維基百科

哈利·波特 (角色)

(由哈利·波特跳轉過嚟)

哈利·波特（英文：Harry Potter），係英國作家J·K·羅琳嘅同名奇幻小說《哈利波特》系列嘅主角，係一個虛構嘅人物。故事講述哈利喺父母俾佛地魔殺死之後做咗孤兒，11歲嗰陣先至終於知道佢自己嘅身份，同埋佢自己父母死亡嘅真相。成個系列嘅主線集中喺哈利响巫師世界（中文：哈利波特世界觀與設定）嘅冒險，同埋佢逐步去打低佛地魔嘅過程，裡面涵蓋咗佢喺霍格華茲七年以嚟嘅學習生活。

哈利·詹姆·波特
Harry James Potter
丹尼爾·域卡夫喺《哈利波特》系列入面飾演嘅哈利·波特。
首次出場哈利波特：神秘的魔法石
尾次出場哈利波特：被詛咒的孩子
作者J·K·羅琳
扮演丹尼爾·域卡夫（電影）
傑米·帕克（舞台劇）
配音香港 張裕里（粵語配音）
詳細信息
性別男性
家庭
配偶金妮·衛斯理
仔女詹姆·天狼星·波特（中文：哈利波特角色列表#十九年後的孩子）（大仔）
阿不思·賽佛勒斯·波特（中文：哈利波特角色列表#十九年後的孩子）（細仔）
莉莉·露娜·波特（中文：哈利波特角色列表#十九年後的孩子）（細女）
親戚
國籍英國

《帝國雜誌（中文：帝國雜誌）》喺2011年將哈利評做「有史以來最偉大嘅電影角色」第36位，喺2018年則係第67位[1][2]。

創作理念

編輯

根據J·K·羅琳嘅講法，《哈利波特》小說仲有佢嘅同名角色嘅構想係從1990年等緊由英國曼徹斯特開去倫敦延誤咗嘅火車嗰陣產生嘅。佢話自己嘅諗法係「呢個瘦到好似條柴咁黑頭髮同戴眼鏡嘅男仔，佢唔知道自己係個巫師，呢個對我嚟講變得越嚟越真實[3]。」羅琳喺為佢嘅小說制訂構思嘅同時，佢仲決定俾哈利成為喺霍格華茲寄宿學校裡面讀書嘅孤兒。羅琳喺1999年接受《衛報》嘅訪問入面解釋話：「哈利無得唔係一個孤兒—咁樣佢先至能夠做到一個唔洗擔心令佢父母失望嘅自由身...而霍格華茲一定要係一間寄宿學校—有一半嘅重要嘅事仲會喺夜晚發生！嗰樣就係安全感。我嘅信念因為有咗自己嘅仔女而強化咗，細路仔最需要安全感，而呢個正就係霍格華茲能夠俾到哈利嘅嘢[4]。」

羅琳嘅阿媽喺1990年12月30號過身，呢個啟發咗佢將哈利寫成一個渴望同過咗身嘅父母見面嘅一個男仔，佢內心所隱藏嘅極度痛苦感比起早期嘅草稿變得「更加深入同埋更加真實」，因為呢啲嘢都關佢自己事[3]。羅琳喺2000年接受《衛報》採訪嗰時仲用特倫斯·韓伯瑞·懷特（中文：特倫斯·韓伯瑞·懷特）嘅小說《永恆之王（中文：永恆之王）》入面亞瑟王嘅角色嚟確立咗哈利「精神上嘅祖先」[5]。最後，佢將哈利嘅生日定喺同佢自己一樣嘅７月３１號，但係佢堅持認為哈利並唔係直接基於任何現實生活裡面嘅人而寫：「佢只係啱啱喺我嘅一部分裡面行出嚟[6]。」羅琳仲堅持認為哈利係一個適合做細路仔喺現實生活裡面嘅榜樣，「呢種虛構嘅英雄／主角嘅優勢係喺，你可以比起了解一個生勾勾嘅英雄人物更加了解佢哋，裡面有好多人你永遠都唔會遇到...... 如果啲人鍾意哈利又清晰咁辨認到係佢，我會因為咁而覺得好高興，因為我認為佢係個好得人鍾意嘅細路[7]。」

身世

編輯

哈利·詹姆·波特Harry James Potter喺1980年7月31號出世[8]，佢係純血巫師詹姆·波特同麻瓜出身女巫莉莉·波特嘅獨生仔。雖然哈利係純血嘅巫師家族—波特嘅後代，但因為佢阿爸係獨子，哈利喺好細個嗰陣因為無咗父母所以成為咗孤兒。哈利後嚟住喺佢姨媽姨丈嘅屋企—德思禮家，由細到大都受到佢哋一家刻薄嘅對待。根據《哈利波特：神秘的魔法石》入面所講，哈利最初係住喺樓梯底下嘅一個碗櫥櫃裡面，後嚟先至搬到二樓嘅細房仔。雖然哈利可以忍受佢哋嘅對待，但係就唔能夠忍受自己父母俾人污衊。

