大鵬灣

大鵬灣單車徑海景

大鵬灣（香港政府粵語拼音：Tai Pang Wan；粵拼：daai6 paang4 waan1），又叫馬士灣（英文：Mirs Bay）係香港同中國大陸深圳之間嘅海灣。佢響香港吉澳同西貢半島東北邊。深圳大鵬半島都響佢東便。香港嘅平洲就響大鵬灣中間。深圳岸邊嘅鹽田、葵涌、大鵬同南澳都響大鵬灣邊。葵涌、大鵬同南澳一齊叫大鵬半島或大鵬。嗰度啲人講大鵬話。

大鵬灣係大明同大清海防基地。英國1898年由大清手上得到新界，條約規定成個灣嘅水面都係英國治下，直至到1997年，香港主權移交畀中華人民共和國，先至重新定界，部份水域劃歸深圳。