非建制派

香港政治派別

非建制派英文Opposition camp)係指香港民主普選為政綱嘅派系,而親共傳媒就稱之為反對派。派系可以係:

非建制派面對嘅挑戰

針對香港民主派嘅假新聞

內文:針對香港民主派嘅假新聞

非建制派時不時會成為假新聞嘅攻擊對象,有啲假新聞來源甚至涉及一啲香港政府官員或者親中派嘅立法會議員。亦有一啲親中派嘅人,就算喺啲假新聞被釐清否定之後,仍然繼續攞嚟攻擊民主派。有香港嘅傳媒人同海外嘅研究都指出,呢啲針對民主派人士同行動嘅假新聞謠言,好有可能係背後有人操控。

針對民主派政治嘅檢控拘捕

內文:針對2020年民主派初選嘅政治檢控拘捕

香港政府喺2021年1月6號,進行咗一場對參與過2020年香港立法會選舉民主派初選嘅候選人嘅大規模政治檢控,並且喺2月28號正式落案起訴。被告嘅人,涵蓋溫和民主派,激進民主派,本土自決等,成個非建制派嘅政治光譜。

2021年3月北京未經香港人同意進行嘅「完善香港選舉制度決定草案」

2021年3月,全國人大會議討論《全國人民代表大會關於完善香港特別行政區選舉制度的決定(草案)》,當中冇問過香港人意見。香港中文大學政治與行政學系高級講師蔡子強形容,喺呢個決議案下,全國人大連香港立法會嘅參選權都要集中喺自己手中,民主派能「入閘」嘅機會極低,最極端情況係香港再無在野黨,議會無嗮應有嘅制衡能力[1]。呢個草案喺3月11號,以2895票贊成、無人反對同1票棄權,獲得通過[2]

睇埋

參考

  1. "蔡子強料民主派再在選舉入閘機會微 民主步伐一筆勾銷 - RTHK". news.rthk.hk (中文). 喺2021-03-07搵到.
  2. "全國人大會議閉幕 通過完善香港選舉制度決定". Now 新聞 (中文). 喺2021-03-11搵到.