賽佛勒斯·石內卜

賽佛勒斯·石內卜英文Severus Snape)係英國作家J·K·羅琳嘅奇幻小說《哈利波特》系列其中一個主要角色。佢係霍格華茲嘅魔藥學教授。作為一個強大嘅巫師,佢喺魔藥學方面好有天賦,因為咁就成為咗霍格華茲嘅魔藥學中文霍格華茲科目#魔藥學大師;佢仲對黑魔法好迷戀。佢好叻鎖心術中文哈利波特中的魔法符咒#破心術與鎖心術,佢控制住自己嘅情感,表面上嚴肅古板嘅外表再加上佢冷酷嘅諷刺,將自己深刻而強烈嘅情感同痛苦深深咁隱藏住,所以佢被形容做一個相當複雜嘅人。佢由一開始就對果個系列嘅主角哈利·波特懷有恨意,仲被塑造成反派角色,但之後揭示咗佢保護咗哈利。隨住劇情嘅推進,小說同電影對佢嘅刻畫由一個好差嘅教授演變到一個複雜而亦正亦邪嘅關鍵人物。佢嘅忠誠直到最後先至顯露出嚟,佢實際上係鄧不利多擺喺佛地魔陣營嘅雙面間諜。一切都緣於佢對莉莉·波特果種恆久不變嘅愛。

賽佛勒斯·石內卜
(Severus Snape)
阿倫·烈卡文喺《哈利波特》系列電影入面飾演嘅賽佛勒斯·石內卜。
首次出場哈利波特:神秘的魔法石
尾次出場哈利波特:死神的聖物2
下落佛地魔嘅蛇妖殺死。
作者J·K·羅琳
扮演阿倫·烈卡文電影
艾力克·霍普金斯中文哈利波特演員列表(少年)
班尼迪·克拉克中文哈利波特演員列表(幼年)
配音香港 龔國強中文龔國強張錦程粵語配音
詳細信息
性別男性
職業
家庭
  • 托比亞·石內卜(阿爸)†
  • 愛琳·普林斯(阿媽)†
國籍英國

對佛地魔嚟講,石內卜曾經立咗兩大功勞:喺第一次巫師世界大戰果陣成功竊聽到預言,同埋喺第一次巫師世界大戰果陣成功殺死鄧不利多。不過由於長期好安樂咁潛伏喺霍格華茲,所以無廣泛咁得到其他食死人嘅好感。根據鄧不利多嘅暗示同揶揄,佛地魔會因為石內卜嘅建議考慮放過莉莉·伊凡;後來石內卜甩底咗佛地魔啱啱重生果陣嘅召集令,佢甚至同過鄧不利多阻止咗奎若教授中文霍格華茲教職員列表#奎里納斯·奎若去偷魔法石,但係都得到佛地魔嘅諒解。喺第6輯小說同電影,水仙·馬份親口講出石內卜係黑魔王最寵信嘅顧問,而貝拉·雷斯壯就算妒忌恨都無得反駁;佢喺第7輯參與「馬份莊園」嘅會議果時得到佛地魔安排佢坐喺右邊嘅首位。

喺鄧不利多死咗之後,霍格華茲淪陷果陣被任命做校長;石內卜以前嘅同事米奈娃·麥喺接手之後推測到佛地魔可能親自傳授佢飛行術,顯示咗石內卜好知佛地魔嘅心意,佢哋兩個嘅出身同成長亦有幾個共通點,不過唯一令佢哋揀去行走唔同嘅路,就係佢哋對「愛」有截然不同嘅態度——前者偏執、後者輕蔑。

石內卜嘅角色受到讀者同評論家嘅廣泛好評。羅琳將佢形容做「一個角色嘅禮物[1]」,她喺第一輯小說開始就知道。《華盛頓郵報》嘅伊莉莎白·漢德英文Elizabeth Hand解釋話,石內卜嘅一生係「羅琳所有成就入面最令人心碎、最令人驚訝同最令人滿意嘅」東西[2]。演員阿倫·烈卡文喺2001年-2011年上映嘅所有八輯哈利波特系列電影入面都飾演住賽佛勒斯·石內卜呢個角色[3]。烈卡文喺2016年1月14號因為癌症病逝,享年69歲[4]

角色發展 編輯

賽佛勒斯·石內卜嘅父母係麻瓜托比亞·石內卜Tobias Snape,同埋純血中文哈利波特世界觀與設定#純血女巫愛琳·普林斯Eileen Prince,因為咁佢同佛地魔都一樣係有麻瓜血統嘅混血巫師。

石內卜啱啱出場果陣係身為霍格華茲魔法與巫術學院史萊哲林學院教授兼魔藥學中文霍格華茲科目#魔藥學大師,成為咗哈利·波特最唔鍾意嘅老師之一,所以哈利喺講到佢果陣成日唔加「教授」嘅尊稱,鄧不利多校長為咗呢校嘢曾經糾正過佢幾次。石內卜喺第六輯小說同電影入面開始擔任黑魔法防禦術中文哈利波特中的魔法符咒#黑魔法防禦術教授,期間石內卜曾經喺鄧不利多要求下教哈利鎖心術中文哈利波特中的魔法符咒#破心術與鎖心術,俾哈利因為咁而睇到石內卜細個嘅回憶,可見佢嘅童年過得非常唔開心。仲喺第七集做咗霍格華茲校長。

作為哈利·波特嘅教授,哈利係佢暗戀好多年嘅青梅竹馬好友莉莉·伊凡跟石內卜嘅死對頭詹姆·波特唯一嘅獨生子,因為咁石內卜一方面認為哈利同佢阿爸一樣「驕傲自大同乞人憎」,仲喺學校裡面對佢百般刁難;另一方面亦因為佢對哈利阿媽嘅愛而應承鄧不利多嘅要求,仲一直喺暗中保護哈利,仲喺鳳凰會入面扮演雙面間諜嘅身分。佢最後俾佛地魔殺咗,最終證明咗佢對鄧不利多嘅絕對忠誠,以及對莉莉果種不求回報嘅愛。喺哈利知道石內卜嘅苦衷之後就唔再憎呢位教授,甚至將佢個名嚟幫自己個細仔阿不思·賽佛勒斯·波特中文哈利波特角色列表#十九年後的孩子改名[5]

創作意念 編輯

羅琳喺一次訪問入面將石內卜嘅角色形容做「反英雄[6]。她話自己喺一個細個果陣唔鍾意嘅老師果度攞到石內卜角色嘅靈感[7],佢仲將石內卜形容做一個好得人驚嘅老師[8],指出作為老師蝦學生就係「你能夠做嘅最差、最卑鄙嘅嘢」[9]。不過,佢確實喺小說入面暗示佢通常係一位有效果嘅老師[10]。就算羅琳曾說過吉德羅·洛哈中文吉德羅·洛哈係佢唯一一個「特登以真人做原型」嘅角色,據報導指石內卜至少有部分係基於懷登學校英文Wyedean School教羅琳化學的教師約翰·內特勒西普中文約翰·內特勒西普[11][12][13],後者更聘請咗羅琳阿媽喺學校入面做助理[14][15][16]。羅琳以嘉立咸中文克拉珀姆嘅「賽佛勒斯路Severus Road」嚟幫果個角色改名[17],而佢嘅姓氏係喺英國嘅一個村莊嘅名度借返嚟嘅[18]。喺1999年[19]同2004年[20]嘅一次訪問入面,羅琳將石內卜揀咗出嚟做佢其中一個最鍾意寫作嘅角色。

羅琳對石內卜嘅態度不係好似佢對其他角色咁坦誠,因為佢真正嘅效忠對象同動機直至最後一輯小說先至被明朗咁揭露出嚟[21][22]。不過佢好多次暗示咗石內卜角色嘅重要性,仲建議啲人應該「密切關注住石內卜」[7][23]。1999年,羅琳喺答有關石內卜嘅愛情生活同對佢角色嘅救贖模式嘅問題,羅琳對呢一個遠見表示驚訝[24]。羅琳仲透露,喺《阿茲卡班的逃犯》出版之後,有一個女粉絲估到石內卜所愛嘅就係莉莉·波特,呢個令羅琳好想知道佢係點樣暴露咗自己嘅諗法[25]

