（instrumental rationality）同埋價值理性（valuerationality），即用盡政治宣傳（文宣）同所有示威、佔領方法，包括個別前線人士行為上暴力、講好多粗口同違法（部份指因為係「惡法」）行為。一面採取抗爭，一面爭取認同，為達成目的，手段最大效率化。

而家，勇武派常指非建制派系當中，強調「勇武抗爭」，有反抗政府同埋作戰情況。佢同傳統泛民主派或者本土派都好唔同，相對激進民主派更加「激進」。由於香港政治環境所導致，好多勇武人士都係親本土主義甚至獨立運動同埋反共（反對共產主義同埋反抗香港赤化可能性），但係又唔一定次次都咁有明顯立場，有時可能就只係針對一個政策命令，或者一宗社會事件。而且有媒體或者政客指，本地中學生、大學生同學生會都有好大關係。

不過，立場親共而有相似或更甚手法，即歸類為土共、左派社團，就同勇武派係對立。

中華人民共和國政府只回應非建制勇武派問題，話佢等同「恐怖主義」。建制組織認為，勇武會有反效果。另外，有反共報紙話親政府地下組織會介入，例子有地下黨、影子政府、「西環治港」風險。

例子

非建制行動

• 光復行動
• 佔領立法會

非建制組織

• 勇武前綫
• 香港民族黨

睇埋

• 和理非
• 民主、自由、普世價值
• 「連登文化」
• 暴動、叛亂、暴力革命
• 五毛黨、激進建制派、香港親共人士