喺哈利嘅11歲生日當日，佢喺霍格華茲嘅鑰匙管理員魯霸·海格手上收到鄧不利多發出嘅入學通知書，佢嗰陣先至知道自己入咗霍格華茲嘅事，仲喺海格口中知道自己係一個巫師。自此佢就喺霍格華茲讀書，仲喺校長鄧不利多同其他老師嘅指導下學習去用魔法，期間認識咗榮恩·衛斯理同妙麗·格蘭傑仲成為咗摯友。哈利發現自己原來喺巫師世界好出名，佢嘅命運仲同佛地魔息息相關──嗰個喺巫師世界係人都驚嘅黑巫師兼殺死哈利父母嘅兇手，而哈利成為咗唯一倖存嘅細路。一個好勁嘅黑巫師竟然俾一個細路仔打低咗，呢樣嘢就令到哈利喺巫師世界好出名。

當哈利發現自己同佛地魔命運嘅預言係「兩者必有一人敗在另一人手中」之後，佢就跟隨鄧不利多嘅教導點樣對抗佛地魔，但就俾佛地魔操控嘅魔法部通緝成為「頭號唔受歡迎人物Undesirable No.1」。最後哈利喺摧毀佛地魔嘅大部分分靈體之後先至知道黑魔王其中一個分靈體居然喺自己身上。喺第七輯嗰陣時，哈利喺[[鳳凰會#阿波佛·鄧不利多|阿波佛·鄧不利多}}嘅幫助同埋奈威·隆巴頓嘅接應下返到去霍格華茲，佢得到眾多師生嘅支持仲打敗咗佛地魔，徹底咁終結咗呢場跨越兩代嘅正邪大戰。

喺大戰落幕咗19年之後，哈利同榮恩嘅阿妹金妮·衛斯理結咗婚組織家庭，分別生咗大仔詹姆·天狼星·波特（中文：哈利波特角色列表#十九年後的孩子）James Sirius Potter、細仔阿不思·賽佛勒斯·波特（中文：哈利波特角色列表#十九年後的孩子）Albus Severus Potter，同埋細女莉莉·露娜·波特（中文：哈利波特角色列表#十九年後的孩子）Lily Luna Potter。

外表

編輯
 
哈利·波特

小說形容哈利有好似佢老豆咁樣永遠好凌亂嘅黑髮，同埋好似佢阿媽一樣嘅明亮綠色眼睛，佢前額上面有一條閃電形狀嘅疤痕。當羅琳俾人問到閃電疤痕嘅意義嗰陣時，佢話：「我希望佢嘅身體能夠標記住佢自己所經歷過嘅事，呢個係佢內心所經歷嘅外在表現嘅一種表達方式...喺某種意義上嚟講，呢個幾乎就好似『被選中嘅人The Chosen One』或者係『被詛咒嘅人The Cursed One』。」羅琳仲表示，哈利繼承咗佢父母嘅外表[9]。哈利喺系列嘅後半部分生得高咗，雖然佢嘅身高唔係比其他人高，但據講喺第七輯小說入面，佢嘅身高同佢老豆「差唔多」[10]。

羅琳解釋話，當佢第一次諗到哈利·波特嗰陣，哈利嘅形象就浮現喺佢自己嘅腦海入面，佢認為哈利係個「好似條柴咁瘦、黑髮、戴眼鏡嘅男仔」[3]。佢認為哈利嘅眼鏡係佢容易俾人攻擊嘅線索[11]。

性格

編輯

根據羅琳嘅講法，哈利憑住自己嘅良知嚟做強烈引導，同埋對於啱同錯有一種敏銳嘅觸覺。羅琳話，「接觸真正有愛心嘅成年人嘅機會非常有限」，而「對於咁樣一個後生仔，哈利被迫做自己嘅選擇[12]」。佢承認「哈利都會犯錯」，但佢最終都做咗良知話佢知要做嘅嘢。根據羅琳嘅講法，哈利嘅關鍵場景之一出現喺第四輯小說入面，當時佢要保護已經死咗嘅學長—西追·迪哥里嘅遺體唔好再受到佛地魔嘅傷害，仲搏命依照西追嘅遺願帶佢返去，表現出哈利嘅勇敢同無私[13]。

羅琳講過哈利嘅性格缺陷包括咗唔守規則、容易嬲同埋衝動；但佢又承認哈利係個天性正直高尚嘅人[14][15][16]，「佢係一個普通嘅男仔，佢擁有我哋大多數人真正欽佩嘅品格，佢亦都係一個好有競爭力嘅鬥士，並唔會躺平嚟受虐，不過佢唔係一個殘忍嘅男仔。佢確實有天生嘅正直，呢樣嘢令到佢成為咗我心目中嘅英雄。[17]。」哈利喺大多數情況下都表現出一啲都唔自誇嘅謙虛，仲成日淡化自己嘅成就；就算喺第五輯小說嘅早期用一連串嘅冒險經歷嚟作為佢成熟嘅例子都係咁樣。不過，呢啲同樣嘅成就後來就用嚟解釋點解佢應該去領導鄧不利多的軍隊，哈利喺呢一點上面淨係話佢自己好彩，仲唔覺得自己配得上咁多人所俾佢嘅權威。

喺第七輯小說之後，羅琳評價話，哈利擁有咗佢嘅角色性格上堅強得最極致嘅嘢——甚至連佛地魔都無嘅終極性格力量：接受死亡嘅必然性。

能力

編輯

飛行

編輯

哈利有飛行嘅天賦，佢騎住飛天掃把嚟去飛嘅能力好勁。哈利喺《神秘的魔法石》入面喺一年級嗰陣就攞到魁地奇搜捕手嘅資格，成為咗100年嚟年紀最細嘅搜捕手。呢樣能力好可能係遺傳自佢阿爸，因為霍格華茲嘅獎盃櫃裡面有個屬於佢阿爸嘅獎牌[18]。