當果個系列小說全部出版晒之後,羅琳開始多次公開講石內卜呢個角色,傾到果個角色發展同阿不思·鄧不利多之間嘅對比[26][27]。羅琳話「呢個系列係圍繞『鄧不利多同石內卜嘅故事情節』嚟構建嘅」,仲企硬話佢一直都知道石內卜最後會變成點樣,佢仲喺成個系列入面精心策劃咗佢嘅故事情節,「我無得唔沿路擺低線索,因為正如你喺第七輯小說入面所知道嘅,當你睇到一切都喺度變化嘅啟示場景果陣,你會意識到...石內卜嘅動機係咩。我一定要透過小說嚟策劃,因為喺你睇到真正發生事情嘅果一刻,呢個絕對係對讀者嘅欺騙,只係為咗展示一堆你以前從未睇過嘅嘢[25]。」羅琳喺一次採訪入面進一步表示,佢希望石內卜能夠得到救贖同寬恕:「石內卜係個複雜嘅人...佢就好似我哋所有人咁係個有缺陷嘅人。哈利原諒咗佢...哈利最終真係睇到石內卜嘅優點...我希望果度係一個救贖[28]。」佢喺結局補述提到:哈利唔單止向公眾講出真相嚟澄清佢嘅名譽,同時都就著佢死之前逃離霍格華茲嘅行為而被學校根據傳統判定佢係「中途放棄職位」而唔獲授予校長畫像資格(即校長室唔會出現佢嘅畫像),所以哈利向校方申請將佢嘅畫像排入去校長室嘅歷代校長之列。講係咁講,佢都極力說明喺佢嘅觀念入面,石內卜並唔能夠直接判定係單純嘅好人定壞人,而係黑白之間嘅「灰色地帶」。不過喺烈卡文嘅演繹之下,呢個角色成為咗果個系列入面嘅知名角色,觀眾甚至歸納出演員同角色嘅貼合度(好似露娜·羅古德),指烈卡文絕對係精確咁還原咗角色。喺2017年「霍格華茲大戰紀念日」嘅時候,羅琳喺佢個人Twitter度為「賜死」石內卜而道歉,引發唔少書迷對果個角色嘅討論[29][30][31][32]

人物性格同特徵 編輯

雖然石內卜喺《混血王子的背叛》以前都係擔任住魔藥學中文哈利波特中的魔法符咒#魔藥學教授,不過佢最大興趣係黑魔法防禦術中文哈利波特中的魔法符咒#黑魔法防禦術,仲曾經幾次想轉任但係唔成功。

雖然佢作為史萊哲林學院嘅學院負責人,但佢又同其他教授中文霍格華茲教職員一樣對桃樂絲·恩不里居嘅所作所為睇唔過眼。石內卜喺史拉轟教授中文霍格華茲教職員#赫瑞司·史拉轟(魔藥學)回歸做魔藥學教授之後先至正式轉任黑魔法防禦術教授,直至第七集做咗校長之後就唔再教書。

外觀上 編輯

石內卜被形容係一個皮膚又黃又瘦嘅男人,有一個好似鷹鉤咁嘅鼻子,牙齒又黃又參差唔齊。佢有一頭齊肩咁長同勾勒到佢面形嘅油膩黑髮,同埋一對凍冰冰嘅黑色眼睛。佢著住黑色飄逸嘅長袍,令佢睇起嚟就好似「一隻生得大過頭嘅蝙蝠」[33]。年輕嘅石內卜有著「精瘦同蒼白嘅」外表,「圓肩而棱角分明」嘅身體,佢行路果陣「焦慮不安嘅步姿」同「長長油膩嘅黑髮喺佢塊面上跳吓跳吓」令人諗起蜘蛛[34]

美國版本嘅《阿茲卡班的逃犯》、《鳳凰會的密令》同《混血王子的背叛》裡面,由瑪莉·格蘭普雷英文Mary GrandPré繪畫嘅章節插圖入面,石內卜被形容成有住長長黑髮而髮際線向後褪嘅人,並留住小鬍鬚同羊咩鬚

性格上 編輯

石內卜通常被形容做冷酷、精於計算、精確、諷刺同埋苦澀嘅人。佢好唔鍾意哈利,仲成日透過侮辱佢老豆詹姆·波特嚟侮辱佢。隨著果個系列嘅進展,據透露佢對哈利嘅待遇源於佢同詹姆讀書果陣嘅激烈競爭,特別係詹姆同天狼星·布萊克對他嘅欺負行為。根據飾演果個角色嘅演員阿倫·烈卡文嘅講法,呢個導致本來已經孤獨嘅男仔進一步「將自己困住」[35]。羅琳進一步形容石內卜後生果陣缺乏安全感同脆弱:「如果可以從頭嚟過,(石內卜)唔會做食死人,但好似好多無安全感同脆弱嘅人一樣,他渴望成為強大而令人印象深刻嘅學院成員。佢被自己對黑暗面嘅吸引力而蒙蔽咗雙眼,如果佢成為一個真正食死人嘅話,佢認為(莉莉)會覺得佢令人印象深刻[6]。」

另一方面,長大咗嘅石內卜被形容成好有自信仲對自己嘅能力充滿信心,喺某種程度上,達到咗烈卡文所形容「充滿自我」嘅程度[36]。導演大衛·葉斯話石內卜係個有莊嚴、權威同力量嘅角色[37]。石內卜通常表現出好冷靜同鎮定嘅舉止,好少會講唔到嘢或者係手足無措。另外,佢喺其他方面冷漠同疏遠嘅態度似乎源於佢相信控制唔到自己情緒嘅人係軟弱嘅[38]。不過,佢嘅情緒有時喺哈利關心嘅地方變得暴躁起上嚟,當佢同舊時折磨自己嘅天狼星打交道,又或係當被指控蛇𠺌果陣,佢嘅情緒會積極咁爆發。

就好似其他史萊哲林學院嘅一啲傑出成員咁樣,石內卜表現做一個聰明而狡猾嘅巫師[39][40]。佢好聰明同有敏銳嘅分析頭腦。喺一次訪問入面,羅琳補充話石內卜無比勇敢[28],當被問到佢認為石內卜係咪一個英雄果陣,她答話:「係呀,我係咁認為;雖然佢係個好有缺陷嘅英雄—也或係個反英雄。佢喺好多方面都唔係一個特別令人鍾意嘅人。佢仍然相當殘忍,係個充滿苦澀同不安全感嘅惡霸—不過佢愛著仲表現出對果份愛嘅忠誠,並最終為咗咁獻出咗自己嘅生命。呢個真係太英勇喇[6]!」

家庭 編輯

石內卜嘅家庭背景大多出現喺果個系列最後三輯小說同電影嘅過程入面。石內卜嘅父母係麻瓜托比亞·石內卜同埋純血女巫愛琳·普林斯,令佢使他成為咗混血巫師(因為咁佢將自己化名做「混血王子」)。就好似上一輯小說所講,呢個對於食死人嚟講係罕見嘅,就算佛地魔本人都有一個麻瓜老豆。石內卜嘅童年同阿爸阿媽一齊住喺紡紗街中文哈利波特中的地點#紡紗街嘅一間屋仔度。石內卜嘅屋企好貧窮,他被形容著住唔啱身嘅衫,「看起上嚟係特發著得好唔啱身」。作為一個細路仔,由於石內卜嘅父母成日互相打交,令佢好明顯咁被疏忽咗,呢個令佢好渴望離開自己屋企去到霍格華茲[41]。喺最後一輯小說嘅結尾,哈利將佢嘅童年同石內卜仲有佛地魔嘅童年做咗對比[42]

魔法能力及技巧 編輯

成個系列嘅全部七輯小說入面都顯示石內卜係一個好強大嘅巫師,仲喺學生時代就已經好出色。佢擅長喺製作魔藥,對黑魔法有天賦同熱情。根據羅琳嘅講法,石內卜係唯一能夠產生完整護法咒中文哈利波特世界觀與設定#護法咒食死人,而佢嘅護法咒同莉莉嘅一樣,都係一隻雌鹿[6]

魔藥學 編輯

石內卜對於製作魔藥方面特別有天賦,當他仲係學生果陣就對佢嘅魔藥學教科書做咗重大嘅改進。

咒語 編輯

天狼星講過,作為霍格華茲一年級嘅學生,石內卜所知道嘅毒咒Hexes同埋詛咒Curses相比大部分嘅七年級學生所知道嘅仲要多[40]。同樣咁作為一個學生,石內卜仲展示咗一種發明新咒語嘅罕見天賦。路平喺《死神的聖物》入面將撕淌三步殺形容做石內卜嘅「專長」[43]

石內卜係一個天才嘅決鬥者,佢能夠獨自抵擋(短暫咁)三位霍格華茲教授(包括前決鬥社冠軍菲力·孚立維中文霍格華茲教職員#菲力·孚立維(符咒學))。麥教授後來暗示石內卜學識咗唔洗用飛天掃把中文哈利波特中的魔法物品#飛天掃帚都飛到嘅魔法,呢個以前淨係得佛地魔先至可以展示到嘅稀有技能[44]

