台山

  想搵澳門地方嘅話，請睇台山 (澳門)。

台山（粵拼：toi4 saan1，台山話：Hoisan，IPA: /hɔ̀isān/）喺中國廣東西南岸，舊稱新寧，家下係江門市嘅縣級市，叫台山市(1992年撤縣設市)。台山原本係個縣，大清時叫新寧縣，民國時改做台山縣。台山市政府嘅所在地係台城鎮。

喺通濟塔上面影嘅台城夜景

乾隆時，台山叫新寧縣，喺省城西南，歸廣州府

台山有中國排球之鄉嘅美譽，同恩平、開平會簡稱做「台開恩」，計埋新會並稱四邑。如果計埋鶴山，就叫五邑。

地理

台山東係新會，西係恩平，北係開平。

山

台山嘅山，北有三台山、東有百峰山，西南有大隆山。

水

台山南便係海，海中間有上川洲同下川洲。

台山北便有長沙河，即係恩平江。江由開平流入，向東南流，匯合南門河，西北匯埋合紫霞河，再入新會。而東南又有泥涌河，南便收埋牛角水，去到烽火角入海。西便有那扶水，去到南便獅子洲入海。

台山東南嘅潭滘河，係通去新會崖門嘅捷徑，康熙二十六年，總督吳在南鑿通條河，引泥涌河水。後尾塞過，1953年到1955年又再通返。

台山西南有溫泉、醴泉。

史

乾隆年間嘅四邑，新寧即係台山

1498年，大明弘治十一年，新會劃出西南便得行都同文章都，開新寧縣。

大清時，新寧勝歸廣州府，有廣海寨，縣丞就駐響度。另有上川鹽巡司。同治七年，新寧分出赤溪。政府簽咗條約，開公益商埠。起咗寧陽鐵路。

民國時，1914年，新寧改名做台山。二次大戰時，為咗阻日軍，拆咗寧陽鐵路。

1953年，赤溪併返入台山。1992年，台山縣轉成縣級市，改名台山市。

出面網頁

• 〈中國台山門戶網站〉。