喺後續嘅集數入面，哈利喺四年級嗰陣喺掃帚上面同龍對決[19]，又喺六年級做咗魁地奇球隊嘅隊長[20]。

黑魔法防禦術與決鬥

編輯

喺成個系列裡面，哈利係少數唔係黑巫師但又精通各種黑魔法同黑魔法防禦術嘅巫師。哈利對黑魔法防禦術好有天份，佢喺三年級嗰陣已經施展到高階護法咒[21]；佢喺五年級嗰陣教鄧不利多的軍隊裡面嘅同學甚至係學長去用黑魔法防禦術嚟對抗黑魔法[22]。喺嗰年嘅學期尾，哈利喺普等試O.W.L.s裡面嘅黑魔法防禦術攞到傑出成績O嘅評級。

哈利喺決鬥方面都好擅長，佢喺《鳳凰會的密令》入面同鄧不利多的軍隊嘅成員喺魔法部嘅神秘部門同食死人嘅戰鬥入面，佢係唯一無受傷又無喪失行動能力嘅成員；哈利喺《哈利波特：死神的聖物1》開頭飛去洞穴屋嘅藏身地點嗰陣擊退咗無數嘅食死人[23]。

爬說語

編輯

哈利有能力同蛇去溝通，佢講得出仲理解到一種有關黑魔法嘅語言—「爬說語Parseltongue」。呢種能力係精通黑魔法嘅巫師，尤其係薩拉札·史萊哲林Salazar Slytherin本人同埋佢嘅家族後裔先至有嘅特殊技能，呢種能力經過代代相傳去到佛地魔身上。

根據《哈利波特：死神的聖物》，佛地魔喺成個系列開頭嗰時要殺死哈利嗰陣，哈利嘅阿媽莉莉用自己嘅身體擋喺哈利前面，咁樣就施展咗一種極之強大嘅保護咒—呢個係一種好古老嘅魔法，結果佛地魔因為咒語反彈而解體，佢嘅靈魂碎片就即時好快咁依附喺現場唯一嘅生命體—即係哈利身上[24]，因為咁就造成咗哈利額頭上嘅「閃電型疤痕」，仲無意中將哈利變成咗佛地魔嘅第７個分靈體。咁樣就解釋咗哈利係個「爬說嘴」同埋識得講「蛇話爬說語」嘅原因。

魔杖

編輯

哈利喺奧利凡德魔杖店嗰度買嘅魔杖係一支11英吋長嘅冬青木同鳳凰尾羽毛魔杖。哈利同佛地魔嘅魔杖杖芯都係嚟自同一隻鳳凰—亦都係鄧不利多喺校長辦公室裡面所養嘅佛客使，奧利凡德因為咁所以就喺賣出咗哈利嘅魔杖之後即刻通報鄧不利多關於佛地魔同哈利魔杖之間嘅連繫。

哈利喺《哈利波特：火盃的考驗》裡面同佛地魔對戰嗰陣，由於佢哋兩支魔杖就好似孖生兄弟咁存在，所以佢哋喺對戰期間意外產生咗符咒倒轉效應，呢樣令到無幾耐之前死喺佛地魔魔杖之下嘅人，好似係西追·迪哥里、瑞斗府嘅老僕人同埋哈利嘅父母因為咁而出現返，呢個關鍵後嚟仲解釋咗點解佛地魔嘅紫杉木魔杖無辦法用嚟打敗哈利嘅冬青木魔杖，又唔能夠互相殘殺。隨着佛客使喺《混血王子的背叛》就嚟完嗰陣跟埋鄧不利多過身[25]，所以能夠同佛地魔嘅紫杉木魔杖匹敵嘅，就淨係得哈利嘅冬青木魔杖。

哈利嘅冬青木魔杖後嚟喺《哈利波特：死神的聖物1》嗰陣唔小心整斷咗。喺哈利支魔杖斷咗嗰陣，佢都淨係可以暫時用住妙麗支魔杖又或者係榮恩喺死拿錢手上搶返嚟嘅黑刺李魔杖。哈利後嚟喺馬份莊園將跩哥·馬份嗰支魔杖嘅忠誠轉移咗，造成咗接骨木魔杖喺嗰時效忠哈利。

哈利喺小說同電影嘅尾聲都攞到咗接骨木魔杖嘅擁有權，又消滅埋佛地魔，不過哈利修復返自己嗰支冬青木魔杖，於是佢就將嗰支接骨木魔杖歸還返去鄧不利多嘅墓地嗰度；哈利喺電影版《哈利波特：死神的聖物2》入面就親手將接骨木魔杖摧毀，然後掉deu6落去到霍格華茲廢墟嘅谷底嚟杜絕後患。

資產

編輯

哈利喺小說同電影裡面擁有一隻個名叫嘿美嘅雪鴞，係魯霸·海格送俾佢嘅11歲生日禮物。小說裡面大部分章節都有提到嘿美，嘿美亦都用嚟傳遞或接收信息同包裹。嘿美後尾喺在《死神的聖物》裡面俾食死人嘅詛咒殺死咗；電影版就係為咗保護哈利而犧牲。

