向陽村（粵拼：hoeng3 joeng4 cyun1）係中國村名，可以係：
- 吉林省吉林市蛟河嘅村，請睇《拉法街道》
- 1936年先有散戶墾荒，因爲位置靠山朝陽，就得名向陽。
- 當地有向陽水庫，1956年築大壩，1965年水庫落成。呢個水庫下面有向陽灌區。
- 滿洲國時屬新站保，1946年設行政村，屬拉法區，1954年屬拉法鄉，1959年條村改成公社嘅向陽管理區，1962年改成大隊，1983年改成村委會。
- 山東臨沂費縣嘅村，請睇《馬莊鎮》
- 條村喺清康熙年間開村，相傳明代時有位將軍路過呢處，呢度啱咗佢心水，於是死後就葬落呢度，因此初時叫丘上（jau1 soeng6）。後尾啲人覺得個名同死人嘅墳有關，大吉利事，1963年時就改地名叫向陽。
- 浙江湖州南潯嘅村，請睇《雙林鎮》
- 村名係話似陽光噉有朝氣、熠熠生輝。2001年3月亙頭村併入向陽，2002年旦頭村亦併入向陽村度。
- 福建泉州南安嘅村，請睇《向陽鄉》
- 村名得自當地嘅閩南名勝五臺山，座山嘅中峰喺朝早登頂，可以向東睇東海日出，個峰就因此叫觀日臺，又叫向陽山。佢上頭嘅向陽鄉亦同樣噉得名。