通用反咒 編輯

石內卜嘅「通用反咒General Counter-Spell」可以停止大多數符咒帶嚟嘅效果,比如係軟腳咒同舞步咒,但對於複雜少少嘅氣象咒就無明顯嘅效果,需要用其他特定嘅咒語。通用反咒嘅兩種咒語之間嘅效果差異就不得而知。

石內卜喺1992年決鬥社嘅符咒練習過程入面用過呢個符咒嚟停止各種咒語擊中啲學生,令混亂控制得到。

撕淌三步殺 編輯

呢個魔咒由石內卜發明,可以用嚟殺人或切除人體器官,一般嘅醫療行為或者魔咒都醫唔好佢嘅傷害。就算「撕淌三步殺Sectumsempra」有攞人命嘅力量,不過石內卜都有能力醫返好由果個魔咒所造成嘅創傷[45],但解咒方法淨係得石內卜本人先至知道。石內卜喺少年果陣用過呢個咒語對抗哈利嘅老豆詹姆[34]。哈利曾喺第六輯小說同電影入面用佢嚟試圖對抗石內卜但最終失敗咗。

喺最後一輯小說同電影嘅空戰入面,石內卜實際上瞄準咗一個試圖用呢個咒語攻擊路平嘅食死人,但係唔小心擊中咗做哈利誘餌嘅喬治·衛斯理,搞到喬治隻右耳要永久咁切除。

黑魔法 編輯

石內卜對黑魔法有廣泛嘅了解,他亦擅長逆轉或遏制其他黑魔法詛咒所造成嘅潛在致命傷害,就好似他喺鄧不利多[41]凱蒂·貝爾中文鄧不利多的軍隊#已知成員名單被詛咒果陣所做嘅咁樣[46]

鎖心術 編輯

由於石內卜都精通破心術同鎖心術中文哈利波特中的魔法符咒#破心術與鎖心術,尤其係鎖心術Occlumency,令佢既可以入到人哋嘅思想,又可以保護到自己嘅思想—事實上,雖然石內卜本人並唔在意呢個詞語,但哈利喺在果個系列嘅早期對魔藥大師能夠「讀心」形成咗一種不舒服嘅印象。作為一個鎖心者,石內卜能夠喺被形容為史上「最偉大破心者」嘅佛地魔面前仲能夠保持住對佢背叛之心而唔俾佢發覺[47]。鄧不利多叫過石內卜教哈利鎖心術,但因為佢哋兩個關係不和,因此當時並無好大嘅幫助同效用。

忠誠度 編輯

直到最後一輯《死神的聖物》結束果陣,石內卜嘅忠誠是果個系列入面其中一個最重要嘅問題。就算頭五輯小說都將佢形容做對哈利同佢啲朋友有唔公平對待同報復,但當佢哋或佢哋嘅盟友處於危險之中入面果時,石內卜總係一貫咁最終保護或係用其他方式幫佢哋。故事入面嘅幾個角色對佢嘅忠誠度都表示有啲懷疑,不過鄧不利多對佢嘅信任通常被認為係最終決定。但喺第六輯小說《混血王子的背叛》背離咗呢種模式,石內卜喺第二章入面聲稱自從佛地魔返嚟之後就一直在幫佢做嘢,仲一直扮喺度幫鄧不利多[47]。石內卜透過喺果本小說嘅結尾殺死鄧不利多,佢似乎好堅定咁將自己擺喺佛地魔陣營裡面[48]

羅琳喺第七部小說嘅前幾章入面一直保持住呢種印象。不過喺小說就嚟高潮果部分,石內卜將佢臨死嘅思緒留俾哈利(俾佢帶去儲思盆中文哈利波特中的魔法物品#儲思盆去睇),仲最終同哈利透露,佢喺成個系列裡面一直效忠鄧不利多[41]。石內卜對佢細個果陣嘅好朋友莉莉(哈利阿媽)嘅果種愛同強烈嘅奉獻精神係呢種忠誠嘅基礎[41]

喺《混血王子的背叛》之後,石內卜嘅忠誠成為咗啲粉絲激烈爭拗嘅話題。呢個問題喺代表最後一部小說《死神的聖物》嘅營銷活動入面得到咗特別嘅關注。「石內卜係忠定係壞嘅?」係學樂出版社為果本小說營銷活動嘅一部分,作為嘅七個問題系列之一[49]。而果本小說隨書附送咗兩張免費貼紙,一張寫住「相信石內卜」,而另一張就寫住「石內卜是個好衰嘅人」,作為Waldenbooks英文Waldenbooks營銷活動嘅一部分。博德斯集團中文博德斯集團出版咗一本關於果個主題嘅獨立書《石內卜的大討論[50]》,當中包含咗辯論雙方嘅論文同論點[51][52]

對於佛地魔嚟講,佢立過兩個大功勞:第一次魔法世界大戰果陣成功咁竊聽到預言,同埋喺第二次魔法世界大戰果陣殺死咗阿不思·鄧不利多。不過由於佢長期好安樂咁潛伏喺霍格華茲,所以無廣泛咁得到其他食死人嘅好感。根據鄧不利多嘅暗示同揶揄,佛地魔會願意為石內卜而放過莉莉·伊凡;後來石內卜甩底咗佛地魔啱啱重生果陣嘅召集令,甚至因為奉鄧不利多之命去阻止奎若教授中文霍格華茲教職員列表#奎里納斯·奎若去偷魔法石,但係都得到佛地魔嘅諒解。喺第6輯小說同電影,水仙·馬份親口講出賽佛勒斯係黑魔王最寵信嘅顧問,搞到貝拉·雷斯壯就算妒忌恨都無得反駁;佢喺第7輯參與「馬份莊園」嘅會議果時得到佛地魔安排佢坐喺右邊嘅首位。

喺鄧不利多死咗之後,石內卜喺霍格華茲淪陷果陣被任命做校長;石內卜嘅前同事米奈娃·麥喺接手之後推測到佛地魔可能親自傳授佢嘅飛行術......種種間接線索顯示,石內卜好知佛地魔嘅心意,佢哋兩個嘅出身同成長亦有幾個共通點,唯一令佢哋揀去行走唔同嘅路,就係佢哋對「愛」有截然不同嘅態度——前者偏執、後者輕蔑。

相關情節 編輯

神秘的魔法石 編輯

內文:哈利波特:神秘的魔法石哈利波特:神秘的魔法石 (電影)

哈利·波特去到霍格華茲之後無幾耐,石內卜就出現嘅學校嘅開學宴上面。石內卜成日被形容做佢唔鍾意嘅人物:高瘦、尖鼻、油膩嘅頭髮,著住由頭長落腳趾嘅黑色長袍,就好似一隻大蝙蝠咁。就算佢係霍格華茲嘅魔藥大師,但有廣泛傳言話佢睺住黑魔法防禦術教授嘅職位[53],石內卜本人後來喺《哈利波特:鳳凰會的密令》入面證實咗果個傳言[54]。作為一個陰險而惡毒嘅教授,佢成日蔑視哈利,仲以哈利作為代價嚟發表諷刺同貶低佢嘅言論,佢哋兩個之間嘅仇怨由呢度開始。喺哈利入學第一個學年,石內卜好快就成為咗小說同電影入面嘅主要反派,雖然哈利都知石內卜教授係魔法石中文哈利波特中的魔法物品#魔法石嘅守護者之一,但係佢根據石內卜嘅態度推測佢密謀去偷魔法石仲企圖殺佢。不過小說同電影嘅高潮部分先至表明真正同佛地魔結盟嘅人係奎若教授中文霍格華茲教職員#奎里納斯·奎若。一路懷疑住奎若嘅石內卜喺成輯小說入面都喺度搵哈利。喺最後一章裡面,鄧不利多暗示石內卜因為沉迷黑魔法,引起哈利阿爸詹姆果邊嘅反感,而詹姆喺佢哋兩個仲係學生果陣救咗石內卜條命,就算佢哋之間嘅恩怨而互相憎恨,但石內卜都係認為要對哈利負責嚟做回報[55]。正如最後果輯小說所揭示咁樣,呢個並唔係故事嘅全部。無論係點,就算奎若嘅真實角色揭露咗後,哈利仍然對石內卜抱住猜疑同怨恨的嘅覺,佢哋嘅關係依然緊張。石內卜對哈利嘅行為同態度都無改變。

消失的密室 編輯

內文:哈利波特:消失的密室哈利波特:消失的密室 (電影)