哈利繼承咗佢阿爸嘅兩樣珍貴物品：一件係劫盜地圖，呢樣嘢可以顯示到霍格華茲入面嘅設施、場地，仲有邊個實時喺邊度；另一樣嘢就係鄧不利多交俾佢嘅隱形斗篷，呢樣嘢亦都證明咗哈利同皮福雷家族之間嘅血緣關係。

哈利有兩把靚嘅飛天掃把，一把係麥教授送嘅光輪2000Nimbus 2000，而另一把就係天狼星·布萊克送嘅火閃電Firebolt。

家族

編輯

根據《吟遊詩人皮陀故事集》，皮福雷三兄弟入面嘅大佬安提歐·皮福雷Antioch Peverell，因為得到咗接骨木魔杖之後無幾耐俾人殺咗，所以佢無後代；而皮福雷三兄弟入面嘅二佬卡德馬‧皮福雷Cadmus Peverell，佢嘅後裔就係佛地魔嘅娘家－岡特家族The Gaunts，由於岡特家族繼承咗薩拉札·史萊哲林嘅血緣，佛地魔就係因為咁而同時亦都係史萊哲林嘅後裔。

哈利嘅父系家族－波特家族Potter，係皮福雷三兄弟入面嘅細佬—伊諾特·皮福雷Ignotus Peverell嘅後裔，呢個證據就係由伊諾特傳承俾佢子嗣嘅隱形斗篷，嗰件隱形斗篷嘅特性係唔會因時間而失效亦唔會撕裂，而哈利嘅嗰件隱形斗篷係嚟自佢老豆－詹姆·波特。就係因為咁，哈利·波特同佛地魔都係源自共同嘅祖先—皮福雷三兄弟嘅老豆。

雖然史萊哲林同葛萊分多都係嚟自同一時代嘅人物，但係羅琳後嚟喺訪問入面明確咁證實咗哈利同史萊哲林之間一啲關係都無，但係哈利亦都唔係葛萊分多嘅後裔。

伊諾特死咗之後葬咗喺哈利出生嘅地方－高錐客洞，呢個城鎮都係因為高錐客·葛萊分多嘅故鄉而有呢個名。


 
 
 
 
 
 
 
 
 
 
 
 
 
 
 
皮福雷家族
（波特家族嘅巫師遠祖）
 
 
 
 
 
薩拉扎·史萊哲林
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
德思禮夫婦
（威農姨丈嘅麻瓜祖先）
 
 
 
 
 
伊凡家族
（哈利嘅麻瓜外祖）
 
 
皮福雷家族
（波特家族嘅巫師祖先）
 
 
 
 
 
岡特家族
（佛地魔嘅遠祖）
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
德思禮夫婦
（佩妮姨媽嘅夫家）
 
 
 
 
 
伊凡夫婦
（哈利外公外婆）
 
 
波特夫婦
（哈利阿爺阿嫲）
 
 
 
 
 
湯姆·瑞斗嘅父母
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
瑪姬·德思禮
（威農姨丈家姐）
 
威農·德思禮
（哈利姨丈）
 
佩妮·德思禮
（哈利姨媽）
 
莉莉·伊凡
（哈利阿媽）
 
詹姆·波特
（哈利阿爸）
 
 
亞瑟·衛斯理（中文：亞瑟·衛斯理）
（哈利外父）
 
茉莉·衛斯理（中文：茉莉·衛斯理）
（哈利外母）
 
 
湯姆·瑞斗
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
達力·德思禮
（哈利表哥）
 
 
 
 
 
哈利·波特
 
金妮·衛斯理
（哈利老婆）
 
 
 
 
 
金妮·衛斯理
其餘嘅五個阿哥
（參見：衛斯理家族）
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
詹姆·天狼星·波特
（大仔）
 
阿不思·賽佛勒斯·波特
（細仔）
 
莉莉·露娜·波特
（細女）
 
 
 

在小說裡面，哈利·波特係詹姆·波特同莉莉·波特嘅獨生仔，佢喺仲係手抱咁大嗰陣已經係孤兒。羅琳喺第一輯小說嘅早期草稿裡面已經將哈利設定做孤兒，佢認為孤兒呢個設定係最有趣嘅寫作題材[4]。不過喺佢自己阿媽過咗身之後，羅琳就將自己嘅痛苦融入喺裡面，佢將哈利形容做一個好恨又再見到佢已經死咗嘅父母嘅細路。雖然哈利嘅阿爸阿媽都係有魔法技能嘅巫師同女巫，但因為詹姆係純血巫師，而莉莉係麻瓜出身嘅女巫，所以哈利因為咁而喺嗰個系列裡面被列做混血巫師。

哈利嘅姨媽同姨丈一家都係麻瓜，因為佢哋好抗拒喺魔法世界存在嘅關係，搞到佢哋要向哈利隱瞞佢阿爸阿媽死咗嘅真相，淨係向哈利講大話指佢哋兩個死喺車禍入面[3]。詹姆·波特係《吟遊詩人皮陀故事集》裡面《三兄弟故事》中嘅老三—死神聖物嘅原始擁有人—伊諾特·皮福雷Ignotus Peverell嘅後裔，哈利當然亦都係，佢後尾喺最後一輯小說裡面繼承咗呢件聖物。

喺小說嘅最後，呢三件聖物嘅故事透過哈利同金妮·衛斯理嘅三個仔女繼續傳承落去：詹姆·天狼星·波特（佢個名來自哈利嘅阿爸同契爺）、阿不思·賽佛勒斯·波特（佢個名嚟自霍格華茲嘅兩位已故校長）、莉莉·露娜·波特（哈利用嚟紀念佢阿媽同路平，路平嘅綽號係月影，而露娜Luna喺法語裡面係有月亮嘅意思，同時呢個名又係哈利同金妮嘅好朋友露娜·羅古德個名）。

