只愛陌生人

《只愛陌生人》係香港歌手王菲出嘅第十六張大碟、第七張國語大碟，喺百代唱片嘅第三張大碟，喺1999年9月10號發行。一共12首歌曲：10首係國語，2首係粵語；同名曲係翻唱張亞東嘅作品。《只愛陌生人》係用HDCD（高解析度CD）技術錄製嘅唱片。

簡介

上一張《唱遊》本人作咗4首曲後，呢次王菲只貢獻咗一首歌：同張亞東一齊寫嘅電子樂「精彩」，都係百事可樂願望篇嘅主題曲。張亞東喺大碟入面有成3首歌，專輯同名曲「只愛陌生人」就係翻唱佢嘅原作，歌入面阿女竇靖童都唱「Come on, baby」。另外一首就係迷離嘅「嗶一聲之後」。

袁惟仁繼7年前嘅執迷不悔後，又一次幫王菲譜寫咗首「過眼雲煙」。陳曉娟第一次同佢合作，譜寫咗「推翻」，詞係佢嘅經紀人阿寬第二次幫佢作。因為呢個係王菲婚變後第一張大碟，所以好多人認為詞所寫嘅就係王菲婚後心情嘅寫照。

固定班底Adrian Chan寫咗傳統情歌「蝴蝶」（廣東版係「郵差」），C.Y. Kong寫咗兩首搖滾風格濃厚嘅「百年孤寂」（廣東版係「守望麥田」）同「開到荼蘼」，後者入面嘅王菲第一次用破音演唱。以後佢每張專輯入面都有至少一首搖滾風嘅作品。

王菲喺呢張大碟入面繼續同其他中國音樂人合作。「當時的月亮」係李冰嘅作品，詞對「月亮代表我的心」呢首歌有個回應：「曾經代表誰的心，結果都一樣」。「催眠」係郭亮所作，林夕嘅詞係意識流風格，但動聽嘅旋律令呢首歌喺KTV入面嘅點歌率都好高。

碟入面2首粵語歌係將兩首國語歌重新填詞做粵語，照顧香港市場。

其他版本：

衍生產品：

《只愛陌生人卡拉 OK》 VCD／DVD：收錄咗呢專輯9首歌曲加上《臉》、《紅豆/償還》、《相約1998》同《Eyes on Me》共13首歌曲嘅音樂錄影帶，附帶卡拉OK功能。

全碟填詞：林夕　（下面註明例外曲目）

日本版（附加曲目）
曲序	曲目	作曲	編曲	時長
13.	開到荼蘼（remix）	C.Y. Kong	C.Y. Kong	3:46

香港：

香港電台十大中文金曲頒獎音樂會：
- 1999年度：「十大優秀流行歌手大獎」^[1]
- 1999年度：「全球華人最受歡迎女歌手」^[1]
- 1999年度：「最佳中文（流行）歌曲獎」：Adrian Chan—「郵差」^[1]
無綫電視十大勁歌金曲頒獎典禮：
- 1999年度：「亞太區最受歡迎香港女歌星獎」^[2]
商業電台的叱咤樂壇流行榜：
- 1999年度：「叱咤樂壇我最喜愛的女歌手」^[3]
- 1999年度：「專業推薦叱咤十大」第七位—「郵差」 ^[3]
新城電台新城勁爆頒獎禮：
- 1999年度：「勁爆亞洲女歌手」^[4]
- 1999年度：「勁爆大碟」：《只愛陌生人》—梁榮駿監製^[4]

台灣：