半兩錢

半兩錢，古錢一種，貨幣一種，或者就叫半兩，又另寫半両錢。佢出自戰國時秦國，漢初亦承繼鑄造，直至皇帝劉徹改鑄五銖錢。秦時半兩即十二銖，亦即初時青銅錢重十二銖，約莫今日八克左近。上面寫咗半兩。錢身圓，中間方孔。呢個形狀，一直用到大清，日本錢幣，至今仍保留個款。

秦半兩錢

呂后呂雉時

文帝劉恆時

武帝劉徹時

半兩錢經史上數變，出土文物所知，有青銅錢、有銀錢，有鉛錢。有官錢同私錢。有輕有重，有大有細。有粗糙，有日漸精細。一般分成戰國、秦、漢三期，再細分辨別。

除咗華夏，日本都有出土過廿五件。尤其三重縣熊野市，波田須町出土秦半兩。亦聯想到秦始皇帝派徐福去蓬萊山傳說。

史

圓錢春秋就有，晉國銅錢，卒先圓形圓孔。周匽齊秦等等，都跟住鑄圓錢。然而改為方孔，皆因個窿後期加工而成。當時銅錢無厚邊。

秦惠文王二年開始鑄半兩錢，後世叫長人兩。而始皇帝統一後鑄半兩錢，叫短人兩。分別在於兩字，裏面人字長就叫長人，知就叫短人。

劉邦建漢，容許私鑄銅錢，就唔少唔同制式半兩錢。文帝劉恆，佢中意商人鄧通，相士話鄧通注定餓死，就畀蜀地銅山鄧通鑄錢，因而出過半兩錢。為咗同官錢唔同，佢加厚咗方孔，啲人認為特別多福。景帝劉啟唔中意鄧通，話佢過境採銅，沒收財產，日後應驗預言餓死成故仔。至終劉徹改鑄五銖錢，半兩錢就廢咗。