2015年9月，羅琳喺《Pottermore（中文：Pottermore）》網站上發表嘅一篇原創文章入面，佢更加詳細咁講咗有關波特家族嘅歷史：嗰個係喺12世紀嘅巫師—「斯廷奇庫姆嘅林弗雷德Linfred of Stinchcombe」做開始，佢係「一個深受當地人愛戴嘅古怪男人，佢嘅暱稱係『陶匠嘅人the Potterer』，隨住時間嘅演變而做咗『波特Potter』呢個姓氏」。林弗雷德係好多種療法嘅發明者，呢啲魔藥演變到而家仲喺度用緊嘅魔藥，包括咗生骨藥Skele-Gro同埋提神劑Pepperup。呢啲成功嘅產品令到林弗雷德得到嘅收入構成咗佢哋家族財富嘅基礎，呢啲財富隨著幾代人嘅努力而不斷累積同增長。林弗雷德嘅大仔哈德溫Hardwin娶咗伊諾特·皮福雷嘅孫女—嚟自高錐客洞又靚又後生嘅女巫—伊奧蘭瑟·皮福雷Iolanthe Peverell，波特家族就係咁樣將伊諾特·皮福雷作為死神聖物嘅嗰件隱形斗篷代代相傳落去。

哈利·波特嘅兩個祖先—拉爾斯頓·波特Ralston Potter同亨利·波特Henry Potter曾經列席喺加瑪巫審，拉爾斯頓係1612年-1652年嘅成員，佢仲係《巫師保密法》嘅熱心支持者；亨利·波特，同佢最親近嘅人都會叫佢做「哈利」，佢係哈德溫同埋伊奧蘭瑟嘅直系後裔，亦都係哈利·波特嘅太爺。亨利喺1913年-1921年喺加瑪巫審入面服務，仲喺公開譴責當時嘅魔法部部長阿切爾·埃弗蒙德Archer Evermonde唔俾魔法界喺第一次世界大戰嗰陣去幫麻瓜，引起咗一場小爭議。

亨利·波特嘅仔—弗利蒙·波特Fleamont Potter，為咗滿足佢阿嫲（亨利阿媽）繼承佢個姓氏嘅遺願，佢就用咗阿嫲嘅姓氏嚟做自己個名，當時其他人都嘲笑佢個名，不過佢因為喺霍格華茲嘅決鬥入面贏到咗聲譽。弗利蒙透過創造神奇嘅速順滑髮劑Sleekeazy's Hair Potion令到家族嘅財富翻咗兩番，佢退休嗰陣仲喺巨額利潤嗰陣將佢間公司賣咗出去。年紀大嘅弗利蒙同佢老婆尤菲米婭Euphemia喺放棄生細路嘅希望嗰陣有咗佢哋嘅獨生仔—詹姆·波特，老來得子嘅佢哋後嚟都可以喺有生之年見證到詹姆同麻瓜出身嘅莉莉·伊凡結婚，詹姆同莉莉喺婚後生咗佢哋嘅獨生仔—哈利·波特。弗利蒙與尤菲米婭最後因為高齡而死於龍痘Dragon Pox呢個病，佢哋兩個最後都係無機會同佢哋嗰個好出名嘅孫仔見面[26][27]。

迴響及評價

編輯
 
位於倫敦李斯特廣場嘅哈利·波特騎住光輪2000（中文：魁地奇）嘅雕像。

《哈利波特》喺2002年俾《圖書》雜誌評做「百大最佳虛構人物」入面嘅第85位[28]，仲喺英國嘅第４頻道（中文：第四台 (英國)）節目《我哋又愛又恨嘅100個最差嘅英國人100 Worst Britons》入面排名第35位[29]。《哈利波特》喺《娛樂週刊（中文：娛樂週刊）》嘅2010年《過去20年裡最偉大嘅100個角色The 100 greatest characters of the past 20 years》名單入面排名第二位，仲講到「喺我哋跳去小說嘅最後一頁同埋睇埋最後片尾嘅字幕好耐之後，我哋仍然覺得哈利就好似係我哋識得嘅人。呢個就係佢最神奇嘅地方[30]」。《UGO網絡（英文：UGO Networks）》將哈利列做佢哋有史以嚟其中一個最好嘅英雄，佢哋指「對於嗰啲成日受到壓抑同埋被踐踏嘅後生仔女粉絲嚟講，哈利成為咗英雄，佢哋終於擁有咗一個受到人哋尊重同崇敬嘅偶像，唔再係鄙視住長袍同揮舞住魔杖嘅傻仔飼料[31]。」《帝國雜誌（中文：帝國雜誌）》將飾演哈利·波特嘅丹尼爾·域卡夫選做2008年「有史以來最偉大嘅百大電影角色」名單入面排名第36位[32]。《IGN（中文：IGN）》話哈利·波特係佢哋最鍾意嘅《哈利波特》入面嘅角色，仲話佢係「富有同情心嘅人物」，仲喺回應佢同佛地魔嘅戰鬥嗰陣講「每個人都鍾意善與惡嘅弱者故仔[33]」。

