台灣政治人物對香港泛民主派同社會運動嘅攻擊
雖然對於台灣主權問題嘅看法南轅北轍，部分民進黨成員（林靜儀，王必勝等），國民黨成員（游毓蘭）同中華統一促進黨成員（張孟崇）對香港民主派以及社會運動攻擊嘅行為持有相若立場，言論亦引起香港同台灣坊間一啲批評。
部分事例
編輯游毓蘭（葉毓蘭）
編輯喺2019年香港人爭取民主同捍衛法治嘅香港反送中運動期間，香港警察執法表現備受爭議，當中涉及暴力執法嘅指控，佢聲稱自己喺現場考察過，話香港青年係「殺紅了眼朝死裡打的暴徒」，又反問「警察恢復香港秩序何錯之有？」[1][2]，結果被唔少網友批評，話佢「精神分裂」、質問佢良知何在。東吳大學法律系教授胡博硯喺社交媒體用粗口痛批，話國民黨唔會進步[2]。資深媒體人謝登元狠批葉毓蘭非常冷血，缺乏同理心，又提到當時傳出有女示威者被香港警察因姦成孕，亦有女示威者被香港警以暴力直接抬起四肢，女性私處喺眾目睽睽之下曝光，又有女示威者被搓揉胸部，葉毓蘭無可能唔知道[3]。民進黨亦就佢嘅言論，要求游毓蘭退選[2]。台灣基進批評游毓蘭係中共嘅幫兇，提到游毓蘭無可能唔知道八三一太子站事件，香港警察入侵中文大學校園事件等香港警察暴力執法嘅事例，又公開向香港人道歉[4]。連同為國民黨嘅律師葉慶元也呼籲游毓蘭「知所進退」，主動退出國民黨不分區[5]。
王必勝
編輯2023年11月，正當美國宣布制裁香港多名侵犯香港人人權嘅司法人員，包括逾40名負責執行北京未經諮詢或香港人同意而實施嘅《港版國安法》嘅指定法官同檢控官之際[6]，佢喺Twitter公開發言，話已經無人關注香港，香港『退了好幾個檔次』。有關言論引起一啲香港人討論，網民反應不一，有台灣網民表示支持，喺香港連登討論區，有啲人認同佢嘅說法，有啲人批評如果唔係2019年香港反送中運動台灣一早玩完，形容台灣人對香港用完即棄，有人亦公開指台灣聲稱抗中保台但喺實質措施上比好多國家都要弱，甚至容許極端親中嘅新黨同統促黨繼續存在[7]。另外，時事評論員黃世澤亦用上『岸鳩』一詞形容佢是次言論[8]。
林靜儀
編輯林靜儀唔止一次發佈關於香港人嘅虛假信息，並且藉此攻擊香港人，反對行政院因應香港局勢惡化而支持香港人嘅措施。
喺2022年4月初，香港藝人王喜經桃園機場入境台灣，因為檢測過程刺鼻大量出血受傷，事件引起港台兩地唔少網民關注。林靜儀喺個人社交網站貼上來自香港《明報》嘅截圖，質疑王喜3月30號確診，為何4月3號能入境台灣，懷疑王喜攞到嘅登機前陰性PCR報告，又形容「已知確診個案這樣跑」，令到所有機組員、航空公司、乘客、防疫人員都暴露喺風險入面[9]。《明報》內文實則提及，王喜喺25號已經無不適，上機前已經康復，只係《明報》去到3月30號先報導[10]。但林靜儀提供嘅截圖，就無包括報導內文，而且亦無提供《明報》網站嘅連結，令公眾無辦法查證。
另外，喺2022年5月一次立法院外交及國防委員會會議入面，林靜儀指香港喺2012年開始進行內部國民教育洗腦工作，內容讚揚中國共產黨民族主義嘅歷史，並以此為基礎，質疑台灣政府喺《港版國安法》被北京強行落實後，聲援香港人，開放無居留資格嘅港澳居民來台就讀高中嘅措施[11]。但係喺2012年，香港政府準備推行原定嘅洗腦教育課程，結果由包括黃之鋒在內嘅學民思潮等唔少中學生發起大規模抗議[12][13]，成功令政府擱置實施國民教育課綱[14]。林靜儀說法，和事實並唔相符。
對於林靜儀多次發佈假資訊攻擊香港人，香港民主黨前區議員賴文輝喺2022年5月17號喺社交媒體批評林靜儀以不實信息抹黑香港人，又提及當年香港反國教運動嘅成功以反駁林靜儀。佢又指，林靜儀早前先包場睇紀錄香港反送中運動嘅電影《時代革命》，依家咁樣用資訊攻擊香港人，虛偽到令人作嘔[15]。另外，香港前途關注組亦就林靜儀錯誤指控香港喺2012年開始進行內部國民教育洗腦工作發聲明譴責，指有關措施嘅討論應該就國家資源、人口政策等方面作出理性討論，但唔係建基於謊言[16]。前香港立法會議員黃毓民亦喺6月19號，喺社交媒體批評林靜儀「不諳港情胡說八道」[17]。台灣政治評論方面，中研院學者吳介民亦質疑，林靜儀當初喺台中包場《時代革命》嘅時候，就應該對國家政策理應徹底理解來龍去脈、利弊得失。而家咁做只會令人覺得政府言而無信。佢又批評林靜儀咁樣只係蹭聲量[18]。
張孟崇