石內卜喺故事裡面扮演住一個無咁重要嘅角色,佢短暫咁幫吉德羅·洛哈中文霍格華茲教職員#吉德羅·洛哈監督住霍格華茲嘅決鬥社[56],但佢同主要情節幾乎係無互動。正喺參與決鬥社果陣,哈利透過睇到石內卜用「去去武器走Expelliarmus」嘅咒語而學到呢樣嘢,而果個咒語喺小說嘅後來中發揮住重要嘅作用。

阿茲卡班的逃犯 編輯

內文:哈利波特:阿茲卡班的逃犯哈利波特:阿茲卡班的逃犯 (電影)

喺果本小說同電影入面,石內卜透過幫新任黑魔法防禦術教授雷木思·路平釀製複雜嘅縛狼汁Wolfsbane potion[57],佢喺度懷疑緊路平可能幫哈利嘅契爺—天狼星·布萊克潛入霍格華茲城堡;天狼星因為謀殺咗彼得·佩迪魯同無辜嘅旁觀者(麻瓜),仲有將波特一家嘅藏身地點出賣俾佛地魔(後來揭露咗係錯嘅)而被判終身監禁。呢種懷疑係源於路平同天狼星同哈利阿爸詹姆嘅友誼,當時佢哋三個都係霍格華茲嘅學生[34]。喺果本小說同電影嘅高潮部分入面,石內卜試過拉天狼星,但天狼星喺哈利嘅協助下走甩咗。石內卜將呢件事講俾鄧不利多知,不過當哈利同路平無受到懲罰果陣,石內卜透過向成間學校透露路平係狼人中文狼人 (哈利波特)嘅事實嚟迫路平辭職[58]

《阿茲卡班的逃犯》透露咗更多關於石內卜同詹姆之間嘅細節。當佢哋一齊讀書果陣,天狼星曾經呃石內卜,等佢差啲入咗去尖叫屋中文哈利波特中的地點#尖叫屋,而路平喺果度變身做狼人。詹姆意識到果種危險仲阻止咗石內卜,咁就救咗佢條命;呢個就係鄧不利多喺第一輯小說結尾提到嘅事件。不過,石內卜就認為詹姆嘅行為只係自私自利咁嚟免得被趕出校[59]

火盃的考驗 編輯

內文:哈利波特:火盃的考驗哈利波特:火盃的考驗 (電影)

石內卜喺第四輯小說同電影入面嘅角色跟頭三輯喺本質上無分別。當哈利出乎意料咁入到去三巫鬥法大賽果陣時,佢嬲到震。後來哈利唔小心跌落去鄧不利多嘅儲思盆中文哈利波特中的魔法物品#儲思盆裡面,仲摷返去睇好多年之前幾次審判幾個食死人嘅記憶。喺某一點上,石內卜俾伊果·卡卡夫中文哈利波特角色列表#K叫佢做食死人,不過鄧不利多幫佢辯護,話就算石內卜確實係食死人,但佢喺佛地魔倒台之前改變咗立場,仲成為咗對付佢嘅間諜。後來,鄧不利多向哈利保證石內卜嘅改革係真實嘅,就算佢拒絕話俾哈利知佢點解會知,話呢啲事係「石內卜教授同我之間嘅事」[60]

在小說及電影嘅結尾,鄧不利多指出佛地魔返生,仲試吓說服啲人唔好信魔法部康尼留斯·夫子中文魔法部#康尼留斯·夫子。作為證據,石內卜心甘情願咁向夫子展示咗佢手臂上恢復咗嘅黑魔標記中文哈利波特中的魔法符咒#黑魔標記。他跟住俾鄧不利多派去執行一個秘密任務。果個任務就正如喺《鳳凰會的密令》同《混血王子的背叛》入面所揭示嘅咁樣,他嘅呢項任務就係重新加入食死人嘅行列仲利用雙重間諜中文雙重間諜嘅身分,同時亦代表住佛地魔監視鄧不利多(其實掉返轉頭)。

鳳凰會的密令 編輯

內文:哈利波特:鳳凰會的密令哈利波特:鳳凰會的密令 (電影)

石內卜喺第五輯小說同電影入面返番去到一個更重要嘅角色。隨住佛地魔恢復到完全嘅肉身,石內卜繼續做鄧不利多嘅雙重間諜[61]。佢喺果年嘅開學之前去到古里某街12號中文哈利波特中的地點#古里某街12號鳳凰會報告[62]。佢同擁有古里某街12號兼一定要匿喺果度嘅天狼星·布萊克嘅關係好緊張,佢哋兩個頻頻咁冷嘲熱諷,有一次仲差啲展開決鬥。石內卜對天狼星嘅嘲弄係因為天狼星逃犯嘅身份搞到佢無得喺鳳凰會嘅任務入面發揮到積極嘅作用,而哈利後尾認為呢種嘲諷令天狼星願意去承擔唔安全嘅風險[38]。返到學校之後,石內卜對鳳凰會嘅忠誠並無影響他對哈利嘅厭惡。

喺小說的後來,由於石內卜係極端熟練嘅鎖心者(甚至抵擋到佛地魔),呢個無容置疑咁對佢暗中進行扮食死人嘅間諜工作有幫助,鄧不利多因為咁就叫佢教哈利鎖心術中文哈利波特中的魔法符咒#破心術與鎖心術,呢種魔法可以保護自己嘅心靈唔洗免到外來力量嘅入侵或影響[38]。課堂因為佢哋兩個互相嘅敵意而變得困難重重。不過當哈利喺未經石內卜俾佢嘅情況下用鄧不利多嘅儲思盆嚟睇石內卜其中一樣最不堪嘅童年記憶果陣(喺教哈利果陣防止佢偷睇自己嘅記憶),果堂就提前完咗。哈利喺儲思盆入面見到石內卜俾詹姆同天狼星蝦,同埋佢叫哈利阿媽莉莉做麻種(一種非常冒犯嘅稱呼)嘅記憶[34],呢件事令哈利好震驚,他睇見老豆同天狼星竟然好似跩哥·馬份達力·德思禮咁做出傲慢惡霸咁嘅行為,佢哋迫害石內卜就好似後者兩個當初迫害自己咁,自此佢心裡面對阿爸完美嘅形象就係因為咁而破滅,佢對於佢老豆嘅憧憬同維護開始產生咗唔同嘅觀感。截至最後果輯小說入面先至透露,石內卜同莉莉喺果次對立之前一直係親密嘅好友。

在小說及電影就嚟完果陣,霍格華茲政治任命嘅校長—桃樂絲·恩不里居捉住哈利仲審問佢有關鄧不利多嘅下落。佢派人去搵石內卜,要求他提供吐真劑Veritaserum嚟迫使哈利透露佢可能隱藏嘅任何信息。石內卜聲稱喺恩不里居之前試吓喺哈利身上用呢種藥劑前,佢嘅存量已經用晒。後嚟發現,石內卜實際上喺之前嘅嘗試入面向恩不里居提供咗假嘅吐真劑。石內卜後來帶住哈利嘅神秘警告傳達俾其他鳳凰會成員,等佢哋能夠喺神秘部門之戰入面進行救援[63]。由於哈利相信石內卜嘅挑釁而促使咗天狼星加入戰鬥,因為咁佢仍然認為石內卜應該對天狼星嘅犧牲負部分責任。

混血王子的背叛 編輯

內文:哈利波特:混血王子的背叛哈利波特:混血王子的背叛 (電影)

喺小說嘅第二章裡,由於佛地魔將一項艱鉅嘅任務交俾跩哥完成,因為咁跩哥阿媽—水仙·馬份貝拉·雷斯壯一齊去拜訪石內卜喺紡紗街中文哈利波特中的地點#紡紗街嘅屋企。水仙要石內卜去發不破誓中文哈利波特中的魔法符咒#不破誓,話佢嚟緊保護跩哥仲幫佢完成佛地魔嘅任務,同埋如果跩哥衰咗果陣由他頂上。當貝拉對佢嘅忠誠度有疑問果陣,石內卜話自己喺佛地魔捲土重來之後就一直為佢做嘢,仲喺之前嘅小說入面解釋咗佢喺果種情況下嘅行為。佢話自己得到鄧不利多嘅信任同保護俾佢遠離咗阿茲卡班中文哈利波特中的地點#阿兹卡班監獄,仲可以自由咁代表佛地魔做嘢[47]

