同益棧

同益棧

同益棧係香港唯一而家重存在嘅清代客棧，喺新界元朗元朗舊墟利益街20號A同21號，佢起嘅年份無從稽考，但相信喺英國接管新界嘅1899年之前起，已超過110年歷史。建築別具特色，見證住時代嘅變遷，已被古物古蹟辦事處評為一級歷史建築。

1699年，鄧氏鄧文蔚建立咗元朗舊墟，為新界西北地區嘅居民提供買賣農作物同日常生活必須品嘅地方，之後幾百年嚟元朗舊墟都車水馬龍，商業活動繁盛，墟裏面聚集咗唔少商店、客棧、民居同廟宇，同益棧係專門招待喺墟日期間嚟自各鄉嘅商旅旅館。1899年英國接管新界之前，區裏面叫做太平公局嘅抗英組織成員亦曾經住過。同一街道嘅另一楝建築物，係晉源押，1910年起，至今已有百幾年歷史，係全港第一間押店，同益棧同晉源押係舊墟裏面兩間最具歷史價值嘅商業建築。1915年成立咗元朗新墟，舊墟就逐漸衰落，同益棧亦變咗做住宅。

同益棧樓高兩層，用青磚砌成，並以堅固嘅花崗岩做基石。外形古色古香，石牆上面雕刻咗雀鳥圖案，正門上面嘅大招牌雕上同益棧三個字。

參考

• Antiquities and Monuments Office (2009).Brief Information on Proposed Grade I Items.P.13-14.

[1]

出面網頁

• 同益棧