南澳街道（粵拼：naam4 ou3 gaai1 dou6），又叫南澳灣，係中國深圳龍崗區大鵬新區一地。行政上係條「街道」，叫南澳街道。南澳舊時係鎮，叫南澳鎮，2004年將佢改做街道。
南澳重保留到傳統漁村風貌。傳統習俗，好似有龍舟競渡、漁家娶親。南澳灣係全鎮居民最集中嘅區，喺南澳灣內嘅漁港同海鮮一條街，有唔少漁獲，唔少遊客都會去。
南澳對出係香港水域，對住香港嘅平洲、印洲塘同大鵬灣，極之近香港地域。舊時有好窄嘅梅沙公路、葵南公路同葵鵬公路通去，深圳市區去要成一個鐘。自從起咗鹽壩高速公路、雷公山隧道同埋迭福山隧道，出入南澳快過舊時，由深圳市區去都只係約四十分鐘。