喺果年嘅霍格華茲開學宴上,鄧不利多宣布石內卜做新任嘅黑魔法防禦術中文哈利波特中的魔法符咒#黑魔法防禦術教授,而一個曾喺霍格華茲親自教過石內卜嘅前任教授—赫瑞司·史拉轟中文霍格華茲教職員#赫瑞司·史拉轟,佢喺退休之後返嚟取代石內卜做魔藥大師。由於石內卜唔再教魔藥學,哈利於是報讀咗史拉轟嘅堂,仲喺史拉轟果度借到一本舊嘅魔藥學教科書,直到佢有新嘅教科書為止。哈利發現喺於教科書入面嘅空白邊位中文邊界 (排版)搵到包括各種睇起嚟好似由唔知名學生發明嘅毒咒同惡咒,仲對教科書嘅標準藥水製作嘅說明做咗實質性改進,而果啲文字寫住「混血王子嘅資產」。透過果本魔藥學教科書,哈利知道果本教科書嘅物主(後來知道係石內卜)喺發明魔咒同調製魔藥方面好有才華,遠比哈利、榮恩同妙麗佢哋所認為嘅聰明。呢啲筆記極大咁提高咗哈利喺魔藥學入面嘅的表現,令到佢俾史拉轟教授留低咗深刻嘅印象。石內卜對哈利成功新發現嘅魔藥抱住懷疑嘅態度,佢堅持認為自己從來無教波特任何嘢[64]

後來,哈利喺同跩哥嘅決鬥入面施展咗一個喺教科書上面標註做「俾敵人」嘅咒語,仲對佢俾跩哥塊面同心口所造成嘅毀滅性傷口而嚇親。知道哈利施展佢嘅其咒語嘅石內卜趕去現場仲醫返好跩哥,然後為咗咒語對哈利進行審問,佢利用破心術中文哈利波特中的魔法符咒#破心術與鎖心術喺哈利嘅腦海入面提取咗哈利嘅知識來源(魔藥學課本)。當石內卜堅持要哈利俾佢睇佢本教科書果陣,哈利將自己嘅教科書收埋,交咗榮恩嘅課本俾佢,作為對果次襲擊嘅懲罰。石內卜知道咗哈利喺教科書度講大話,佢喺果年嘅最後一場魁地奇中文魁地奇比賽度將哈利扣留住[45]

哈利離開霍格華茲陪鄧不利多去搵其餘嘅分靈體—佛地魔嘅部分靈魂,哈利喺西碧·崔老妮中文霍格華茲教職員#西碧·崔老妮果度發現,當年石內卜無意中喺豬頭酒吧中文哈利波特中的地點#豬頭酒吧果度聽到果個預言仲將佢講俾佛地魔知,搞到佛地魔追捕哈利同佢父母。就算係咁,哈利好嬲咁問,鄧不利多都係企硬對石內卜嘅信任。哈利同鄧不利多喺攞返佛地魔嘅分靈體之後返到霍格華茲,佢哋喺學校嘅天文塔頂上面降落。飲咗分靈體嘅保護魔藥嚴重削弱咗鄧不利多咗能力,鄧不利多叫哈利一定要去搵石內卜。但就喺哈利走果陣之前,跩哥突然出現仲諗住執行佛地魔刺殺鄧不利多嘅命令,而石內卜同其他食死人(佛地魔嘅追隨者)都緊隨其後。石內卜打斷咗計劃入面嘅的謀殺,並由佢殺死咗校長本人[48]。喺隱形斗篷中文哈利波特中的魔法物品#隱形斗篷下面嘅哈利俾鄧不利多因為要保護佢而施展咗全身束縛咒,哈利目擊咗呢場殺戮,並喺鄧不利多死咗之後先釋放到。好嬲嘅佢追趕住正喺度走出霍格華茲城堡嘅石內卜、跩哥同其他食死人。石內卜輕易咁就擋到哈利嘅咒語,仲串串哄咁指出哈利嘅錯誤,但從來唔反擊。在果次對抗入面,石內卜暴露咗自己就係「混血王子」,呢個係源於麻瓜老豆生咗混血嘅仔,仲有佢用純血阿媽嘅姓氏普林斯Prince,亦都可以睇成係王子。石內卜穿過咗學校大門,喺小說嘅結尾同跩哥一齊用消影術中文哈利波特中的魔法符咒#現影術與消影術走咗[65]

鄧不利多同石內卜之間嘅完整關係,仲有石內卜行動嘅原因直到最後一輯小說仍然未知。羅琳喺一次訪問入面提到喺果個系列嘅呢一點上,哈利同石內卜嘅關係已經變得「私人嘅,甚至比哈利同佛地魔仲要多」[66]

喺第六輯小說入面形容到嘅正係石內卜話俾佛地魔知關於西碧·崔老妮嘅預言,但佢淨係聽到內容嘅一半就俾老闆阿波佛中文阿波佛·鄧不利多發現仲俾佢趕咗出去。跟住因為石內卜急住返去同佛地魔通風報信,而佛地魔認定果個預言所指嘅人係哈利,最後決定喺1981年10月31日夜晚去高錐客洞中文哈利波特中的地點#高錐客洞殺死哈利同佢父母,但就喺殺死哈利果陣就因為哈利阿媽嘅犧牲而施展咗一種好古老嘅保護魔咒——愛——呢樣嘢導致索命咒反彈返去施咒嘅人身上。

死神的聖物 編輯

內文:哈利波特:死神的聖物哈利波特:死神的聖物1哈利波特:死神的聖物2

喺最後一集裡面,佛地魔同佢嘅食死人加強咗對魔法世界嘅控制。石內卜被任命做霍格華茲校長,而食死人卡羅兄妹就被任命做霍格華茲嘅教職員。呢輯小說主要集中喺哈利同佢啲朋友身上,仲有學校出面嘅事;而石內卜喺開章果陣作用有限。喺小說嘅過程入面,哈利同佢班朋友發現有幾個學生試吓將葛萊芬多寶劍中文哈利波特中的魔法物品#葛來分多劍偷咗,而石內卜跟住將佢擺喺古靈閣銀行中文哈利波特中的地點#古靈閣巫師世界銀行,不過果把劍只係個複製品。後嚟,哈利同榮恩由一個用雌鹿形式嘅護法中文哈利波特世界觀與設定#護法咒帶領之下搵到真正嘅葛萊芬多寶劍[67]。(喺小說尾聲,哈利先至知果個係石內卜嘅護法,同哈利阿媽莉莉嘅護法有住相同嘅形狀,呢個係佢視哈利阿媽做終生摯愛嘅一個明顯嘅跡象,而鄧不利多曾要求石內卜確保哈利能夠得到呢把劍[41];小說入面仲揭示咗石內卜暗中利用佢作為校長嘅職位嚟保護學生,仲遏制住卡羅兄妹[41]。)

在果個學年就嚟完果時,麥教授孚立維教授中文霍格華茲教職員#菲力·孚立維芽菜教授中文霍格華茲教職員#帕莫娜·芽菜強迫石內卜逃離學校[44]。佛地魔把將石內卜召喚去到尖叫屋中文哈利波特中的地點#尖叫屋,由於佛地魔為咗得到接骨木魔杖中文哈利波特中的魔法物品#接骨木魔杖嘅使用權,他錯誤咁認定咗石內卜就係接骨木魔杖嘅擁有者,只有石內卜死咗先至實現俾佢成為咗接骨木魔杖嘅新任擁有人,於是叫娜吉妮中文哈利波特中的生物#娜吉妮咬佢條頸嚟殺咗石內卜[39]。垂死嘅石內卜抽出佢嘅一團記憶仲想望住哈利對眼,話佢對眼睛跟佢阿媽好似,仲同哈利講希望佢將佢哋(佢記憶)拎走,仲喺一個隱蔽嘅地方睇成個場景。

哈利喺石內卜嘅記憶入面看到石內卜嘅童年,並了解到佢真心同真正嘅忠誠。喺呢個視角入面,哈利知道細個果陣嘅石內卜同莉莉由於大家住喺附近,令佢哋兩個成為咗朋友。喺讀咗霍格華茲後,石內卜同莉莉分別被派到史萊哲林葛萊分多學院。在跟住落嚟嘅幾年入面,佢哋一直都係朋友,直至佢哋因為石內卜對黑魔法嘅興趣而分道揚鑣;哈利曾經喺第五輯小說入面短暫咁睇,石內卜喺入面叫莉莉做「麻種中文哈利波特世界觀與設定#麻瓜出身」嘅欺凌事件之後,佢哋嘅友誼就完咗。就算係呢種分離,仲有石內卜對莉莉最終成為老公嘅詹姆·波特有持久嘅敵意,石內卜喺佢嘅餘生入面一直都繼續愛莉莉。