另一方面，哈利·波特都受到批評。埃德·鮑爾Ed Power喺《愛爾蘭時報（中文：愛爾蘭時報）》入面寫：「相比之下，波特係一個救世主嘅小天使，由一開始就話佢知佢好特別。佢仲無贏得出嘅屬性...佢被無休止咁奉承住。哈利因為咁就係終極『特別嘅一個』—喺佢攞到有任何成就之前就俾人叫做成績超出預期水平嘅人。...對於波特，（羅琳）鼓勵未成年讀者認同一個與眾不同嘅年輕人，呢個只淨係因為作者堅持認為係咁樣。無論係點，你都係非凡嘅。呢個就係我想俾我嘅仔女傳遞嘅觀點呀[34]？」作者蘭娜·馬歇爾Lannah Marshall都批評呢個角色，佢話：「我大多數時候聽到關於哈利·波特嘅消息係，佢係一個平淡無奇嘅角色。對呢樣嘢嘅辯護包括佢係個『觀眾代理人』，或者我所講嘅『傀儡主角』。傀儡主角係一個平淡、有限人格嘅主角，俾觀眾能夠走入去角色，發揮想像力嚟填補其餘部分。年輕人入面第一人稱敘述嘅流行只係增加咗傀儡主角嘅潮流；引入幾百條無癮同成日唔記得嘅線索融入到得意同複雜嘅故事入面，俾讀者感受到成為故事嘅一部分。就好似我哋要返到去《自我歷險叢書（中文：惊险岔路口）》入面第二人稱嘅恐怖[35]。」

就算一啲基督教基要主義（中文：基督教基要主義）者反擊批評羅琳喺嗰個系列入面用巫術同魔法[36]，但係其他基督教評論家，當中包括約翰·基林格牧師Rev. John Killinger在內，佢哋都認為波特係嗰個系列裡面嘅基督人物。基林格喺2002年評論話：「J·K·羅琳寫咗21世紀嘅基督故事，她喺全球內得到咁出色嘅追隨者，咁樣真係太好喇。」佢注意到波特角色喺《神秘的魔法石》同《消失的密室》中有幾個對耶穌嘅典故[37]，羅琳本人後來都承認，福音故事啟發了《哈利波特》嘅故事，尤其係佢喺《死神的聖物》入面嘅終極犧牲，以及喺徹底打低佛地魔之前嘅明顯死咗[38]。

2006年，羅琳喺度寫緊《哈利波特》嘅最後一輯《哈利波特：死神的聖物》嗰陣，美國作家史蒂芬·金（中文：史蒂芬·金）同約翰·艾文（中文：約翰·艾文）都表示關注哈利·波特嘅最終命運，仲請羅琳唔好寫死哈利。史蒂芬·金話唔希望哈利·波特同福爾摩斯一樣經歷「萊辛巴赫瀑布（中文：萊辛巴赫瀑布）」事件（柯南·道爾（中文：柯南·道爾）安排角色福爾摩斯死喺萊辛巴赫瀑布，但就引起一大班讀者不滿，佢唯有俾福爾摩斯重新返嚟）。羅琳就回應話：「史蒂芬·金同艾文喺佢哋嘅作品入面安排角色死嘅次數仲多過我自己嘅作品[39][40]」。

演員

編輯

哈利·波特嘅角色喺2001-2011年上映嘅８輯《哈利波特系列電影》入面一直都係由英國演員丹尼爾·域卡夫去做嘅。

2000年，電影製片人大衛·海曼（中文：大衛·海曼）喺正喺倫敦睇一齣叫《在他口袋裡的石頭（英文：Stones in His Pockets）》嘅舞台劇嗰陣，當時佢要求域卡夫為哈利嘅角色去試鏡[41][42]。丹尼爾·域卡夫喺2007年接受《MTV》嘅採訪嗰陣話，哈利呢個角色對佢嚟講係個典型嘅成年禮（中文：成年禮）角色：「呢個就係電影對我嘅意義—無咗純真，由一個對周圍世界充滿敬畏嘅細路仔開始，去到一個喺世界結束嗰時變得更加頑強嘅人[43]。」佢仲話，對佢嚟講，影響哈利心理嘅重要因素係關於佢過咗身阿爸阿媽嘅嗰種倖存者內疚（中文：倖存者內疚）感，同埋佢嗰種揮之不去嘅孤獨感。正因為咁樣，域卡夫同一位喪親輔導員（英文：Grief counseling）傾計嚟幫佢去為呢個角色做準備[43]。域卡夫被引用話佢想哈利喺小說裡面死咗，但係佢澄清話自己「無辦法想像任何可以得出結論嘅其他方式[43]」。喺睇咗最後一輯小說之後，哈利同佢班朋友確實無死到，佢哋悻存咗落嚟仲有埋仔女，域卡夫話佢對結局覺得開心，仲讚羅琳嘅故事結尾[44]。域卡夫話，佢俾人問得最多嘅問題係《哈利波特》點樣影響咗佢自己嘅生活，佢成日用「好好」嚟答呢個問題，佢唔覺得呢個角色被歸類咗，佢反而會睇做哈利呢個角色係一項好大嘅特權[45]。

