司徒拔道（Stubbs Road），以前又叫做史塔士道，係香港島一條馬路，連接跑馬地同灣仔峽。路名喺1923年2月15號刊憲[1]，個名嚟自第16任香港總督司徒拔。司徒拔道山下連接灣仔皇后大道東，到東南方向黃泥涌峽道、大坑道交界處轉向西北，連接山頂道、灣仔峽道、布力徑、中峽道、金馬麟山道、香港仔水塘道同甘道交匯處。
司徒拔道原本係去到爐峯峽（太平山頂）[1]，1960年爐峯峽至灣仔峽之間嗰一段司徒拔道分拆成山頂道。