呢段記憶仲顯示,作為食死人嘅石內卜同佛地魔透露咗西碧·崔老妮嘅一個預言,搞到佛地魔透過殺咗哈利同佢父母嚟阻止果個預言嘅發生。佛地魔將果個預言解釋為所指嘅係莉莉同佢家人(其實呢個亦可以指愛麗絲同法蘭克·隆巴頓中文鳳凰會#成員仲有佢哋個仔奈威·隆巴頓),可惜石內卜意識到呢件此事已經太遲,佢求佛地魔放過莉莉。仍然對莉莉燼嘅性命覺得恐懼嘅石內卜,他仲接觸鄧不利多同承認自己嘅行為,仲求佢保護波特一家。鄧不利多鬧佢淨係諗到自己而唔係莉莉嘅老公同個仔,但同意仲確保佢哋落咗赤膽忠心咒Fidelius Charm之下受到保護。作為回報,石內卜秘密咁同鄧不利多仲有鳳凰會結盟,作為對抗佛地魔嘅雙重間諜,仲利用佢鎖心術嘅能力向佛地魔隱瞞佢嘅背叛。不過,石內卜要求鄧不利多保密佢對莉莉嘅愛(佢轉呔嘅原因),尤其係面對哈利,果種既痛恨又保護嘅心態係源於佢對哈利嘅複雜而矛盾嘅情感(呢個令佢諗起自己對莉莉嘅愛同埋佢嘅死,以及對詹姆後生果時敵意嘅恨)。就算質疑著石內卜「永遠唔好透露最好嘅你」嘅要求,鄧不利多亦同意仲成世保守住呢個秘密。就算努力咁保護住佢,石內卜仍然對莉莉死喺佛地魔手負上責任。

石內卜嘅記憶跟住顯示,鄧不利多曾衝動咁試吓戴上岡特嘅指環中文分靈體#魔佛羅的戒指,果隻指環曾俾佛地魔施加咗強大嘅詛咒。石內卜對黑魔法嘅了解令佢能夠減慢鄧不利多所中嘅詛咒喺佢身體上嘅擴散,不過阻止唔到佢喺一年之內死。鄧不利多知道佛地魔下令跩哥·馬份殺佢,佢為咗拯救呢個男仔嘅靈魂而要求石內卜殺自己,咁用嚟防止佢自己緩慢而痛苦咁死。就算石內卜好唔情願,甚至問咁樣嘅行為對佢自己靈魂嘅影響,但鄧不利多暗示呢種致命一擊唔會好似謀殺咁傷害人類嘅靈魂[41]。石內卜最終同意按照校長嘅要求進行。石內卜嘅記憶仲以佢同鄧不利多對話嘅形式向哈利提供咗確保佛地魔最終失敗嘅所需信息[41]

羅琳喺一次訪問入面指出,因為石內卜喺佢死或正式退休之前放棄咗佢嘅職位,佢嘅肖像因為咁並無喺佢過身之後即刻出現喺校長辦公室。不過佢補充話,佢希望哈利俾石內卜嘅真正忠誠同英雄主義喺巫師世界裡面廣為人知,佢仲遊說校方嚟確保佢嘅肖像可以掛喺校長辦公室[68]。喺另一次訪問入面,羅琳討論咗石內卜嘅背景故事,指她喺寫第一輯小說開始就計劃好,由於成個系列都係圍繞住呢樣嘢嚟構建,因為咁佢認為石內卜係第七輯小說入面最重要嘅人物之一[25]

後續 編輯

喺《死神的聖物》嘅尾聲,哈利喺知道所有嘢之後就無辦法痛恨或厭惡呢位教授,並喺擊敗佛地魔19年之後,哈利以鄧不利多同石內卜嘅名嚟為自己個細仔改名——阿不思·賽佛勒斯·波特中文哈利波特角色列表#十九年後的孩子,用嚟紀念同表揚呢兩位恩師。當阿不思即將入去霍格華茲讀一年級果陣,佢擔心自己會被派去史萊哲林學院,哈利就同佢個仔講:「你個名字以霍格華茲嘅兩位前校長嚟命名,其中一位(石內卜)就係嚟自史萊哲林學院,佢可能係我所認識過最勇敢嘅人[69]。」

喺舞台劇《哈利波特:被詛咒的孩子》裡面,阿不思·賽佛勒斯·波特同天蠍·馬份(跩哥·馬份個仔)喺另一個俾佛地魔統治而石內卜仲在生嘅世界入面,天蠍話俾石內卜知道哈利用咗石內卜嘅名嚟幫佢自己個仔改名令到石內卜深受感動,跟住佢幫天蠍用時光器中文哈利波特中的魔法物品#時光器嚟將世界恢復原狀。

角色立場 編輯

保護哈利/他人 編輯

  • 第一集:喺魁地奇中文魁地奇比賽入面,奎若教授中文霍格華兹教職員#奎里納斯·奎若用雙眼睥住嚟對哈利支掃把落咒,石內卜努力咁唸解除咒;佢仲喺第二場比賽做裁判,幾次阻撓心懷不軌嘅奎若。
  • 第二集:喺決鬥社上面,馬份用咒語變出毒蛇嚟攻擊哈利,石內卜話要救哈利,俾搏表現嘅洛哈中文吉德羅·洛哈阻止,但最後都係由石內卜整走條毒蛇。
  • 第三集:幫路平教授整縛狼汁;試吓捉當時俾人認為背叛咗哈利父母嘅天狼星;喺電影入面,當路平變咗狼人果陣,石內卜嘅第一個反應就係張開雙手將哈利、榮恩同妙麗保護喺身後面。
  • 第四集:攞吐真劑嚟審問小柯羅奇,石內卜透過佢手臂上變深嘅黑魔標記,仲有卡卡夫決定逃亡嘅動向,先後向鄧不利多同魔法部部長夫子警告。佢無喺佛地魔召喚食死人嘅第一時間出現,之後冒住極大嘅風險返番去佛地魔陣營做臥底。
  • 第五集:教哈利用鎖心術;將假嘅吐真劑俾恩不里居,後來喺恩不里居第二次問佢要果陣就話吐真劑用晒;指示要克拉鬆開對奈威嘅束縛;試吓去搵入咗去禁忌森林嘅哈利幾個,估哈利佢哋可能去咗神秘部門而及時通知鳳凰會去救佢哋。
  • 第六集:喺鄧不利多同凱蒂·貝爾俾詛咒傷到果陣幫佢哋。依照鄧不利多嘅指示代替馬份執行刺殺鄧不利多嘅任務,仲順勢用呢樣嘢嚟同水仙立不破誓嚟攞到貝拉嘅信任;喺混戰入面阻止食死人殺哈利。
  • 第七集:喺哈利離開德思禮家果陣嘅決戰入面向企圖對路平發動攻擊嘅食死人落咒,但因為失準而誤中喬治;擔任霍格華茲校長之後,佢繼續同鄧不利多嘅畫像討論對策同接收指示,仲遵從鄧不利多嘅遺命盡力保護學生;將想偷葛來分多寶劍(複製品)嘅金妮露娜奈威轉送去海格嘅屋仔度做勞動服務;透過非尼呀·耐吉嘅畫像知道哈利三個人嘅所在地;將真正嘅葛來分多寶劍丟落冰湖裡面,再用雌鹿狀態嘅護法指引哈利搵到;死之前將自己嘅記憶交俾哈利;轉達第七個分靈體嘅真相。

阿不思·鄧不利多嘅睇法 編輯

就算石內卜嘅行為往往同哈利對立,鄧不利多校長都一而再,再而三咁要求哈利,甚至係鳳凰會全體成員都要絕對信任石內卜(因為當初係石內卜要求保密,鄧不利多從來無同人講過佢點解信石內卜)。直到第六集《混血王子的背叛》嘅前半部,身為鳳凰會成員嘅石內卜奮力同佛地魔戰鬥。不過喺《混血王子的背叛》尾段入面,石內卜用咗不赦咒中文哈利波特中的魔咒#不赦咒之一嘅索命咒中文哈利波特中的魔咒#索命咒嚟殺鄧不利多。呢件事也令鳳凰會認定鄧不利多講到尾都係老懵懂「走漏眼」,認定石內卜通敵背叛咗鳳凰會,甚至錯誤咁認定佢做校長之後肯定夾埋食死人嚟對學校高壓統治嚟凌虐學生。最後經過《哈利波特:死神的聖物》解密呢個係鄧不利多嘅命令,為嘅就係俾佢攞到佛地魔嘅信任;鄧不利多要大家信石內卜,就係相信「愛」嘅力量:石內卜對莉莉嘅愛,而「愛」亦係佛地魔最理解唔到嘅嘢,佢殺死親人,又無朋友,淨係識驚鄧不利多,有啲同佛地魔一樣咁癲嘅僕人支持佢係唔足以抵擋「愛嘅力量」;佛地魔認為其中一個最忠心嘅僕人——石內卜,佢反而係一個間諜。