流行文化

編輯
  • 巫師搖滾係一項喺2002年開始嘅音樂運動，由至少200個年輕音樂人組成嘅樂隊組成，演奏有關《哈利波特》嘅歌[46][47]。呢場運動以樂隊「哈利與波特氏（英文：Harry and the Potters）Harry and the Potters」喺麻省開始，佢哋用Cosplay嘅形式喺現場表演嗰陣扮演哈利[48][49]。
  • 2005年，哈利波特套裝係最暢銷萬聖節服裝嘅第５位[50]。
  • 美國作家米高·格伯（英文：Michael Gerber (parodist)）嘅《巴里·特羅特（英文：Parodies of Harry Potter）Barry Trotter》系列入面惡搞咗《哈利波特》，而巴里·特羅特以同名嘅反英雄角色出現。喺佢嘅主頁上，格伯將特羅特形容為一個令人唔高興嘅角色，「佢飲大咗，食到成隻豬咁，瞓到晏晝，仲爭大家嘅錢[52]」；作者話「因為我真係好鍾意羅琳嘅小說...我覺得有義務試吓寫一部配得上原著嘅惡搞。」[53]

註

編輯
  1. ↑ "The 100 Greatest Movie Characters" (英文). Empire. 原著喺2020-08-21歸檔. 喺2018-09-12搵到.
  2. ↑ "The 100 Greatest Movie Characters of All Time: 67. Harry Potter". Empire. 原先內容歸檔喺2011-08-14. 喺2010-12-04搵到.
  3. ↑ 3.0 3.1 3.2 3.3 "J. K. Rowling Official Site – Section Biography". 原著喺2008-12-17歸檔. 喺2007-08-15搵到.
  4. ↑ 4.0 4.1 "Carey, Joanna. "Who hasn't met Harry?". The Guardian. 1999-02-16. 原著喺2007-09-30歸檔. 喺2007-08-15搵到.
  5. ↑ "JK (JOANNE KATHLEEN) ROWLING (1966–)". The Guardian. 原著喺2007-09-30歸檔. 喺2007-08-15搵到.
  6. ↑ "Raincoast Books interview transcript, Raincoast Books (Canada)". March 2001. 原著喺2007-09-30歸檔. 喺2007-08-15搵到.
  7. ↑ "Barnes and Noble interview". 1999-03-19. 原著喺2007-02-28歸檔. 喺2007-08-15搵到.
  8. ↑ World Potterian Association (2002-06-01)。《《哈利波特．魔法教室》》。台灣東販股份有限公司。頁 18–19。ISBN 9789574733637。
  9. ↑ "Interview of J.K. Rowling, Detroit News, 19 March 2001". 原著喺2008-02-28歸檔. 喺2017-07-09搵到.
  10. ↑ Zimmerman, W. Frederick (2005). Unauthorized Harry Potter and the Deathly Hallows News: Harry Potter Book Seven and Half-Blood Prince Analysis. Nimble Books. p. 37. ISBN 0-9765406-0-6.
  11. ↑ Boquet, Tim. (December 2000). "J.K. Rowling: The Wizard Behind Harry Potter,". Reader's Digest. 原著喺2008-04-04歸檔. 喺2008-04-09搵到.
  12. ↑ "J.K. Rowling interview transcript, The Connection (WBUR Radio), 12 October 1999". 原著喺2011-09-07歸檔. 喺2017-07-10搵到.
  13. ↑ Jensen, Jeff (2000-09-07). "'Fire' Storm,". Entertainment Weekly. 原著喺2007-09-30歸檔. 喺2007-08-15搵到.
  14. ↑ "'J.K. Rowling Web Chat Transcript". 原著喺2007-12-30歸檔. 喺2007-08-15搵到.
  15. ↑ "J. K. Rowling at Carnegie Hall Reveals Dumbledore is Gay; Neville Marries Hannah Abbott, and Much More". 2007-10-20. 原著喺2016-05-11歸檔.
  16. ↑ "J. K. Rowling at Carnegie Hall Reveals Dumbledore is Gay; Neville Marries Hannah Abbott, and Much More". 原著喺2016-05-11歸檔. 喺2017-07-10搵到.
  17. ↑ O'Malley, Judy. (7月 1999). "Talking With . . . J.K. Rowling, Book Links". 原著喺30 9月 2007歸檔. 喺15 8月 2007搵到.
  18. ↑ 《《哈利波特：神秘的魔法石》。
  19. ↑ 《《哈利波特：火盃的考驗》。
  20. ↑ 《《哈利波特：混血王子的背叛》。
  21. ↑ 《哈利波特：阿茲卡班的逃犯》。
  22. ↑ 《哈利波特：鳳凰會的密令》。
  23. ↑ 《哈利波特：死神的聖物1》。
  24. ↑ 鄧不利多曾經喺《哈利波特：死神的聖物》入面解釋。
  25. ↑ "Wands" 互聯網檔案館嘅歸檔，歸檔日期30 July 2015.. The Harry Potter Lexicon. Retrieved 23 September 2015.
  26. ↑ Rowling, J.K. (September 2015). "The Potter Family" 互聯網檔案館嘅歸檔，歸檔日期23 January 2016.. Pottermore. Retrieved 23 September 2015.
  27. ↑ Flood, Alison (22 September 2015). "JK Rowling traces Harry Potter's family tree back to the middle ages " 互聯網檔案館嘅歸檔，歸檔日期17 September 2016.. The Guardian.
  28. ↑ Book Magazine Harry Potter among best characters in fiction since 1900 互聯網檔案館嘅歸檔，歸檔日期16 September 2017., npr.com.
  29. ↑ Channel 4—100 Worst Britons 互聯網檔案館嘅歸檔，歸檔日期25 March 2010. channel4.com.
