同仁街

同仁街，香港一街，喺觀塘，算近觀塘地鐵站，行政上歸觀塘區。佢喺觀塘市中心，成鈎形。街短，北駁協和街，南接觀塘道，中間通去裕民坊。

北望。同仁街喺左邊成鈎形。

同仁街有同仁街臨時小巴總站，一邊東面駁去協和街，西面駁去同仁街。小巴站北面，有個同仁街臨時小販市場。同仁街同裕民坊交界，有裕民坊巴士總站。近觀塘道嗰邊，同仁街東面為官塘賽馬會健康院，同牌同仁街四號，不過已經停業，而西面為裕民大廈，已經空晒，等待重建。同仁街同協和街口，有個地盤，起緊私人屋苑凱匯。

協和街同裕民坊一段，為雙綫單程行車，而裕民坊同觀塘道一段，為雙綫雙程行車。

原本同仁街六號，有觀塘政府合署，不過已經拆咗。

文

英文寫Tung Yan Street。