迴響與評價 編輯

石內卜隱秘嘅態度同埋逐漸展現嘅性格好多人都讚,英國有聲讀物嘅解說員史提芬·弗萊中文史蒂芬·弗莱喺2003年話:「大多數好似石內卜咁嘅角色都好難去愛,但係有一種模棱兩可嘅感覺—你無辦法完全決定—有啲關於佢嘅悲傷—孤獨,當你認為佢就嚟做邪惡嘅人果陣,呢個好迷人...然後慢慢你就會明白佢話曬都唔係咁衰[70]。」執導果個系列嘅最後四輯電影嘅大衛·葉斯都表達咗佢對呢個角色嘅睇法,佢話:「好似石內卜咁嘅角色,喺你唔確定佢係好人定係壞人嘅情況下,呢個會俾你一種潛在嘅緊張感...我認為你可以對觀眾做嘅最酷嘅嘢就係拒絕向佢哋提供一啲信息[37]。」就算唔係咁善良,但呢個角色好快喺粉絲圈裡面嘅人氣達到咗俾羅琳本人覺得驚訝嘅程度[20]祖絲·米爾曼Joyce Millman喺《繪製哈利波特的世界地圖Mapping the World of Harry Potter》一書裡面嘅文章《以愛致先生To Sir with Love》裡面話,石內卜源自於拜倫式英雄中文拜倫式英雄嘅傳統,好似《咆哮山莊》嘅希斯克利夫中文希斯克利夫[71]。《基督科學箴言報中文基督科学箴言报》嘅珍妮·索耶Jenny Sawyer評論咗果個系列入面角色嘅發展[72],佢話石內卜係唯一真正可以做選擇仲努力做啱嘅嘢嘅主角,因此佢係唯一一個面臨「令人信服嘅內心危機」嘅人。她相信呢個角色受歡迎嘅原因係由於石內卜喺果個系列入面所經歷嘅道德旅程同內心衝突,因為真正重要嘅係英雄嘅鬥爭同代價高昂嘅救贖:「(石內卜嘅)角色渴望得到解決。而正係呢一點解決問題嘅需要—我哋渴望了解真正嘅石內卜仲了解佢嘅選擇—呢個令佢成為波特史詩入面最引人注目嘅角色。」

石內卜的忠誠度喺《死神的聖物》入面嘅最終揭示受到咗一眾影迷同評論家嘅一致好評。喺電影系列入面扮演哈利·波特丹尼爾·域卡夫表達咗佢嘅喜悅,他指自己好高興睇到佢關於石內卜最終會成為一種悲劇英雄嘅理論實現得到[73]。《華盛頓郵報》嘅伊莉莎白·漢德英文Elizabeth Hand寫:「飽受詬病嘅孤獨者石內卜直至《死神的聖物》嘅後半部分先至出現喺舞台上面,但當佢咁樣做果陣,呢本小說就變成咗屬於佢嘅:石內卜嘅命運,比佛地魔嘅命運,甚至可能比哈利嘅命運都仲要多,呢個係羅琳所有成就入面最令人心碎、最令人驚訝同埋最令人滿意嘅嘢[2]。」

IGN中文IGN》將石內卜列為佢哋嘅《哈利波特》角色嘅第四位,話佢「喺《哈利波特》系列入面產生咗相當大嘅影響」,而《IGN》嘅祖·烏蒂奇Joe Utichi話石內卜係佢最鍾意嘅《哈利波特》角色,仲讚佢嘅角色發展[74]。喺最後一輯電影上映之後無幾耐,《MTV》舉行咗一場公眾投票,俾啲粉絲投票揀出果個系列入面嘅最佳角色,石內卜票選做第一位[75]。大約喺同一時間,《帝國雜誌中文帝國雜誌》舉行咗一次公眾投票,俾啲粉絲投票揀出果個系列入面最偉大嘅25個角色,石內卜再次排第一位[76]。2011年5月,石內卜喺布魯姆斯伯里出版社中文布魯姆斯伯里出版社舉行嘅公眾投票入面再次獲選做最受歡迎嘅《哈利波特》角色第一名[77]

