晉源押

晉源押

晉源押蝙蝠金錢葫蘆形招牌

晉源押喺香港新界元朗舊墟長盛街72號，由已故元朗鄉紳鄧佩瓊嘅先父鄧廉明創立，到而家已經有二百幾年歷史，而家已被古物古蹟辦事處評為一級歷史建築。

晉源押係香港現有最古老嘅當鋪，喺香港開埠之前已經開業，二次大戰完結之後結束營業，而家重門深鎖，原本喺門前懸掛呈「蝙蝠在上，金錢在下」形狀，意思「福在眼前」寫住「晉源押」嘅葫蘆形招牌已經拆咗棄置喺地下。舖頭用青磚砌成，麻石做基層，「熨攏」式嘅大門，門額寫有「晉源押」三個大字，但兩旁寫有「晉饒萬寶、源匯百川」嘅對聯就不翼而飛，屋簷上鑲有雕花陶瓷，保留住古色古香嘅建築原貌。

香港歷史博物館嘅「香港故事」常設展有展區係仿照「晉源押」嘅陳設。

參考

• 「香港故事」常設展（PDF格式）
• 《新界宗族文化之旅》，嚴瑞源編著，萬里書店，ISBN：962 14 2936 6