史萊哲林
史萊哲林（英文：Slytherin），係J·K·羅琳嘅奇幻小說系列《哈利波特》入面，霍格華茲嘅四大學院之一[1][2]，果個學院由薩拉札·史萊哲林創立[3]，佢嘅代表動物係蛇[4]，仲以血統純正、有野心、狡猾，有領導能力同足智多謀嚟做收生條件，就正如分類帽喺《神秘的魔法石》所講咁樣，史萊哲林嘅人會不惜一切代價嚟達到佢嘅目的。果個學院嘅代表顏色係綠色同銀色。史萊哲林嘅學院導師係赫瑞司·史拉轟，後來佢退休之後就由賽佛勒斯·石內卜接任直到第七輯小說，後來當石內卜做咗霍格華茲校長之後，史拉轟就喺退休之中返到霍格華茲做學院導師。果個學院嘅幽靈係血腥男爵。根據羅琳嘅說法，史萊哲林學院大致對應於四大元素入面嘅水[5]。
 | |
| 史萊哲林 | |
|---|---|
| 學院創立者 | 薩拉札·史萊哲林 |
| 學院代表物 | 蛇 |
| 學院顏色 | 綠色、銀色 |
| 學院院長 | 赫瑞司·史拉轟（1940年代-1982年） 賽佛勒斯·石內卜（1983-1996年） 赫瑞司·史拉轟（1997年至今） |
| 選擇學生方式 | 血統純正（曾經）、有野心、 具領導能力、足智多謀 |
雖然史萊哲林著重血統純正，但也會收極少量嘅混血學生，例如賽佛勒斯·石內卜同湯姆·瑞斗，而果個系列小說嘅主角哈利·波特都差啲被派去史萊哲林學院。果個學院培養咗好多出名嘅巫師，包括魔藥學大師赫瑞司·史拉轟同石內卜，好多黑巫師都係出自於呢個學院，包括佛地魔。
特質
編輯史萊哲林學院著重有野心同很強嘅領導才能、狡猾、足智多謀、識得審時度勢，仲追求成就。由於學院嘅創立者薩拉札·史萊哲林好睇重血統嘅純正，令到果個學院甚少收混血或係麻瓜出身嘅學生。由於薩拉札·史萊哲林同高錐客·葛來分多喺血統上嘅觀點唔同，最終搞到佢哋兩個絕交。呢個亦係史萊哲林同葛萊分多兩個學院之間宿怨嘅起源。根據阿不思·鄧不利多所講，史萊哲林喺揀學生果陣仲特別睇重「某種對法律條規嘅藐視」，哈利·波特都有呢啲特質，不過分類帽喺學院分類儀式期間依佢嘅意願揀咗葛萊分多學院。由於果個學院嘅學生往往都有好高嘅競爭力，佢哋喺哈利·波特入學之前已經連續六年蟬聯霍格華茲嘅學院盃。
由於英國的大部分黑巫師（包括佛地魔）都出身於呢度，搞到史萊哲林嘅評價唔係幾好。不過精明同有野心並唔係由一開始就係負面嘅天賦，佢哋都同樣存在住反對用黑魔法、唔贊同純種優越主義嘅人，當中例如赫瑞司·史拉轟同美黛·東施。喺第一次巫師世界大戰果陣，賽佛勒斯·石內卜都喺後來轉變咗陣營，成為咗鳳凰會嘅雙面間諜。史萊哲林同葛萊分多呢兩個學院嘅學生少有交情非常好，特別係喺第一次同第二次巫師世界大戰果陣，無史萊哲林學院嘅學生願意加入對抗魔法部同佛地魔嘅學生組織—鄧不利多的軍隊。不過喺霍格華茲大戰入面，雖然所有史萊哲林學院嘅學生都喺大戰之前離開咗霍格華茲，但係佢哋當中嘅一啲人後來又跟住史拉轟教授同駐紮喺活米村嘅援軍加入咗抵抗佛地魔同食死人嘅戰鬥。