流行文化 編輯

賽佛勒斯·石內卜嘅角色都有出現喺各種哈利波特戲仿英文Parodies of Harry Potter入面。

編輯

  1. "Rowling on Snape". half-bloodprince.org. 原著喺2011-07-26歸檔. 喺2012-11-03搵到.
  2. 2.0 2.1 Elizabeth Hand (2007-07-22). "Harry's Final Fantasy: Last Time's the Charm". The Washington Post. 原先內容歸檔喺2012-10-21. 喺2008-03-18搵到.
  3. "Professor Severus Snape (Character)". IMDB. 原著喺2017-05-11歸檔. 喺2018-06-16搵到. {{cite web}}: Unknown parameter |dead-url= ignored (|url-status= suggested) (help)
  4. 陳昭妤 (2016-01-15). 內卜世 哈利波特.妙麗超不捨 (臺灣中文). 聯合影音. 原著喺2020-09-23歸檔. 喺2018-06-16搵到. {{cite web}}: Unknown parameter |dead-url= ignored (|url-status= suggested) (help)
  5. 哈利波特:死神的聖物》入面,哈利對住擔心被分派去史萊哲林學院嘅仔講:「阿不思·賽佛勒斯·波特,你個名係以霍格華茲兩個前任校長嘅名字嚟命名,其中一位就係嚟自史萊哲林,而佢或者係我呢世見過最勇敢嘅人。」
  6. 6.0 6.1 6.2 6.3 "Web Chat with J.K. Rowling 30 July 2007 on Bloomsbury.com" (PDF). 原著 (PDF)喺2007-09-28歸檔. 喺2007-10-02搵到.
  7. 7.0 7.1 "J.K. Rowling interview transcript". The Connection. WBUR Radio. 1999-10-12. 原先內容歸檔喺2012-08-06. 喺2008-03-14搵到.
  8. "Barnes and Noble and Yahoo! chat with J.K. Rowling". barnesandnoble.com. 2000-10-20. 原先內容歸檔喺2018-03-03. 喺2007-09-15搵到.
  9. Fraser, Lindsay (2001). Conversations with J. K. Rowling. New York: Scholastic. p. 21. ISBN 978-0-439-31455-8.
  10. 哈利波特:鳳凰會的密令》第12章。
  11. "Rowling's 'spell' on science teacher". BBC News (英國英文). 2001-12-28. 原著喺2018-07-24歸檔. 喺2019-04-05搵到. {{cite news}}: Unknown parameter |dead-url= ignored (|url-status= suggested) (help)
  12. "JK Rowling's inspirational teacher" (英文). South Wales Argus. 2007-07-20. 原著喺2022-06-11歸檔. 喺2019-04-05搵到.
  13. "Teacher who inspired Professor Snape was 'proud' of JK Rowling's character". walesonline. 2011-03-20. 原著喺2018-01-11歸檔. 喺2019-04-05搵到. {{cite web}}: Unknown parameter |dead-url= ignored (|url-status= suggested) (help)
  14. "Rowling's 'spell' on science teacher". BBC News. 2001-12-28. 原先內容歸檔喺2008-02-03. 喺2012-11-08搵到.
  15. "The name's Snape, Severus Snape". This Is Gloucestershire. Northcliffe Media. 2009-06-25. 原著喺2011-01-01歸檔. 喺2012-11-09搵到.
  16. Hind, Lia (2011-03-16). "Chepstow inspiration for Harry Potter prof dies". South Wales Argus. 原先內容歸檔喺2012-09-27. 喺2012-11-09搵到.
  17. @jk_rowling (2020-05-23). "Real Harry Potter inspiration alert:..." (推文) –透過Twitter.
  18. "Rowling eToys Interview". 2000. 原先內容歸檔喺2007-09-30. 喺2007-07-16搵到.
  19. Abel, Katy (1999). "Harry Potter Author Works Her Magic". Family Education. Pearson. 原著喺2011-07-18歸檔. 喺2007-09-03搵到.
  20. 20.0 20.1 "J.K. Rowling at the Edinburgh Book Festival". J.K.Rowling Official Site. 2004-08-15. 原著喺2011-07-21歸檔. 喺2012-11-04搵到.
  21. "World Book Day Chat". 2004-03-04. 原先內容歸檔喺2007-08-16. 喺2007-09-03搵到. I'm not going to tell you [what form Professor Snape's Boggart and Patronus will take], but that's because it would give so much away.
  22. "JK Rowling's World Book Day Chat, March 4, 2004". 原著喺2007-08-16歸檔. 喺2018-06-16搵到. {{cite web}}: Unknown parameter |dead-url= ignored (|url-status= suggested) (help)
  23. "Interview with Stephen Fry at Royal Albert Hall". 2003-06-26. 原先內容歸檔喺2012-08-06. 喺2007-09-03搵到. It is worth keeping an eye on old Severus definitely!
  24. "J.K. Rowling interview transcript". The Connection. WBUR Radio. 1999-10-12. 原先內容歸檔喺2012-08-06. 喺2008-03-14搵到. I'm slightly stunned that you've said that...and you'll find out why I'm so stunned if you read book 7.
  25. 25.0 25.1 25.2 "JKR: Snape and Dumbledore Two of the Most Important Characters in 'Deathly Hallows'". The Leaky Cauldron. 2008-04-03. 原先內容歸檔喺2008-04-07. 喺2008-04-07搵到.
  26. "'Harry Potter' Author J.K. Rowling Meets With L.A. Students, Plots Her Next Move". MTV News (英文). 2007-10-15. 原著喺2010-03-10歸檔. 喺2018-06-16搵到. {{cite news}}: Unknown parameter |dead-url= ignored (|url-status= suggested) (help)
  27. Adler, Shawn (2007-10-15). "'Harry Potter' Author J.K. Rowling Meets With L.A. Students, Plots Her Next Move". MTV News. 原先內容歸檔喺2012-10-26. 喺2012-11-14搵到.
  28. 28.0 28.1 Vieira, Meredith (2007-07-29). "Harry Potter: The Final Chapter". Dateline. NBC. 原先內容歸檔喺2008-03-12. 喺2008-03-14搵到.
  29. 陳奕謙 (2017-05-03). . 港01 (香港中文). 原著喺2018-06-16歸檔. 喺2018-06-16搵到. {{cite news}}: Unknown parameter |dead-url= ignored (|url-status= suggested) (help)
  30. 內卜 羅琳再致歉 (香港中文). 香港文匯報. 2017-05-04. 原著喺2018-06-16歸檔. 喺2018-06-16搵到. {{cite web}}: Unknown parameter |dead-url= ignored (|url-status= suggested) (help)
  31. 潘慧中 (2017-05-03). 內卜當了10年壞人…結局反轉 J.K.羅琳公開道歉!. ETtoday星光雲 (臺灣中文). 原著喺2020-02-21歸檔. 喺2018-06-16搵到. {{cite news}}: Unknown parameter |dead-url= ignored (|url-status= suggested) (help)
  32. 年賜死石內卜 JK羅琳慚愧公開道歉了!. 自由娛樂. 2017-05-03. 原著喺2018-12-24歸檔. 喺2018-06-16搵到. {{cite web}}: Unknown parameter |dead-url= ignored (|url-status= suggested) (help)
  33. 哈利波特:神秘的魔法石》第8章。
  34. 34.0 34.1 34.2 34.3 哈利波特:鳳凰會的密令》第28章。
  35. "Alan Rickman – French Interview Translation". 原先內容歸檔喺2008-04-30. 喺2008-03-12搵到.
  36. "Alan Rickman Interviews Transcripts about Snape". 原先內容歸檔喺2007-12-08. 喺2008-03-12搵到.
  37. 37.0 37.1 "Director 'denies' Potter audience... just a little". 2007-07-13. 原著喺2007-07-17歸檔. 喺2008-03-14搵到.
  38. 38.0 38.1 38.2 哈利波特:鳳凰會的密令》第24章。
  39. 39.0 39.1 哈利波特:死神的聖物》第32章。
  40. 40.0 40.1 哈利波特:火盃的考驗》第27章。
  41. 41.0 41.1 41.2 41.3 41.4 41.5 41.6 41.7 哈利波特:死神的聖物》第33章。
  42. 《{哈利波特:死神的聖物}》第34章。
  43. 哈利波特:死神的聖物 第5章。
  44. 44.0 44.1 哈利波特:死神的聖物》第30章。
  45. 45.0 45.1 哈利波特:混血王子的背叛》第24章。
  46. 哈利波特:混血王子的背叛》第13章。
  47. 47.0 47.1 47.2 哈利波特:混血王子的背叛》第2章。
  48. 48.0 48.1 哈利波特:混血王子的背叛》第27章。
  49. "Scholastic asks "Is Snape Good or Evil?"". 2007-05-01. 原先內容歸檔喺2008-08-20. 喺2008-03-18搵到.
  50. The Great Snape Debate
  51. "Severus Snape: Friend or Foe?". 原先內容歸檔喺2008-03-25. 喺2008-03-18搵到. Link includes video.
  52. "The Great Snape Debate – Borders Exclusive". 原先內容歸檔喺2008-02-20. 喺2008-03-18搵到.
  53. 哈利波特:神秘的魔法石》第7章。
  54. 哈利波特:鳳凰會的密令》第17章。
  55. 哈利波特:神秘的魔法石》第17章。
  56. 哈利波特:消失的密室》第11章。
  57. 哈利波特:阿茲卡班的逃犯》第8章。
  58. 哈利波特:阿茲卡班的逃犯》第22章。
  59. 哈利波特:阿茲卡班的逃犯》第18章。
  60. 哈利波特:火盃的考驗》第30章。
  61. 哈利波特:鳳凰會的密令》第25章。
  62. 哈利波特:鳳凰會的密令》第4章。
  63. 哈利波特:鳳凰會的密令》第37章。
  64. 哈利波特:混血王子的背叛》第15章。
  65. 哈利波特:混血王子的背叛》第28章。
  66. "The Leaky Cauldron and MN Interview Joanne Kathleen Rowling – Part 1". The Leaky Cauldron. 2007-07-28. 原著喺2022-02-09歸檔. 喺2022-02-08搵到.
  67. 哈利波特:死神的聖物》第19章。
  68. "Transcript of webchat with J.K. Rowling". the-leaky-cauldron.org. 2007-07-30. 原先內容歸檔喺2007-08-24. 喺2008-04-02搵到.
  69. 哈利波特:死神的聖物
  70. "Interview with Stephen Fry at Royal Albert Hall". 2003. 原先內容歸檔喺2012-08-06. 喺2007-09-03搵到.
  71. Mercedes Lackey, 編 (2006). Mapping the World of Harry Potter. BenBella Books, Inc. pp. 39–52. ISBN 978-1-932100-59-4. 原先內容歸檔喺2021-11-02. 喺2008-07-30搵到.
  72. "Missing from 'Harry Potter'". Christian Science Monitor. 2007-07-25. 原先內容歸檔喺2008-06-06. 喺2008-06-23搵到.
  73. Steve Daly. "Daniel Radcliffe Talks 'Deathly Hallows'". EW.com. 原先內容歸檔喺26 September 2014. 喺18 March 2008搵到.
  74. Joe Utichi (2010-11-03). "The Top 10 Harry Potter Characters". IGN. 原著喺2010-11-06歸檔. 喺2011-04-03搵到.
  75. Jill Serjeant; Bob Tourtellotte (2011-07-14). "Snape voted greatest "Potter" character in MTV poll". Reuters. 原先內容歸檔喺2016-03-06. 喺2011-07-25搵到.
  76. "The 25 Greatest Harry Potter Characters". Empire. 原先內容歸檔喺2013-02-16. 喺2013-07-18搵到.
  77. "Snape wins favourite Harry Potter character". Telegraph.co.uk. 原先內容歸檔喺2017-09-28. 喺2016-04-18搵到.
  78. "PotterPuppetPals Top at YouTube Awards". the-leaky-cauldron.org. 2008-03-22. 原先內容歸檔喺2008-05-28. 喺2008-05-16搵到.
  79. "Torg Potter and the Sorcerer's Nuts". 原著喺2003-09-22歸檔. 喺2007-07-18搵到.
  80. "Harry Potter and the Secret Chamberpot of Azerbaijan". tv.com. 原先內容歸檔喺2012-08-06. 喺2007-07-08搵到.
  81. "French and Saunders: Harry Potter and the Secret Chamberpot of Azerbaijan". .frenchandsaunders.com. 原先內容歸檔喺2016-11-19. 喺2007-07-08搵到.
  82. "Saturday Night Live Transcripts". 原先內容歸檔喺2012-08-06. 喺2007-07-27搵到.
  83. "BBC One press release" (PDF). 2001. 原先內容歸檔 (PDF)喺2012-11-12. 喺2007-05-20搵到.
  84. LovecraftComedy (2016-05-28), Alistair McGowan's Big Impression - Series 03 Episode 02, 原先內容歸檔喺2021-11-02, 喺2018-03-17搵到
  85. "Australian television: The Wedge episode guide". 原先內容歸檔喺2010-06-12. 喺2007-05-25搵到.
  86. Dunn, Gaby (2012-02-08). "A StarKid Is Born". The New York Times. 原先內容歸檔喺2021-06-06. 喺2021-06-06搵到.