  30. ↑ Geier, Thom; Jensen, Jeff; Jordan, Tina; Lyons, Margaret; Markovitz, Adam; Nashawaty, Chris; Pastorek, Whitney; Rice, Lynette; Rottenberg, Josh; Schwartz, Missy; Slezak, Michael; Snierson, Dan; Stack, Tim; Stroup, Kate; Tucker, Ken; Vary, Adam B.; Vozick-Levinson, Simon; Ward, Kate (11 December 2009), "THE 100 Greatest MOVIES, TV SHOWS, ALBUMS, BOOKS, CHARACTERS, SCENES, EPISODES, SONGS, DRESSES, MUSIC VIDEOS, AND TRENDS THAT ENTERTAINED US OVER THE PAST 10 YEARS". Entertainment Weekly. (1079/1080):74-84
  31. ↑ UGO Team (2010-01-21). "Best Heroes of All Time". UGO Networks. 原著喺2011-06-15歸檔. 喺2011-04-03搵到.
  32. ↑ "Empire's 100 Greatest Movie Characters of All Time". Empire. 原先內容歸檔喺2010-01-06. 喺2008-11-26搵到.
  33. ↑ Brian Linder; Phil Pirrello; Eric Goldman; Matt Fowler (2009-07-14). "Top 25 Harry Potter Characters". IGN. 原著喺2009-07-19歸檔. 喺2011-04-03搵到.
  34. ↑ Power, Ed. "Harry Potter: is there a less appealing fictional character?". The Irish Times. 原著喺2022-05-31歸檔. 喺2022-05-19搵到.
  35. ↑ Marshall, Lannah (2016-07-28). "Puppet Protagonists". thanetwriters.com. 原著喺2022-06-03歸檔. 喺2022-05-19搵到.
  36. ↑ "Why Do Christian Fundamentalists Hate 'Harry Potter'?". International Business Times. 2011-07-17. 原著喺2022-06-01歸檔. 喺2021-12-26搵到.
  37. ↑ "Harry Potter, Christ Figure?". www.beliefnet.com (英文). November 2002. 原著喺2022-06-06歸檔. 喺2021-12-26搵到.
  38. ↑ Petre, Jonathan (2007-10-20). "J K Rowling: 'Christianity inspired Harry Potter'". Telegraph. 原先內容歸檔喺2022-01-11. 喺2016-02-12搵到.
  39. ↑ 張翠蘭 (2006-08-03)。〈史蒂芬金求赦哈利波特〉。《臺灣蘋果日報》 (臺灣中文)。原著喺2019-03-01歸檔。喺2018-09-12搵到。
  40. ↑ Reuters, From (2006-08-02). "Save Harry Potter, authors plead". Los Angeles Times (美國英文). ISSN 0458-3035. 原著喺2015-10-26歸檔. 喺2018-09-12搵到.
  41. ↑ McLean, Craig (2007-07-15). "Hobnobs & broomsticks". Sunday Herald. 原著喺2007-07-18歸檔. 喺2007-07-15搵到.
  42. ↑ Koltnow, Barry (2007-07-08). "One enchanted night at theatre, Radcliffe became Harry Potter". East Valley Tribune. 原著喺2007-10-11歸檔. 喺2007-07-15搵到.
  43. ↑ 43.0 43.1 43.2 Vineyard, Jennifer. "Daniel Radcliffe Talks Harry Potter's First Kiss". MTV. 原先內容歸檔喺2007-09-11. 喺2007-08-15搵到.
  44. ↑ "Daniel Radcliffe: My Take on Deathly Hallows". Entertainment Weekly. 原著喺2014-09-26歸檔. 喺2007-08-15搵到.
  45. ↑ Lawson, Terry. "Daniel Radcliffe Talks Harry Potter". 原先內容歸檔喺2007-08-16. 喺2007-08-15搵到.
  46. ↑ McNally, Victoria. "17 'Harry Potter' Bands That Would Put The Weird Sisters To Shame". MTV News (英文). 原著喺2022-06-03歸檔. 喺2019-12-12搵到.
  47. ↑ Humphries, Rachel (2007-07-13). "Harry Potter 'Wrockers' Conjure Musical Magic". ABC News. 原先內容歸檔喺2007-07-18. 喺2007-07-31搵到.
  48. ↑ Davies, Shaun (2007-07-20). "The unexpected wizards of rock and roll". MSN. 原著喺2012-05-25歸檔. 喺2007-07-31搵到.
  49. ↑ Sweeney, Emily (2004-09-16). "Sibling musicians bring out the 'punk' in Harry Potter". The Boston Globe. 原先內容歸檔喺2015-09-24. 喺2007-01-26搵到.
  50. ↑ "Halloween Online Resource Center". 原著喺2012-03-14歸檔. 喺2007-08-15搵到.
  51. ↑ Milam, Whitney (2010-07-24). Team StarKid tops Glee and Gaga on iTunes, talks new projects. Hollywood Movie News. 原先內容歸檔喺2011-07-12.
  52. ↑ "Barry Trotter – Glossary". 原著喺2007-07-16歸檔. 喺2007-08-15搵到.
  53. ↑ "Barry Trotter – Frequently Asked Questions". 原著喺2007-09-27歸檔. 喺2007-08-15搵到.
由「https://zh-yue.wikipedia.org/w/index.php?title=哈利·波特_(角色)&oldid=2206269」收