分類帽聲稱血統純度係史萊哲林學院揀學生嘅一個因素，不過呢一點直至第五輯小說先至提到。不過，由於果個學院入面都有幾個混血學生嘅例子，例如係石內卜同埋成為佛地魔之前嘅湯姆·瑞斗，因為咁就無理由相信麻瓜出身嘅學生唔會被派去果度，只係純血嘅學生更加會受到果個學院嘅歡迎，而哈利·波特本人只係喺佢本人嘅堅持下先至被排除喺呢個學院之外。喺《死神的聖物》入面，一班搶奪者聲稱「無幾多麻種被分派去史萊哲林」。
當佛地魔相信哈利已經死咗，仲認為佢自己已經掌握咗最後嘅勝利果陣，佢宣布自己正打算廢除其餘三個學院，仲強迫所有霍格華茲嘅學生入去史萊哲林學院。呢個設計喺佛地魔被打敗仲死咗之下被挫敗，史萊哲林學院嘅血統純正度自此之後變得更加稀釋，唔再係曾經嘅純血堡壘。
位置
編輯史萊哲林嘅宿舍同交誼廳都喺霍格華茲城堡嘅地窖，佢透過向地牢入面嘅一塊光禿禿嘅空白石牆講出通關密碼先至可以入去，呢個會令一扇隱藏嘅門打開。史萊哲林嘅交誼廳係一個狹長而低矮嘅地牢式房間，果個交誼廳位於霍格華茲嘅湖底，配有綠色嘅檯燈同雕刻扶手椅。喺第二輯小說入面，房間有低矮嘅天花板，佢嘅燈光為發出綠色光芒嘅火炬。據講喺裡面望出去嘅話，啲人能夠喺果度睇到黑湖裡面嘅生物（因為果個地窖喺黑湖湖底）。
相關物品
編輯史萊哲林嘅傳承物品是一個小金匣，佢原本屬於薩拉札·史萊哲林，後來傳到擁有史萊哲林血統嘅遠親
在《死神的聖物》嘅小說同電影入面，做咗分靈體嘅史萊哲林小金匣俾鄧不利多同哈利·波特搵到，仲最終俾榮恩·衛斯理用葛來分多寶劍嚟將佢摧毀。
代表人物
編輯喺原著小說入面，薩拉札·史萊哲林嘅已知後裔係岡特家族，亦都係佛地魔嘅母系家族。其餘嘅仲有：
其他資訊
編輯果個系列嘅作者J·K·羅琳喺2007年接受訪問果陣話，史萊哲林學院後來已經唔再好似以前咁崇尚純種巫師同女巫，不過佢嘅壞聲譽仲喺度，所以咁就令哈利·波特嘅細仔—阿不思·賽佛勒斯·波特唔希望自己被派去史萊哲林學院[6]。
參考資料
編輯- ↑ 大衛·巴格特、蕭恩·克萊因 (2006年9月)。《哈利波特的哲學世界》。臺北：麥田出版。ISBN 978-986-173-124-7。
- ↑ 楊季、馬博一 (2004年12月)。《歐美懸念文學簡史》。長春：時代文藝出版社。ISBN 7-5387-1895-8。
- ↑ 布萊恩·西布利 (2014年10月)。《哈利波特電影魔法書：八部電影幕後製作全記錄》。臺北：佳魁文化。ISBN 978-986-5712-89-1。
- ↑ 王小花 (2018-11-15)。〈【符號學×哈利波特】佛地魔的黑魔標記：骷髏與蛇・難分正邪〉 (香港中文)。香港01。原著喺2021-07-19歸檔。喺2019-03-21搵到。
- ↑ Rowling, J.K. (10 August 2015). "Colours". wizardingworld.com. 原著喺2023-01-27歸檔. 喺1 March 2022搵到.
- ↑ "J.K. Rowling Web Chat Transcript". The-Leaky-Cauldron.org (美國英文). 2007-07-30. 原著喺2019-08-14歸檔. 喺2018-10-04搵到.