編輯喺2024年11月4號，中華統一促進黨中央委員張孟崇同埋佢老婆洪女收受中國7400萬元資助，為特定公投議題、罷免對象、候選人、政黨大肆宣傳，之後被嘉義地檢署起訴，當中起訴書提到張孟崇有份幫助中共詆毀香港社運人士[19]。
睇埋
編輯參考來源
編輯- ↑ Storm.mg (2019-11-19)。〈「警察恢復香港秩序何錯之有？」葉毓蘭再挺港警：蒙面客動亂才是暴力-風傳媒〉。www.storm.mg (臺灣中文)。喺2024-12-31搵到。
- ↑ 2.0 2.1 2.2 〈葉毓蘭遭起底！稱港青「殺紅眼暴徒」〉。Yahoo News (中文)。2019-11-13。喺2024-12-31搵到。
- ↑ 自由評論網。〈自由廣場》葉毓蘭口中的「暴民」 - 自由電子報 自由評論網〉。喺2024-12-31搵到。
- ↑ 〈「香港鬧事的暴民」？ 國民黨不分區第一葉毓蘭被點名「幫兇」 | 政治〉。《Newtalk新聞》 (中文)。2019-11-13。喺2024-12-31搵到。
- ↑ 〈挺港警遭國民黨同志嗆「回去新黨」 葉毓蘭：從沒加入過〉。Yahoo News (中文)。2019-11-26。喺2024-12-31搵到。
- ↑ 〈港法官與伊朗、俄羅斯齊名 料成首個普通法司法管轄區法官被制裁〉。Radio Free Asia (香港中文)。喺2023-11-05搵到。
- ↑ 〈LIHKG 台灣衛福部政務次長：香港在國際上已沒有人關注〉。《LIHKG 討論區》。喺2023-11-05搵到。
- ↑ 《G7會議關於香港用字並唔尋常 其實西方用香港做同中國交涉嘅切入點出師有名 連天主教美軍教區主教就黎英案出聲 中國一意孤行必有後果 黃世澤幾分鐘評論 20231110》 (英文)，喺2023-11-10搵到
- ↑ 〈目前邊境防疫政策，要入境需持有三天內PCR陰性報告〉。
{{cite web}}: CS1 maint: url-status (link) - ↑ 〈王喜確診新冠肺炎 咳嗽喉嚨痛病徵輕微 (12:04) - 20220330 - SHOWBIZ〉。《明報OL網》 (繁體中文)。喺2022-05-17搵到。
- ↑ 〈【認知作戰】中國提供資金給台灣「網紅」 陳明通證實進行處理〉。Radio Free Asia (香港中文)。喺2022-05-17搵到。
- ↑ 〈親子齊心反洗腦9萬人上街〉。《蘋果日報》。2012-07-30。
- ↑ 〈70多名學民思潮成員政總外紮營請願〉。《香港電台》。2012-08-30。
- ↑ 〈擱指引 國教科名存實亡 梁：不會撤科 大聯盟收貨：等同撤科〉。《明報》。2012-10-09。
- ↑ 〈民進黨立委林靜儀，再次發佈不實信息抹黑香港人，竟然說香港2012年開始在中學推動國民教育，香港學生已被洗腦，質疑當局近日放寬「香港澳門居民來台就學辦法」，開放不具有居留資格的港澳居民來台就讀高中，憂心引發國安問題〉。Facebook (英文)。喺2022-05-17搵到。
{{cite web}}: CS1 maint: url-status (link) - ↑ 〈香港前途關注組譴責 民主進步黨 立委 林靜儀醫師 溫柔堅定新中二 錯誤言論，並要求林靜儀向香港人道歉〉。www.facebook.com (英文)。喺2022-06-18搵到。
{{cite web}}: CS1 maint: url-status (link) - ↑ 〈1、沈旭輝、桑普等人從來沒有支持香港年輕一代十幾年來的「本土、民主、反共」運動，卻在台灣備受禮遇，曾經支持蔡英文連任總統，如今滞留台灣兩年多的手足卻很大機會成為人球。港澳關係條例18條本來就形同具文，民進黨當局最近更不斷製造輿論準備廢法，桑普及其所謂「台灣香港協會」曾以援助流亡台灣港人為由公開眾籌，如今竟然支持民進黨「排港」政策，當然必須口誅筆伐！〉。Facebook (英文)。喺2022-06-25搵到。
{{cite web}}: CS1 maint: url-status (link) - ↑ 〈林靜儀反對放寬港澳居留 吳介民斥：當初包場《時代革命》只是蹭聲量 | 政治〉。《Newtalk新聞》 (中文)。2022-04-30。喺2022-06-21搵到。
- ↑ 中央通訊社 (2024-11-04)。〈統促黨幹部張孟崇與妻涉收中國7400萬元介選 檢依反滲透法起訴 | 社會〉。《中央社 CNA》 (中文)。喺2024-12-31搵到。